«Սեւազգեստ մարդիկ. Ինթերնեշընլ»-ը ֆրանշիզի չորրորդ ֆիլմն է, որը չի կորցրել արդիականությունն ավելի քան քսան տարի հետո։ Առաջին ֆիլմը հիանալի արտացոլում է այն ժամանակվա բոլոր պոպուլյար միտումները, իսկ «Ինթերնեշընլը» ներկայիս հայելին է։
«Սեւազգեստ մարդիկ» գաղտնի կազմակերպությունը, պաշտպանելով Երկրի անդորրն ու անվտանգությունը, մեկ անգամ չէ, որ մեզ զերծ է պահել Տիեզերքի թափթփուկների հարձակումներից։ Այս անգամ համաշխարհային հանրության համար ամենամեծ վտանգը, որին պետք է դիմակայեն գործակալները, լրտեսն է իրենց շարքերում։
Մի քիչ դրամա, հատուկ էֆեկտներ, արկածներ, թեթեւ սյուժե, ուրախ կերպարներ, հումոր, անվերջ դրայվ ու տեղափոխություններ՝ ահա այս ֆիլմի հիմնական բաղադրիչները։
Թերեւս, դրայվը ես կանվանեի ֆիլմի ամենամեծ պլյուսը, որը հիանալի բեմադրել է ռեժիսորը՝ դրայվ ֆիլմերի վարպետ Ֆելիքս Գերի Գրեյը («Կողոպուտ իտալական ձեւով», «Փողոցների ձայնը», «Ֆորսաժ 8»)։ Ֆիլմը մակարդակի վրա է պահում նաեւ հաջողված հումորը. շատ ծիծաղելի է մուրճով տեսարանը. ե՛ւ ինքնին շատ լավն է, ե՛ւ վատը չի Թորան «Մարվել» կինոտիեզերքից։
Կանգնելով ինչպե՞ս երկրորդ շունչ հաղորդել հին ֆրանշիզին հարցի առջեւ՝ ֆիլմը ստեղծողներն ընդունել են երկու կարեւոր որոշում։
Առաջին
Ֆիլմը չեն ներկայացրել որպես ռեմեյք, այլ որպես արդեն գոյություն ունեցող սերիայի նոր գլուխ։ Բայց ամբողջ նորարարությամբ հանդերձ՝ ֆիլմը բազմիցս մեզ հիշեցնում է նախկինի մասին՝ ամեն տեսակ «բացիկներ» ցուցադրելով նախորդ մասերից, ներկայացնելով հին երկրորդական կերպարներին։
Երկրորդ
Ֆիլմը լիովին հրաժարվել է հանդիսատեսների սրտին դուր եկած Ուիլ Սմիթից եւ Թոմի Լի Ջոնսից, ինչն, անկասկած, ճիշտ, թեեւ տխուր որոշում է։
Բավական հաջող են ընտրվել Քրիս Հեմսվորթն ու Թեսա Թոմփսոնը, որոնց երգիծական երկյակն արդեն սիրվել է հանդիսատեսի կողմից 2017-ին, «Թոր. Ռագնարեկ» ֆիլմից հետո։ Նրանց կերպարների միջեւ քիմիան շատ արդյունավետ է եւ չի թողնում, որ կինոդիտողը ձանձրանա։
Ուրախացրին Լիամ Նիսոնը եւ Էմմա Թոմփսոնը, թեեւ նրանց կերպարների էկրանային ժամանակը մեծ չէ, բայց նրանց յուրաքանչյուրի հայտնվելը թույլ է տալիս վայելել նրանց դերասանական խաղը. իրոք հասկանում ես, թե ինչ բան է «հին դպրոցը»։
Ես կարող էի պատմել նաեւ մինուսների մասին։ Օրինակ, այն մասին, որ սցենարը բավական բանալ է, կերպարներն առանձնապես բացահայտված չեն, եւ չարագործներն էլ միջակություններ են, բայց... Ֆիլմն ինձ իսկապես զվարճացրեց եւ վատ չշարունակեց Սեւազգեստ մարդկանց կազմակերպության պատմությունը։ Այնպես որ, առանց քննադատության յոլա կգնամ...
Հ.Գ.
Ուզում եմ հավատալ, որ մենակ չենք Տիեզերքում։ Չէ՞ որ եթե այդպես է, ապա սեւազգեստ մարդիկ հորինված չեն։
Հաճելի կինոդիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
22:34, 17 ապրիլի
Սերմնահեղուկի՝ աշխարհի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում21:13, 17 ապրիլի
Ամերիկացի հայտնի ռեստորատորը Ջեֆ Բեզոսի նշանածին «բացարձակ տհաճ» է համարում20:23, 17 ապրիլի
Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար19:37, 17 ապրիլի
Maserati GranCabrio-ն աշխարհում ամենաարագ էլեկտրոմոբիլն է16:11, 17 ապրիլի
Ավստրալիայում ամենաթանկ ամուսնալուծությունն ավարտվել է կնոջ հաղթանակով. նա դավաճան ամուսնուց կստանա 180 միլիոն դոլար եւ անշարժ գույք15:28, 17 ապրիլի
Ուինսթոն Չերչիլի դիմանկարը, որը դուր չէր գալիս բրիտանացի առաջնորդին, աճուրդի կհանվի14:13, 17 ապրիլի
Ջոնի Դեփը ցանկանում է ձեռք բերել 4 միլիոն դոլար արժողությամբ միջնադարյան ամրոցը13:19, 17 ապրիլի
Բլեյք Լայվլին իր վերջին ֆիլմի նկարահանման հրապարակում՝ 1920-ականների գանգստերի դերում12:55, 17 ապրիլի
Ջենիֆեր Լոպեսն ապացուցում է, որ 20 տարվա ընթացքում չի ծերացել12:03, 17 ապրիլի
Ռուսական կուլտային «ԴԴՏ» ռոք խումբը համերգով հանդես կգա Երեւանում11:28, 17 ապրիլի
Քիմ եւ Քլոե Քարդաշյանները նշել են իրենց հանգուցյալ հոր՝ Ռոբերտ Քարդաշյանի պատվին բացված բժշկական կենտրոնի հինգերորդ տարեդարձը11:03, 17 ապրիլի
Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ