NEWS.am STYLE-ը ներկայացնում է․ երեք լուք մեկ ժակետով՝ ոճաբանի խորհուրդները

Դավիթ Պարոնիկյանը, Միշ Ամիրյանը & Co-ն ներկայացնում են. «համեղ» երաժշտություն Smart’n’Special-ից

«Ուզում եմ նստել «Համացանց» անունով ձին». Սարիկ Անդրեասյանն իր Youtube-յան շոուն ունի

«Իտալական մաֆիայի կրտսեր կազմ». հայ երիտասարդը «Лучше всех» հաղորդմանը եկել էր 8-ամյա թարգմանչի հետ

Քիմ Քարդաշյանը վերադարձել է Սպիտակ տուն՝ դատապարտյալներին աջակցելու համար

«Հայաստանը բացահայտումների երկիր է». Միխայիլ Շիրվինդտը Սեւանի ափին խեցգետնով քաբաբ է փորձել

Shabeeg․ խոսող շապիկներ

Թիմաթին եւ Նազիման ներկայացրել են Հայաստանում նկարահանված տեսահոլովակը

Տարանտինոյի «Մեկ անգամ Հոլիվուդում» ֆիլմը՝ Կաննի կինոփառատոնում

Սերժ Թանկյանը կատարել է «Գահերի խաղ»-ի վերջին եթերաշրջանի սաունդթրեքը

«Եվրատեսիլը» բեմից այն կողմ․ տեսանյութ Թել Ավիվից

Ով կհաղթի «Եվրատեսիլ 2019»-ին. լրագրող-փորձագետների կանխատեսումները եւ կարծիքը Սրբուկի ելույթի մասին

Exclusive. հարցազրույց Սրբուկի հետ՝ «Եվրատեսիլ 2019»-ի երկրորդ կիսաեզրափակչից առաջ

Մաշկի արագ խոնավեցում ու թեթեւ, ցերեկային դիմահարդարում մի քանի րոպեում. խորհուրդներ մասնագետից

Ավարտը մոտ է. «Գահերի խաղ»-ի վերջին սերիայի թրեյլերը

Ինչպես են Քիմ Քարդաշյանին «տեղավորել» թաց զգեստի մեջ, եւ շաբաթվա ընթացքում քանի օր է մարզվում աստղը

Հարցում. ո՞վ կնստի երկաթե գահին, ըստ «Գահերի խաղ»-ի հայ երկրպագուների

Պայքար թագավորական նավահանգստի համար. «Գահերի խաղ»-ի 8-րդ եթերաշրջանի 5-րդ սերիայի թրեյլերը

Լուսանկարներ, որոնք նման են կտավի. «Մարաշլեան» ֆոտո ատելիեի ցուցահանդեսը՝ «Զվարթնոց» օդանավակայանում (ֆոտո)

22:05, 17 հունիսի

«Զվարթնոց» օդանավակայանն այսօր գունավորված  էր «Մարաշլեան» ֆոտո ատելիեի ներկայացրած լուսանկարների վառ եւ հիշողություն արթնացնող երանգներով: Օդանավակայանի «Մեկնում» եւ VIP սրահներում ֆոտո ատելիեի լուսանկարների աշխատանքների ցուցահանդեսն է բացվել, որը կտեւի մինչեւ հուլիսի 1-ը: Ինչպես NEWS.am STYLE-ի հետ զրույցում հայտնեց «Մարաշլեան» ֆոտո ատելիեի հիմնադիր Էմմա Մարաշլյանը՝ «Զվարթնոցում» իրականացրած ցուցահանդեսը նպատակ ունի հայկական մշակույթի հանդեպ հետաքրքրություն սեւեռել ոչ միայն հայրենադարձ մեր քաղաքացիների, այլեւ արտասահմանցիների վրա: Ցուցահանդեսն իրականացվել է Art.am կայքի հետ համագործակցության արդյունքում:

«Մենք առաջինն ենք Հայաստանում, որ կարողացել ենք ձեւավորել մշակույթ հայկական տարազի նկատմամբ: Այս տարի Արմինե Թումանյանի հետ համատեղ ջանքերով որոշեցինք «Զվարթնոց» օդանավակայանում ստեղծել այս ցուցահանդեսը, որտեղ ներկայացված են ոչ միայն իմ, այլեւ մեր բոլոր լուսանկարիչների աշխատանքները, որոնք ինձ հետ հավասար աշխատել են այս տարիների ընթացքում: Կարծում եմ՝ լուսանկարները հենց իրենց գեղարվեստական լուծումներով են հետաքրքիր: Ուրախ կլինեմ, որ մարդիկ գալուց կամ մեկնելուց իրենց հետ տանեն այս հիշողությունը»:

Էմման նշում է՝ այս տարիների ընթացքում ֆոտո ատելիեի աշխատանքը ցույց է տվել, որ հայկական տարազով խորհրդանշական լուսանկարներ ցանկանում են ունենալ ոչ միայն մեր հայրենակիցները, այլեւ օտարազգիները: Իսկ ցուցահանդեսի համար ընտրված նմուշների մեջ այն լուսանկարներն են, որոնք ըստ լուսանկարչուհու՝ հետք են թողնում մարդկանց սրտերում:

«6 տարվա աշխատանքների մեջ պետք է ընտրեինք լավագույնները: Սրանք այն նկարներն են, որոնք մեծ հետք են թողել սրտի մեջ: Կարծում եմ՝ բոլորն, ովքեր մեզ մոտ լուսանկարվում են, իրենց հետ տանում են այդ էմոցիաները՝ լույսը, պատմությունը: Միշտ նշում եմ՝ դուք, երբ լուսանկարվում եք, ձեր լուսանկարն արդեն շատ հարուստ է, պատմական ակնարկ ունի, որտեղ ներկայացված են հին կարպետները, ատրիբուտները, տարազները եւ, բնականաբար, լուսանկարիչների պրոֆեսիոնալ աշխատանքը հետաքրքիր լուծումներ է տալիս լուսանկարներին»:

Ցուցադրված աշխատանքներից յուրաքանչյուրն ասես կտավ լիներ, ոչ թե լուսանկար: Էմմա Մարաշլյանի խոսքով՝ իրենք տարիների ընթացքում են ձեւավորել իրենց յուրահատու ոճն ու գտել նման գույներ արտաբերելու արվեստը.

«Ես սրանց անվանում եմ Ռեմբրանտի գույներ: Բավականին երկար ճանապարհ ենք անցել, մինչեւ եկել ենք այս գույներին: Այս գույները տալիս են հիշողություն, անցյալ, ունեն սիմվոլիզմ, հենց այնպես ընտրված չեն: Մենք նաեւ ունենք նկարները հատուկ մշակող վարպետ, որը կարողացել է գտնել այս գեղարվեստական լուծումը, որը մեր փոքրիկ գաղտնիքն է»,-ժպիտով հավելեց նա:

Ինչ վերաբերում է ֆոտո ատելիեի մյուս ծրագրերին՝ առաջիկայում ցուցահանդեսներ կլինեն Եվրոպայում՝ Բրյուսելում եւ Մարսելում: Կան նաեւ այլ նախագծեր, որոնց մասին Էմման նախընտրեց խոսել ավելի ուշ:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության