• «Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից

  Շառլ Ազնավուրի հարսը՝ Քրիստինա Ազնավուրը, Instagram-ում արխիվային լուսանկար է հրապարակել...

• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• Թուփաքի պաշտոնական էջում տեղադրել են հայ նկարչի աշխատանքը՝ նշելով, որ այն արվել է Հայաստանում

  Ռեփեր Թուփաք Շաքուրի ինստագրամյան էջում տեղադրել են ազգությամբ հայ «սթրիթ արտ» նկարչի աշխատանքը եւ նշել, որ այն արված է Հայաստանում…

• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

Այսօր՝  հունիսի 6-ին` համաշխարհային ճանաչում ունեցող հայ կոմպոզիտոր Արամ Խաչատրյանի ծննդյան օրը, մեկնարկում է Խաչատրյանի 15-րդ  միջազգային մրցույթը, որի նպատակն է բացահայտել շնորհալի երիտասարդ երաժիշտների, նրանց մասնագիտական առաջխաղացման հնարավորություն տալ եւ էլ ավելի հանրահռչակել մեծն կոմպոզիտորի ժառանգությունը:

«Մեր մշակութային կյանքում սա, իսկապես, խոշոր իրադարձություն է, սա այն հեռանկարանային ծրագրերի մեջ է, որն ի սկզբանե պետությունը նպատակահարմար է գտել ֆինանսավորել եւ շարունակում է աշխատել մրցույթի շրջանակներն ավելի ընդլայնելու ուղղությամբ»,-այսօր կայացած մամուլի ասուլիսի ընթացքում նշեց Կրթության, գիտության, մշակույթի եւ սպորտի նախարարության ժամանակակից արվեստի վարչության պետ Արմենուհի Ղազարյանը:

«Մրցույթը շատ կարեւոր է նաեւ մեր հայրենակցի՝ աշխարհահռչակ կոմպոզիտոր Արամ Խաչատրյանի անունը բարձր պահելու, նրա մշակութային ժառանգությունը անընդհատ ներկայացնելու համար: Այս առիթով էլ այն ստեղծվել է: Հուսով եմ՝ մրցույթի բոլոր մասնակիցները կունենան կատարողական արվեստում շատ հեռանկարային կյանք, որտեղ, համոզված եմ, ունենալով իրենց երգացանկում Արամ Խաչատրյանի ստեղծագործոըւթյուններից՝ անընդհատ կկատարեն դրանք, ինչը կնպաստի նրա հանրահռչակմանը»,-հավելեց նա՝ հույս հայտնելով, որ ինչպես նախորդ տարիներին, այս տարի էլ մրցույթը կգրանցի լուրջ հաջողություններ եւ մասնակիցները կշարունակեն ներկայացնել ոչ միայն Արամ Խաչատրյանի դաշնամուրային տեղծագործությունները, այլեւ կատարողական արվեստում կունենան վերելքներ:

«Արամ Խաչատրյան մրցույթ» մշակութային հիմնադրամի տնօրեն Աննա Տեր-Հովակիմյանի խոսքով՝ մրցույթը, որը ներկայացնում է հայ մեծանուն կոմպոզիտոր Արամ Խաչատրյանի արվեստը, այսօր, միանշանակ, իր ուրույն տեղն ունի համաշխարհային մրցույթների ցանկում.

«2003 թ-ին, երբ առաջին անգամ անցկավեց այս մրցույթը, այն նվիրված էր Արամ Խաչատրյանի 100–ամյակին, եւ այս տարի արդեն նշում ենք դրա  ստեղծման 15-ամյակը: Կարծում եմ՝ այն դափնեկիրները, որոնք տվել է այս մրցույթը, այն մոտեցումը, որը մենք տեսնում ենք միջազգային ԶԼՄ-ների կողմից, եւ 2013 թ-ից մեր անդամակցությունը միջազգային մրցույթների համաշխարային ֆեդերացիային, միանշանակ, հնարավորություն են տալիս ասելու, որ մեր մրցույթն  ունի իր ուրույն  տեղը միջազգային մրցույթների շարքում: Յուրաքաչյուր տարի Հայաստանը շատ պատշաճ կերպով է ներկայանում: Սա շատ լավ հնարավորություն է մեր երկիրը ներկայացնել աշխարհին՝ որպես մշակութային պետություն, պետություն, որն ունի մեծ եւ հարուստ ժառանգություն, բայց որի ուշադրությունն ու հայացքն ուղղված են դեպի պայծառ ապագան: Հուսով եմ՝ մեր դափնեկիրների շարքում կունենանք այնպիսի անուններ, ինչպիսիք են, օրինակ, Նարեկ Հախնազարյանը, Ֆեոդոր Ռուդինը եւ շատ ուրիշներ, որոնք մեր մրցույթն արդեն ներկայացնում են միջազգային հարթակներում»,-նշեց նա:

Մրցույթի ժյուրիի կազմը գլխավորում է ճանաչված դաշնակահար եւ դիրիժոր Վահագն Պապյանը: Կազմում ընդգրկված են նաեւ համաշխարհային ճանաչում ունեցող երաժիշտներ Միխայիլ Վոսկրեսենսկին, Իգոր Օլոնիկովը, Թոմեր Լեւը, Վեյ Ճանը, Իլյա Ստուպելը եւ Սերգեյ Էդելմանը:

«Ժյուրիի գնահատման սկզբունքը մեկն է լինելու՝ արդարություն եւ անաչառություն, իսկ մասնակիցներին խորհուրդ եմ տալիս հիշել, որ անկախ արդյունքից՝ նրանց կյանքում ոչինչ չի ավարտվում: Այս մրցույթում չկան պարտվողներ: Կան, պարզապես, մի փոքր ավելի հաջողություններ գրանցածներ: Ամենակարեւորը՝ դրանից հետո էլ չմոռանաք՝ որտեղ եք սկսել ձեր առաջին քայլերը: Հայ հանդիսատեսը շատ տաք է ու ջերմ, հուսով եմ՝ ինքներդ կզգաք եւ դա ձեզ կօգնի»,-մասնակիցների հետ իր խորհուրդով կիսվեց Վահագն Պապյանը:

Խաչատրյան 15-րդ միջազգային մրցույթն այս տարի ստացել է 80-ից ավել մասնակցության հայտ, որոնցից ընտրվել են 30-ը: Մասնակիցների մեջ կան եւ հայեր, եւ այլ երկրներից ժամանած երաժիշտներ՝ ԱՄՆ, Կանադա, Չինաստան, Ճապոնիա, Կորեա, Ուկրաինա, Ռուսաստան, Իտալիա եւ այլն:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում