Շարունակում ենք մեր ընթերցողներին ներկայացնել հայ հայտնիների նախընտրած ֆիլմերի թոփ-հնգյակները, որով էլ փորձում ենք օգնել կողմնորոշվել՝ ինչ ֆիլմ կարելի է դիտել հանգստյան ժամերին: Այսօրվա մեր հերոսուհին «Էլենի օրագիրը 2» սերիալի Անիին մարմնավորող Անելյա Գուբրյանն է, որի ընտրած ֆիլմացանկն այնքան հետաքրքիր է, իսկ մեկնաբանություններն՝ այնքան բովանդակալից, որ ինքս անպայման աշխատանքից հետո պատրաստվում եմ հետեւել նրա խորհուրդներին:
Դե, ինչ, սկսենք.
Նախ նշենք, որ դերասանուհին շատ է սիրում ֆիլմեր դիտել: Դա նկատվեց նաեւ նրա՝ սիրելի ֆիլմերի նկարագրություններից.
«Սիրում եմ ֆիլմեր դիտել, բայց չեմ սիրում զուր վատնել ժամանակս: Երեւի՝ դա է պատճառը, որ որեւիցե ֆիլմ դիտելուց առաջ կարդում եմ դրա մասին կարծիքները, ուշադրություն եմ դարձնում դերասանական կազմին եւ մի փոքր ծանոթանում բովանդակությանը»,-ասում է դերասանուհին:
Խոսելով նախընտրած դերասանների մասին՝ հավելում է.
«Բոլոր դերասաններն էլ ունեն դերեր, որոնք կամ հաջողվել են կամ ոչ: Ես սիրում եմ ֆիլմերում նրանց կերտած կերպարները, եւ կարելի է ասել՝ ոչ մեկին չեմ առանձնացնում, սիրելի դերասան կամ դերասանուհի չունեմ»:
Իսկ Անելյայի լավագույն հնգյակում տեղ են գտել հետեւյալ ֆիլմերը.
«Տեր եւ տիկին Ադելմանները»/Mr. & Mrs. Adelman
«Ֆիլմը շատերին կարող է դաժան թվալ, բայց հենց դա է իրականությունը: Կյանքը սեւ կամ սպիտակ չէ, այն գունավոր է: Իրական կյանքում շատերս վախենում ենք խոսել մեր զգացմունքների մասին ու անել քայլեր, որոնք կքննադատվեն: Իսկ ֆիլմում ամեն ինչ իրական է՝ առանց վարդագույն ակնոցների: Ֆիլմը եւս մեկ անգամ ապացուցում է, որ հաջողակ տղանարդու կողքին կանգնած է խելացի կին, առանց որի նա չէր հասնի վերելքների: Սա սիրո պատմություն է, որը շատերին կարող է հարազատ լինել, պատմություն, որը կտա շատ հարցերի պատասխաններ, որոնք իրականում մենք գիտենք, ուղղակի չունենք համարձակություն ընդունելու դրանք»:
«Ֆրիդա»/Frida
«Ֆիլմ՝ ամենաուժեղ կանանցից մեկի՝ մեքսիկուհի նկարչուհի Ֆրիդա Կալոյի կյանքի մասին: Հետաքրքրությունը դեպի նրա արվեստը ու դերասանական փայլուն խաղը ստիպեցին, որ այդքան սիրեմ այս ֆիլմը: Ուժեղ, բայց միեւնույն ժամանակ շատ խոցելի ու զգացմունքային կնոջ տեսակ, որը շատ հոգեհարազատ է ինձ: Ինձ ոգեշնչել է նրա հավերժ պայքարը կյանքի համար, որն, ի դեպ, այդքան էլ հեշտ չի եղել: Նա սիրել է ու սովորեցրել սիրել, սիրել է՝ չնայած բոլոր դժվարություններին, դավաճանություններին ու խոչընդոտներին, գտել է իր հանգստությունն այն մարդու կողքին, որն ավելի է ծաղկեցրել իր ներաշխարհը»:
«Հայրեր եւ դուստրեր»/Fathers & Daughters
«Շատ խորն ու զգացմունքային ֆիլմ է՝ հոր եւ աղջկա կապվածության ու սիրո մասին: Դիտելիս անընդհատ փոխվում է տրամադրությունդ՝ մեկ հուզվում ես, մեկ՝ ցավ ապրում, մեկ՝ ուրախությունից ու ջերմ էմոցիաներից սկսում ժպտալ: Պատմությունն անհատական է ընկալվում, մտածելու տեղիք է տալիս: Գլխավոր հերոսուհու կյանքը ցույց է տալիս, թե որքան մեծ դեր է խաղում մանկությունն ու առողջ ընտանիքը ցանկացած մարդու կյանքում»:
«Երիտասարդություն»/Youth
«Այս ֆիլմն, անշուշտ, տարբերվում է մեզ ծանոթ շատ դրամաներից: Բացի դերասանական փայլուն խաղից՝ շատ եմ հավանել օպերատորական աշխատանքը՝ լույսերը, խորությունը, դետալների հանդեպ ուշադրությունը… Ուզում ես մանրամասն ուսումնասիրել ամեն կադրը: Պատմությունը սերունդների փոփոխության ու բախման մասին է: Ամենաթանկ բանը, որ ունենք, ժամանակն է, որը, ցավոք, այնքան արագ է անցնում, որ չենք էլ հասկանում՝ ինչպես, եւ երբ քեզ փոխարինող է հայտնվում (որովհետեւ քո ժամանակն արդեն անցել է), դու դեռ փորձում ես պայքարել ու հակառակն ապացուցել»:
«Ծանոթացեք՝ Ջո Բլեք»/Meet Joe Black
«Ֆիլմ, որը կարող է հուզել յուրաքանչյուրին, նույնիսկ, ամենասկեպտիկ մարդկանց. պատմություն, որն ընկալվում է տարբեր աշխարհայացք ունեցող մարդկանց կողմից եւ հետաքրքրում տարբեր տարիքային խմբերի: Ֆիլմը եւս մեկ անգամ ապացուցում է, որ սերը չի հարցնում ոչ տարիք, ոչ հանգամանքներ: Այն կարող է հաղթահարել բոլոր արգելքները»:
Սյունե Առաքելյան
Լուսանկարները՝ Անելյա Գուբրյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով