• Hermès-ի Birkin պայուսակների գինը կարող է կրկնապատկվել 5 տարվա ընթացքում, եւ սա ավելի լավ ներդրում է համարվում, քան ոսկին

  Hermès-ի Birkin շատ բաղձալի պայուսակն էլ ավելի բաղձալի է դառնում, քանի որ ընդամենը հինգ տարում դրա արժեքը կրկնապատկվել է․․․

• Վրդովված հաճախորդները դատի են տվել Hermès-ին՝ Birkin պայուսակներ գնելու արգելքի համար

  Կալիֆորնիայի գնորդները կոլեկտիվ հայց են ներկայացրել Hermès-ի դեմ՝ պնդելով, որ ֆրանսիական շքեղ ապրանքանիշի Birkin պայուսակների գնման գործելակերպը «անարդար» է․․․

• Ինչու՞ են աշխարհում ամենաթանկ պայուսակների գները շարունակում աճել

  Hermès Birkin բազային պայուսակի գինը թանկացել է 1000 դոլարով…

• Jacquemus-ն ու Nike-ը ներկայացրել են Swoosh պայուսակը

  Ֆրանսիական նորաձեւության Jacquemus ապրանքանիշը Nike-ի պատկերագրությունը խելամտորեն օգտագործել է կաշվե պայուսակի դիզայնի մեջ․․․

• Christie's-ն աճուրդի է հանել աշխարհի ամենաթանկ Louis Vuitton պայուսակը

  LV x YK Pumpkin Bag-ը LV-ի եւ ճապոնացի հայտնի ժամանակակից նկարիչ Յայոյի Կուսամայի համագործակցության արդյունքն է…

• Hermès-ի Kelly հազվագյուտ պայուսակը աճուրդի է հանվել Christie's-ում

  Hermès-ի հազվագյուտ՝ Kelly պայուսակը աճուրդի է հանվել Christie's-ում…

• Louis Vuitton-ը կներկայացնի ճարտարապետ Ֆրենկ Գերիի հետ համատեղ ստեղծված պայուսակների հավաքածու

  Art Basel Miami Beach-ում Louis Vuitton-ը կներկայացնի պայուսակների հավաքածու․․․

• Wish List․ Alexander McQueen-ի Seal Bag պայուսակ

  Նրբագեղ եւ էլեգանտ պայուսակ․․․

Ամեն տարի «կեղծ ապրանքների համաշխարհային ֆաբրիկան» մի քանի անգամ ավելի շատ արտադրանք է թողարկում, քան իրական արտադրողները՝ այդ կերպ դժվար կառավարելի պայմաններ ստեղծելով առողջ մրցակցության համար:

TIMES of India-ի փոխանցմամբ, գլոբալ տնտեսական կորուստները, որոնց պատճառը կեղծ եւ մաքսանենգ ապրանքներն են, 2015 թվականին կհասնեն 1.77 տրիլիոն դոլարի:

Կեղծ ապրանքների արտադրության ամենամեծ շուկան Չինաստանն է: Այստեղ կեղծում են ամեն ինչ. բրենդային ժամացույցներից, պայուսակներից, հագուստից, էլեկտրոնիկային մինչեւ ալկոհոլային խմիչքներ, ուտելիք եւ դեղամիջոցներ:

Կեղծ ապրանքը պատրաստվում է անորակ նյութերից: Դրանք նաեւ չունեն սերտիֆիկատ, հագնելիս կամ կրելիս կարող են ալերգիա առաջացնել: Հաճախ նաեւ հագուստի կամ պայուսակի վրա կարելի է անհավասար կար հայտնաբերել:

Հայաստան հիմնականում կեղծ ապրանք են բերում Թուրքիայից, Արաբական Միացյալ Էմիրություններից, Չինաստանից եւ Իրանից: Իսկ գնորդները հաճախ շփոթում են, քանի որ չգիտեն, թե ինչ տեսք ունի իրական ապրանքը:

Առաջարկում ենք ծանոթանալ ընդհանուր կանոնների, որոնց պետք է հետեւել գնումներ կատարելիս:

1. Որեւէ խանութից գնում կատարելիս համոզվեք, որ այն արտոնագիր եւ տվյալ ապրանքն իրացնելու գրավոր թույլտվություն ունի արտադրողից: Այս տեղեկությունը կարելի է ճշտել համացանցում. արտադրողների պաշտոնական կայքերում հրապարակվում է ամբողջ աշխարհում իրենց հետ համագործակցող խանութների մասին տեղեկություն եւ հասցեներ: Մենք համոզվեցինք դրանում՝ համացանցում ճշտելով Հայաստանի մի քանի բրենդային խանութների հասցեները: Պաշտոնական մի քանի կայքերում Երեւանի խանութի հասցեն եւ հեռախոսահամարն առկա էին:

(Լուսանկար 1 – պաշտոնական խանութներ)

Հիմնականում բրենդային խանութները կարող են մեկ երկրում միայն մեկ պաշտոնական խանութ ունենալ: Գոյություն ունեն նաեւ, այսպես կոչված, մուլտի-բրենդային խանութներ (Հայաստանում որոշ առեւտրի կենտրոններում եւ պարֆյումերիայի խանութներում), որոնք այս կամ այն ապրանքանիշի արտադրանքը վաճառելու իրավունք ունեն: Բայց մեծ է հավանականությունը, որ խոշոր առեւտրի կենտրոններում ինչպես իրական, այնպես կեղծ ապրանք լինի:

Հարկավոր է հիշել, որ թանկարժեք դիզայներական հագուստի շատ արտադրողներ իրենց ապրանքն այլ ընկերությունների արտադրանքի հետ վաճառելու իրավունք չեն տալիս: Օրինակ՝ «Ջորջիո Արմանի», «Դիոր», «Շանել» եւ «Լուի Վիտոն» ապրանքանիշերն իրենց արտադրանքը վաճառում են միայն սեփական պաշտոնական խանութներում:

2. Ուշադրություն դարձրեք գնին: Օրինակ, «Վալենտինո»-ից զգեստը կամ կոշիկը 70.000 դրամ չեն կարող արժենալ: Այս ապրանքանիշից պլանշետի պատյանը միայն 300.000 դրամ է: Ապրանքի իրական արժեքը կարելի է իմանալ արտադրողի պաշտոնական կայքից:

(Լուսանկար 2 եւ 2.1 – սխալ անվանումով ապրանքներ)

3. Խորհուրդ չի տրվում ֆիրմային ապրանք գնել շուկայում, մասնավոր խանութներում, աճուրդային կայքերում (Ebay, Aliexpress, Amazon), քանի որ իրական ապրանքի անվան տակ այնտեղ կարող են կեղծը վաճառել:

(Լուսանկար 3 – պայուսակներ եւ կոշիկ շուկայում)

Բայց եթե որոշել եք առցանց գնում կատարել, համոզվեք, որ ճիշտ եք գրել կայքի անունը: Ուսումնասիրեք վաճառողի տվյալները եւ կայքում աշխատելու կանոնները. այն պետք է վաճառողի մասին ամբողջական տվյալներ ներկայացնի (հասցե, հեռախոսահամար, էլեկտրոնային փոստ) եւ անպայման հետադարձ կապի հնարավորություն ընձեռի:

(Լուսանկար 4 – ամուսնական զույգն առցանց գնումներ է կատարում)

4. Տեղում անպայման ուշադիր ուսումնասիրեք ապրանքը: Կարդացեք դրան կից հրահանգները: Եթե նկատեք անհավասար կար, դուրս ցցված թելեր, բծեր, կաշվի վրա ճաքեր կամ այլ թերություններ, ապա, ամենայն հավանականությամբ, ապրանքը կեղծ է: Իրական ապրանք արտադրողները չեն տնտեսում եւ անում են ամեն ինչ՝ բարձրորակ արտադրանք տալու համար: Հիմնականում բրենդային արտադրանք պատրաստում են Եվրոպայում կամ ԱՄՆ-ում: Հիշեք, որ ցանկացած իր գնելիս պետք է նրան կցված լինի գործվածքի կամ կաշվե կտոր, այն խնամելու ուղեցույց, պահուստային կոճակներ եւ այլն:

(Լուսանկար 5- շապիկը խնամելու հրահանգ)

Վերջում հիշեցնենք, որ Սպառողների իրավունքների պաշտպանության մասին ՀՀ օրենքի համաձայն, գնված ապրանքը կարելի է 7 օրվա ընթացքում վերադարձնել՝ պահպանելով կտրոնը, պիտակը եւ ապրանքի փաթեթավորումը: Այդ դեպքում վաճառողը պարտավոր է փոխել ապրանքը:

Գրիգոր Ավետիսյան

Հետևեք NEWS.am STYLE-ին Facebook-ում, Twitter-ում և Instagram-ում