«Ոսկե ծիրան» 16-րդ միջազգային կինոփառատոնն այս տարի կներկայանա ոչ միայն նոր լոգոյով, այլեւ նոր պաստառներով: Այսօր՝ հունիսի 12-ին կայացած մամուլի ասուլիսի շրջանակում փառատոնի կազմը ներկայացրեց դիզայներ Վիլյամ Կարապետյանի հեղինակած պաստառները, ինչպես նաեւ բացահայտեց կինոփատատոնի այս տարվա հատուկ հյուրին, որի դերում կլինի մեքսիկացի ռեժիսոր Կառլոս Ռեյգադասը:
Պաստառներում հիմնական շեշտը դրված էր տառերի եւ համացանցում մեծ տարածում գտած արտահայտությունների վրա: «Փախած կինո գալի՞ս ես», «Սիրուն կինո գալի՞ս ես», «Սյուռ կինո գալի՞ս ես», «Կոֆե՞, կենտրո՞ն, ծիրա՞ն», «Կոֆե՞, կենտրո՞ն, կինո՞»՝ ահա այսպիսի գրառումներ շուտով կտեսնեք քաղաքի մի շարք անկյուններում:
«Ոսկե ծիրան» կինոփառատոնի գործադիր տնօրեն Հասմիկ Հովհաննիսյանը նշեց, որ պաստառներում տեղ գտած ծանոթ արտահայտությունները կհիշեցնեն բոլորին, որ մեզանից յուրաքանչյուրն էլ որոշակի ժանրի ֆիլմերի սիրահար է:
Ասուլիսին ներկա էր նաեւ փառատոնի հիմնադիր նախագահ Հարություն Խաչատրյանը, որը ոչ միայն խոսեց կինոփառատոնի կրած փոփոխություններից, այլեւ նոր եւ երիտասարդ կազմից.
«Այս երիտասարդները նոր մարդիկ չեն կինոփառատոնի համար: Նրանք ծնվել ու մեծացել են «Ոսկե ծիրան»-ում եւ այսօր զբաղեցնում են իրենց պաշտոնները: Փառատոնի կազմը համալրել են երիտաարդներ, ովքեր մեծ պատասխանատվությամբ են պատրաստվում 16-րդ «Ոսկե ծիրան»-ին եւ անում ամեն ինչ՝ այն իսկապես կինոտոն դարձնելու համար: Փոփոխություններ են եղել նաեւ գերատեսչությունների համատեքստում. Տեղի է ունեցել նախարարությունների վերամիավորում, եւ այսուհետ մենք համագործակցելու ենք ՀՀ կրթության, գիտության, մշակույթի եւ սպորտի նախարարության հետ: Չի փոխվել մեր գլխավոր գործընկերը՝ ՎիվաՍել-ՄՏՍ-ը»,-իր խոսքում նշեց նա:
Կրթության, գիտության, մշակույթի եւ սպորտի նախարարի տեղակալ Արա Խզմալյանը կարեւորեց «Ոսկե ծիրանի» հետ համագործակցությունը՝ հույս հայտնելով, որ այն ավելի սերտ կդառնա.
«Ես կարծում եմ՝ «Ոսկե ծիրան»-ի հետ մեր համագործակցությունը պետք է լինի ավելի սերտ, ավելի շատ ներառված լինենք կազմակերպչական հարցերում, դա չլինի միայն ֆինանսական աջակցություն: Եթե ես հիմա սկսեմ խոսել «Ոսկե ծիրան»-ի կարեւորության մասին, արհեստական բան կստացվի, որովհետեւ այն նոր չէ, որ հաստատել է իր տեղը մեր մշակութային կյանքում, նոր չէ, որ հաստատել է իր միջազգային նշանակությունը. եւ կարծում եմ, որ մշակույթի պետական քաղաքականության առանցքային կետերից մեկը երկրի միջազգային դիրքավորումն է, վարկանիշի բարձրացումը: Վստահաբար կարող եմ ասել, որ «Ոսկե ծիրանը» հենց այդպիսի նախագծերից մեկն է: Մեզ համար կինոփառատոնն ունի ռազմավարական նշանակություն, որովհետեւ այս ձեւաչափի փառատոնները չեն լուծում մասնագիտական խնդիրներ, սրանք լավ օղակներ են երկիրն աշխարհին ներկայացնելու համար»,-նշեց նա:
«Ոսկե ծիրան» ամենամյա 16-րդ կիոփառատոնը կմեկնարկի հուլիսի 7-ին եւ կտեւի մինչեւ հուլիսի 14-ը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան