Աշխարհի ամենաուշագրավ հարսանյաց զգեստների դիզայները՝ Վերա Վոնգն, այսօր՝ հունիսի 27-ին, նշում է ծննդյան տարեդարձը: Ամերիկացի դիզայները դարձավ 70 տարեկան:
Վերա Վոնգը ծնվել է Նյու Յորքում, սակայն դիզայներն ունի չինական արմատներ: Վերայի ընտանիքը Շանհայից Միացյալ Նահանգներ է տեղափոխվել 1940-ական թ-երին:
Նորաձեւության ապագա աստղը 6 տարեկան հասակում տարված էր գեղասահքով: 1960-ական թ-երին Վերան, նույնիսկ, մասնակցել է գեղասահքի մրցումների, որից հետո դարձել է Sports Illustrted ամսագրի դեմքը: Նորաձեւությամբ Վերան սկսել է զբաղվել ավելի ուշ, երբ գեղասահորդուհու իր կարիերան սկսեց նահանջել:
1989 թ-ին Վոնգն ամուսնացել է իր ընկերոջ՝ Արթուր Բեքերի հետ: Հենց այդ ժամանակվանից էլ նա մտածեց, որ հարսանյաց սրահների զգեստը նման կլինի բոլորի զգեստներին, եւ որոշեց, որ իր հարսանյաց զգեստը անձամբ ինքը պետք է ստեղծի: Դրանից հետո նրա աշխատանքն այնքան ուշագրավ դարձավ, որ նրան սկսեցին դիմել Ամերիկայի ամենահարուստ եւ հայտնի ընտանիքները, որպեսզի Վոնգն իրենց համար էլ ստեղծի շլացուցիչ հարսանյաց կերպարներ:
Ահա, այսպես՝ համեստ,բայց վճռական քայլերով Վերա Վոնգը գրավեց նորաձեւության աշխարհը: Իսկ այսօր առաջարկում ենք վերհիշել հայտնի դիզայների մտքերից մի քանիսը.
«Հաջողությունն արդյունքի մեջ չէ: Դա այն է, ինչ դու սովորում ես դրան հասնելու ճանապարհին»:
«Կինը սեքսուալ է միայն այն ժամանակ, երբ իրեն հարմարավետ է զգում այն հագուստի մեջ, որը կրում է»:
«Մի վախեցեք սովորելուց: Ուրիշ մարդկանց համար աշխատելը լավ է: Ես ավելի, քան 20 տարի աշխատում եմ պատվիրատուների հետ: Նրանք ինձ վճարում են, իսկ ես դրանից սովորում եմ»:
«Մարզիկ լինելը մի շարք զոհողությունների հետ է կապված: 15 տարեկանում ես ստիպված էի հրաժարվել շատ բաներից, այդ թվում՝ շփումից, որպեսզի լավ գեղասահորդուհի դառնայի»:
«Երբ մի բանի հանդեպ կիրք ես զգում, դու ոչ միայն դա լավ ես անում, այլեւ շատ ես աշխատում այդ բանի շուրջ»:
«Կարեւորը սիրահարվես մի բանի: Եթե սիրտդ դրան կպնում է, միտքդ հետեւում է նրան»:
«Ես նորաձեւությամբ հետաքրարված եմ եղել 8 տարեկանից: Միշտ նկարում էի զգեստներ, որոնք պետք է կրեի գեղասահքի մրցումներիս ժամանակ»:
«Ոչ ոք չէր հավատում, որ ես մի օր կամուսնանամ: Շատերը կարծում էին, թե ես միանձնուհի եմ դառնալու նորաձեւության աշխարհում»:
«Այն ամենը, ինչ ինձ հետ պատահել է նախկինում՝ մարդիկ, իրադարձությունները, փորձը, ինձ համար ամենակարեւոր բաներն են: Դա չի նշանակում, թե ես մերժում են ներկան, բայց ես չեմ մոռանում իմ անցյալը»:
«Ինձ դուր են գալիս սեւ հարսանյաց զգեստները»:
Լուսանկարները՝ Vogue, Forbes, Getty եւ Վերա Վոնգի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»