«Ինչպիսի՞ն է ստի գինը: Բանն այն է, որ մենք այն շփոթում ենք ճշմարտության հետ: Ամենավտանգավորն այն է, որ եթե սուտը երկար լսես, ընդհանրապես կմոռանաս, թե ինչպիսին էր ճշմարտությունը»․
Վալերի Լեգասով՝ ՉԱԷԿ-ում վթարի հետեւանքների տեղայնացման ղեկավար:
Մինչ ամբողջ աշխարհը քննարկում է «Գահերի խաղը» կուլտային սերիալի ավարտը, HBO-ն երկրպագուների համար եւս մեկ «ռումբ» է պատրաստել՝ «Չեռնոբիլ» մինիսերիալը: Ինչպես արդեն իսկ վերնագրից հասկանալի է, կինոսերիալը նվիրված է Չեռնոբիլի ԱԷԿ-ի ողբերգությանը:
Երբ Արեւմուտքում նկարահանում են ռուսական կամ խորհրդային կյանքի մասին որեւէ բան, անմիջապես ընթացքի մեջ է դրվում կարծրատիպային մտածողությունը. դե ահա, կրկին կցուցադրեն բալալայկաներ, ուշանկաներ, արջեր, օղի եւ այլն: Բայց ոչ այս անգամ: Աչքի զարնող առաջին բանը զարմանալիորեն մտածված մանրուքներն են: Լյուդմիլայի եւ նրա ամուսնու՝ հրշեջ Վասիլիի բնակարանի ինտերիերը, պատերի գորգերը, իսկական սպասքը, այն ժամանակ տարածված լեհական եւ չեխական պլաստմասե բիժուտերիան, բաճկոնները, ցանցապարկերը: Փողոցներում միայն խորհրդային արտադրության ավտոմեքենաներ են (իսկ ահա, ապակեփաթեթներ ԽՍՀՄ-ում չկային, ճիշտ է դա ընդհանուր պատկերն այնքան էլ չի փչացնում):
HBO-ի «Չեռնոբիլ» մինիսերիալն, անկասկած, հանճարեղ է նկարահանված: Բարձր մակարդակի են թե՛ դերասանների խաղը, թե՛ տեսարանները, թե՛ ռեժիսուրան, թե՛ օպերատորական աշխատանքը: Կինոնկարը հանդիսատեսին տեղափոխում է այն սարսափելի օրերը, եւ յուրաքանչյուր սերիայի դիտումից հետո դու արդեն սկսում ես բերանիդ մեջ մետաղական համ զգալ: Ավելին՝ հիմա ես գիտակցում վթարի եւ հետեւանքների վերացման ժամանակ տեղի ունեցողի ամբողջ սարսափը:
Սա սարսափելի պատմությունների, տարբեր մարդկանց կործանված ճակատագրերի մասին յուրատեսակ ալմանախ է: Վախենում ես, երբ հերոսներին ուղարկում են 4-րդ էներգաբլոկի կիսաջրածածկ թունելներ հավաստի մահվան: Սարսափելի է, երբ «բիոռոբոտները» դուրս են գալիս ռադիոակտիվ բեկորներով լեցուն ծածկի վրա: Սարսափելի է, երբ գիտնականների հետքից են գնում КГБ-ի աշխատակիցները:
Ինչպես հատուկ է ամերիկյան կինոնկարներին, ցանկացած ֆիլմում պետք է տիպիկ «չարագործ» լինի, որը ներկայանում է դաժան եւ ոչ համարժեք: Այս դեպքում նա ՉԱԷԿ-ի գլխավոր ինժեների տեղակալ Անատոլի Դյատլովն է, ում մեղադրում են աղետի համար: Կինոնկարում երեւում է, որ հենց նրա դաժանությունն ու անփութությունն են վերջնարդյունքում հանգեցնում ռեակտորի պայթյունին:
Չնայած սերիալը հիմնված է իրական իրադարձությունների վրա, դրա մեջ մեծ թվով անճշտություններ կան, բայց մյուս կողմից սա գեղարվեստական ֆիլմ է եւ այն պարտավոր չէ իրականությանը համապատասխանել: Կինոնկարից հետո նաեւ այնպիսի տպավորություն է ստեղծվում, կարծես դրա մեջ են ցանկացել խցկել չեռնոբիլյան սարսափի եւ ԽՍՀՄ-ի վերաբերյալ կարծրատիպերի ամբողջ լրակազմը: Ինչպիսին էլ լինի այն, փաստ է, որ կինոնկարը ստեղծողները փառահեղ են աշխատել, եւ սերիալն, անկասկած, խորհուրդ է տրվում պարտադիր դիտելու:
Սոնա Խաչատրյան
Հետևեք NEWS.am STYLE-ին Facebook-ում, Twitter-ում և Instagram-ում
15:06, 20 ապրիլի
Որտե՞ղ են խորհրդավոր կերպով անհետանում գուլպաները13:36, 20 ապրիլի
Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել