• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Երիտասարդության, սիրո, ամուսնության, սիրելի կնոջ՝ Շողերի եւ իր միջեւ 23 տարվա տարբերության, սեքս խորհրդանիշ լինելու եւ իր 50 տարիների մյուս հետաքրքիր դրվագները հումորիստ, երգիչ, հաղորդավար եւ շոումեն Գրիշա Աղախանյանն ամփոփոեց իր առաջին՝ «Աղախանյանի 50 երանգները» stand up շոուում, որը տեղի ունեցավ երեկ՝ հունիսի 12-ին՝ Երեւանի Հրաչյա Ղափլանյանի անվան դրամատիկական թատրոնում:

«50 տարի ապրելով հասկանում ես, որ իսկապես ամենակարեւորն այս կյանքում սերն է: Իսկ ո՞ւմ ենք մենք ամենից շատ սիրում՝ մեր երեխաներին, մեր ծնողներին, մեր կանանց: Դա ասում եմ ես՝ Գրիգոր Աղախանյանս՝ նախկին կոմունիստ եւ ներկա սեքս խորհրդանիշ»,-ներկայացման ավարտին իրեն բնորոշ լրջությամբ եւ հումորով նշեց շոումենը՝ մոնոներկայացումն ավարտելով Unforgettable երգով, որովհետեւ. «Չմոռանալը շատ կարեւոր իմաստ ու դեր ունի մեր կյանքում: Մենք չենք մոռանում կանանց աչքերը, դրա համար ամուսնության առաջարկություն ենք անում: Չենք կարողանում մոռանալ մեր հողն ու ջուրը, դրա համար կարոտում ենք ու անընդհատ ձգտում վերադառնալ: Չենք մոռանում այն, ինչ մեզ համար անում են մեր ծնողները, դրա համար հասուն տարիքում փորձում ենք դրա մի մասնիկը գոնե վերադարձնել: Այո, ապրելու համար մենք պետք է չմոռանանք, իսկ երջանիկ ապրելու համար պետք է չմոռանանք ասել, որ սիրում ենք»,-բեմից նշեց հումորիստը:

Հանդիսատեսի ծափողջույններն ու շնորհավորանքները վայելելուց հետո Գրիշան ժամանակ գտավ նաեւ իր տպավորությունները մեզ հետ կիսելու համար.

«Արդեն մոտ տասը տարի է՝ մտածում էի stand up ժանրում ներկայանալու մասին, քանի որ միշտ կարծել եմ, որ դա իմն է, այդ անմիջական շփումը կարծում էի՝ ստացվում է մոտս: Մի խոսքով, այդպես հավաքվեցի ու որոշեցի անել դա: Բայց մինչեւ չխաղայի պարզ չէր լինի ստացվո՞ւմ է, թե՞ ոչ: Այսօր եւ վաղը քննարկումներ կլինեն ու կհասկանանք: Եթե, իհարկե, հաջողվի, դա վերջնական իմը կլինի եւ արդեն կարող է շարունակական բնույթ կրել»,-նշեց նա՝ հավելելով, որ առաջին stand up-ի համար մտածել է, որ ճիշտ կլինի անդրադառնալ իր կյանքին ու կենսագրությանը:

Իսկ հանդիսատեսի արձագանքի մասին ասաց.

«Գոհ եմ, կարելի է ասել՝ ինչ նախատեսել էի, ստացա»:

«Աղախանյանի 50 երանգները» մոնոներկայկացման ռեժիսորը Կարո Բալյանն է, որի գնահատմամբ՝ Գրիշան բավականին բծախնդիր է մոտեցել իր աշխատանքին.

«Գրիշան շատ պահանջկոտ է ու այդ պահանջկոտությունը մեկ-մեկ ձգում էր մեզ, ինձ մի պահ դրսում աշխատելիս էի պատկերացնում: Առավելություններն էլ, թերություններն էլ կքննարկենք ներկայացումից հետո, եւ հաջորդիվ այդ ամենը հաշվի առնելով՝ մյուս ներկայացումները հանդիսատեսը կտեսնի արդեն շտկումներով: Միգուցե, հանդիսատեսին դա քիչ բան ասի, բայց մեզ համար մեծ նշանակություն կունենա: Ամեն դեպքում, ամեն ինչ այնպես եղավ, ինչպես, որ պետք է լիներ»:

Ներկայացման սցենարի հեղինակն Աշոտ Աբրահամյանն է, պաստառի դիզայնն արել է Արվին Քոչարյանը, իսկ բեմում ներկայացված տեսանյութերի հեղինակն Աննա Թադեւոսանն է: Եթե բաց եք թողել հումորիստի առաջին stand up շոուն, այն կարող եք դիտել այսօր, իսկ առայժմ ձեր ուշադրությանն ենք ներկայացնում NEWS.am STYLE-ի պատրաստած ֆոտոռեպորտաժը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում