1. Նա քեզ չի զանգահարում, երբ ուշանում է
Հասկանալի է, որ կյանքը փոփոխական է, ու իրադարձությունները կարող են զարգանալ ոչ այնպես, ինչպես ծրագրվում էր։ Տղամարդը իրոք կարող է խրվել աշխատանքի մեջ, կորցնել ժամանակի զգացողությունն ու մոռանալ նախազգուշացնել ուշանալու մասին։
Ես նկատի չունեմ, որ հենց առաջին նման դեպքը տագնապելու առիթ է։ Բայց եթե նման դեպքերը սկսել են հաճախանալ՝ արժե մտածել։
2. Նա ունի որոշակի կանոններ ձեր հանդիպումների հաճախականության մասին
Մի բան է հինգշաբթի օրերին հավաքվել ընկերներով բոուլինգ խաղալու կամ գարեջուր խմելու համար, մեկ այլ բան, եթե ձեր հանդիպումներն էլ են նման հստակ ժամանակացույցով անցնում։ Այդ դեպքում՝ իմաստ ունի զգուշանալ։
Դա կարող է նշանակել, որ տղամարդը կամ հարաբերությունների համար այլ տարբերակ է փնտրում կամ էլ ձգտում է պահպանել սովորական, ավելորդ պարտականություններով չծանրաբեռնված կենսակերպ։ Կամ էլ երրորդ տարբերակը՝ նա ամուսնացած է։ Այդ իր կնոջը տղամարդը կարող է ասել, որ ընկերների հետ բոուլինգ խաղալու է գնում, բայց իրականում գնալ սիրուհու մոտ, որի դերը կատարում ես դու՝ ինքդ էլ այդ մասին չիմանալով։
3. Նա քո մասին ավելի շատ բան գիտի, քան դու՝ նրա մասին
Հնարավոր է, դու նկատել ես, որ հանդիպումների ժամանակ հիմնականում դու ես խոսում։ Իսկ երբ որեւէ բան ես ուզում իմանալ նրա մասին՝ նա խուսափում է պատասխանից։ Կամ թաքցնում է ինչ-որ բան, կամ էլ չի ուզում քեզ վստահել։
Իհարկե, տղամարդկանց մեծ մասը շատ խոսել չի սիրում։ Բայց աշխատավայրի, ծննդավայրի, ծնողների մասին դու պարտադիր պետք է իմանաս։ Թեմայի փոփոխությունը կամ էլ համառ լռությունը վկայում են այն մասին, որ քեզ հեռավորության վրա են պահում։
4. Դու նրա մասին ավելի շատ բան գիտես, քան նա՝ քո մասին
Սա արդեն նախորդի հակառակ իրավիճակն է՝ տղամարդը միայն ինքն իր մասին է խոսում ու չի հետաքրքրվում քո կյանքով։ Նա չի էլ փորձում իմանալ, թե ինչ երաժշտություն ես սիրում, ինչ ծրագրեր ունես։ Նա անտարբեր է, թե դու ծնունդով որտեղից ես ու որ դպրոցում ես սովորել։ Փոխարենը՝ անդադար ինքն իր մասին է խոսում։
5. Նա ոչ մեկին քո մասին չի պատմում
Եթե նա քեզ չի ծանոթացնում ընկերների հետ ու հավաքույթների չի տանում իր հետ, դա նույնպես կարող է անլուրջ հարաբերությունների նշան լինել։ Հասկանալի է, որ դու դժվար թե ցանկանաս հաճախ հանդիպել նրա ընկերների հետ, բայց գոնե պետք է ծանոթ լինես նրանց։ Մարդկանց ներկայությամբ նրա վերաբերմունքը քո նկատմամբ շատ բանի մասին կարող է խոսել։ Երբ մենակ եք, նա պաշտում է քեզ, իսկ երբ ուրիշների հետ եք, դուք պարզապես ընկերներ եք։ Այս տարբերակը նույնպես զգուշանալու առիթ է։
Աղբյուր՝ Klubber.ua
Հետևեք NEWS.am STYLE-ին Facebook-ում, Twitter-ում և Instagram-ում
17:38, 20 ապրիլի
Երեւանյան բուրգեր-ուղեցույց. փնտրում ենք կատարյալ համը15:06, 20 ապրիլի
Որտե՞ղ են խորհրդավոր կերպով անհետանում գուլպաները13:36, 20 ապրիլի
Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին