• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Եթերային տեւական դադարից հետո երիտասարդ դերասանուհի Սեդա Շահնազարյանը վերադարձել է նոր կերպարով: Այս շրջանում Սեդան նկարահանվում է Առաջին ալիքով հեռարձակվող «Ժիրայր Գլենց» 32 մասից բաղկացած հեռուստասերիալում: Ինչպես ինքն է նշում՝ կրկին տեսախցիկի առաջ լինելն իր համար երկրորդ կյանք է: Իր նոր կերպարի, խաղընկերների հետ աշխատանքի, հերոսուհու հետ ընդհանրությունների եւ զինվորական համազգեստ կրելու երազանքի մասին Սեդան պատմել է NEWS.am STYLE-ին:

«Իրոք երկար էր դադարս. հեռուստադիտողը, կարծում եմ, հասցրեց թե հանգստանալ ինձանից, թե կարոտել: Սերիալը Ժիրայր Գլենցի մասին է: Չեմ ցանկանում փակագծերը բացել, որպեսզի չփչացնեմ հեռուստադիտողի հետաքրքրությունը: Ռեժիսորը Գրիգոր Վահրամյանն է, որի հետ աշխատելը գերագույն հաճույք է: Նկարահանվելու առաջարկը ստացել եմ Տաթեւ Կետիկյանից, որպեսզի մարմնավորեմ գլխավոր հերոսուհուն՝ Ռիտային, սակայն ցավոք՝ այդ կերպարին չէի համապատասանում, եւ այդպես սերիալի եւ ինձ համար գրվեց նոր կերպար, որը Մանեն է (ժպտում է)»:

Դերասանուհին նշում է՝ անչափ երջանիկ է սիրելի աշխատանքին անցնելու կապակցությամբ.

«Իսկապես, շատ էի կարոտել նկարահանումները: Ես հաճույք եմ ստանում իմ աշխատանքից: Հասկացա, որ կյանքումս մի բան պակաս էր, եւ դա երկրորդ կյանք ունենալն էր: Միշտ ասել եմ՝ սերիալում նկարահանվելիս, ասես, երկրորդ կյանք ունենամ: Իմ ցանկացած կերպարը կարողանում եմ կերտել եւ ապրել դրանով: Անձնականում, եթե խնդիրներ եմ ունենում, լիցքաթափվում եմ հենց տվյալ կերպարը կերտելիս»,-խոստովանում է նա:

«Մանեն գլխավոր հերոսի՝ Հովիկի (Նորայր Եղյան) սիրելին է: Աղջիկը բարի սիրտ ունի, բայց իր զինվորական կյանքի պատճառով՝ շատ հասուն եւ ուժեղ բնավորություն: Ի տարբերություն իմ մարմնավորած մյուս հերոսուհիների՝ կարծում եմ՝ Մանեն ինձ այնքան էլ նման չէ: Առաջին սիրային դերս է, լուրջ զուգընկեր չեմ ունենեցել մնացած սերիալներում: Դժվարություններ, իհարկե, լինում են, բայց աշխատում եմ դրանք ցույց չտալ եւ հաղթահարել: Կարծում եմ՝ լավ կստացվի: Այս դերն ինձ գրավեց լրջությամբ, համեստությամբ, հասկացող ու ներողամիտ լինելով, միեւնույն ժամանակ՝ ռոմանտիկ գծերով»:

Պարզվում է՝ Սեդան միշտ ցանկացել է կրել զինվորական համազգեստ, ինչի հնարավորությունն ունեցավ Մանեին մարմնավորելիս.

«Համազգեստը շատ է դուրս գալիս: Ավելի վաղ տարիքում երազում էի լինել զինվորական, իսկ կյանքում չէի մտածում, որ թեկուզ հեռուստասերիալում կկրեմ այն: Մեծ բավականություն եմ ստանում ինձ համազգեստով տեսնելիս: Կարծում եմ՝ շատ է սազում»:

Հետաքրքրվեցինք նաեւ, թե ինչպես է ստացվում աշխատանքը խաղընկերների հետ.

«Հիմնական խաղընկերներս Նորայր Եղյանն ու Ռոման Սարգսյանն են: Երկուսի հետ էլ շատ հեշտ եմ աշխատում: Կարծում եմ՝ իրենց համար է մի քիչ դժվար ինձ հետ, բայց կատակների ու լավ մթնոլորտի շնորհիվ չենք նկատում դա»,-անկեղծանում է դերասանուհին՝ հավելելով, որ արդեն մի քանի սերիա եթերում է, իսկ բացասական կարծիքներն չկան, ինչն, իհարկե, ավելի է ոգեւորում նրան:

Սյունե Առաքելյան

Լուսանկարները տրամադրել է Սեդա Շահնազարյանը

Հետևեք NEWS.am STYLE-ին Facebook-ում, Twitter-ում և Instagram-ում