• Հնարավո՞ր է շտկել «անհաջող բոտոքսի» հետեւանքները

  Ոչ վիրաբուժական կոսմետիկ ընթացակարգերը վերջին տարիներին մեծ ժողովրդականություն են վայելում․․․

• «Lip flip»-ն ընդդեմ շուրթերի ֆիլերների․ եկեք պարզենք՝ որ տարբերակն է ավելի լավ

  Համեմատաբար նոր գեղեցկության թրենդը՝ «lip flip»-ը, թափ է հավաքում: «Lip flip»-ը ոչ պաշտոնական տերմին է․․․

• Կրծքի չափսի փոքրացումը կդառնա 2024 թ-ի ամենատարածված կոսմետիկ պրոցեդուրան

  Կրծքի փոքրացումը 2024 թվականին կդառնա ամենատարածված կոսմետիկ պրոցեդուրան․․․

• 4 հնարք Վիկտորիա Բեքհեմից, որոնք թույլ են տալիս նրան պահպանել կազմվածքն ու երիտասարդությունը

  Նորաձեւության խորհրդանիշ Վիկտորյա Բեքհեմը զարմանալի մարզավիճակում է․․․

• Աստղային գեղեցկության գաղտնիքներ. Ջեյն Բիրկինի խորհրդանշական մինիմալիզմը

  Օրերս Ջեյն Բիրկինը կդառնար 77 տարեկան…

• Օփրա Ուինֆրիի սլացիկ կազմվածքի գաղտնիքը

  Գաղտնիք չէ, որ Օփրա Ուինֆրիի քաշը տարիների ընթացքում տատանվել է…

• Style Beauty․ Caffeine Solution 5% + EGCG՝ Ordinary-ից․ աչքի խնամքի միջոց, որն ԻՐՈՔ աշխատում է

  Անձամբ ես աչքի քսուքներ չեմ սիրում։ Մաշկի խնամքի միջոցների նկատմամբ իմ ողջ մոլեռանդությամբ․․․

• «Ռուսական մատնահարդարումը» գրավում է TikTok-ը

  TikTok-ի գեղեցկուհիներն ուշադիր հետեւում են մատնահարդարման միտումներին․․․

Հուլիսի 15-ին Արամ Խաչատրյան համերգասրահում կկայանա «Միսս Աշխարհ Արմենիա» գեղեցկության մրցույթը, որի հաղթողը կստանա Հայաստանը «Միսս Աշխարհ» մրցույթին ներկայացնելու իրավունք: Մինչ մրցութային օրը, սակայն, աղջիկները պետք է մի քանի փուլերով անցնեն` ներկայացնելվ իրենց տաղանդը, սպորտային, ինտելեկտուալ եւ մոդելային լավագույն կողմերը: Առաջին` տաղանդի փուլը կայացավ այսօր` հուլիսի 1-ին, որին մասնակցեցին աղջիկներից 20-ը` Լիանա Ոսկերիչյանը, Միլենա Գեւորգյանը, Նաիրա Վարդանյանը, Սուսաննա Թադեւոսյանը, Էլինա Ստեփանյանը, Դայանա Դավթյանը, Լիանա Իսրայելյանը, Անետա Գաբրիելյանը, Էվելինա Դավեյանը, Նարե Օրդյանը, Էլեն Սիմոնյանը, Լուիզա Հարությունյանը, Սերինե Մխիթարյանը, Սյուզաննա Կարապետյանը, Միլենա Տալյանը, Նատալի Սերիբյակովան, Անի Հովհաննիսյանը, Մարգարիտա Արզումանյանը, Հասմիկ Սուքիասյանը եւ Անաիս Կետիկյանը:

Արդյունքում` «Միսս տաղանդ» տիտղոսին արժանացավ Նարե Օրդյանը, որը թե ժյուրիի անդամներին, թե հանդիսատեսին հուզեց իր ասմունքով եւ ստեղծագործական համարով:

Աղջիկներից շատերն էին դիմել ասմունքի օգնությանը, ոմանք էլ պարեցին, ցուցադրեցին իրենց արվեստը, ուժը եւ մյուս ձիրքերը:

Մասնակիցերին գնահատեց ժյուրին, որի կազմում էին Արամոն, Էմմա Պետրոսյանը, Միքայել Պողոսյանը, Սահականուշ Սահակյանը, Գոռ Եփրեմյանը, դիզայներ Գայանե Մանուկյանը, «Միսս Քալիֆորնիա Երկրագունդ» Զառա Գեմիլյանը եւ «Միսս Արմենիա» հիմնադրամի խորհուրդի անդամ Ռուբինա Գրիգորյանը:

«Ունենք 4 փուլեր, որոնց հաղթողները հուլիսի 15-ին միանգամից կհայտնվեն լավագույն տասնյակում: Այս փոքրիկ մրցույթները կազմակերպվում են նրա համար, որ ժյուրին ավելի մոտիկից կարողանա ծանոթանալ աղջիկների հետ, այս դեպքում նրանք կարող են առանձին-առանձին շփվել աղջիկներից յուրաքանչյուրի հետ, այդպիսով նրանց վերջնական ընտրությունն ավելի հեշտ ու ավելի արդար կդառնա»,- համոզված է Ռուբինա Գրիգորյանը:

Ժյուրիի անդամները փաստեցին, որ զարմացած են` բացահայտելով աղջիկների տաղանդավոր կողմերը, իսկ հաղթողին ընտրել են` հիմնվելով հուզականության վրա: Իսկապես, Նարեի ելույթի ժամանակ շատերի աչքերն էին թաց: Մասնակիցներից ոմանք իրենք էլ նշեցին, որ Նարեն հաղթանակի ամենաարժանի թեկնածուն էր:

Ինքը` Նարեն, ասում է. «Դողում էի, մտածում էի` արդյոք ինձ ճի՞շտ կհասկանան, բայց փաստորեն հասկացան, ինչի համար շատ շնորհակալ եմ: Այնքան հպարտ էի իմ ներսում, որ իրականում իմ բոլոր ընկերները, հայ աղջիկներն, առհասարակ, այսքան առանձնահատուկ են: Բոլորիդ շատ սիրում եմ»:

NEWS.am STYLE-ը ներկա է եղել «Միսս տաղանդ» փուլի ընտրությանը: Ձեզ ենք ներկայացնում մեր բացառիկ ֆոտոռեպորտաժն ու տեսանյութը:

Սյունե Առաքելյան

 Լուսանկարները` Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում