• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

• «Սկսել եմ սիրո մասին երգեր գրել. շատ նոր է ինձ համար». yellowheart.-ը՝ նոր երգացանկի, համերգների ու բենդով հանդես գալու մասին

  NEWS.am STYLE-ի հետ զրույցում պատմել է նոր ձեւաչափով հանդես գալու ու ստեղծագործական նոր ոգեշնչման մասին, որի թեման սերն է...

Մոդել եւ գեղեցկության մրցույթների մասնակից Թերեզա Մարտիրոսյանը սեպտեմբերին Հայաստանը ներկայացնելու է Թուրքիայում կայանալիք Photomodel Universe եւ Princess Universe մրցույթներում: Ստացված առաջարկի, իր մասնակցության եւ հույզերի մասին Թերեզան առաջինը կիսվել է NEWS.am STYLE-ի հետ:

Մրցույթները տեղի են ունենալու սեպտեմբերի 18-28-ն ընկած ժամանակահատվածում: Մոդելը Թուրքիա մեկնելու է սեպտեմբերի 17-ին՝ հենց իր ծննդյան օրը:

«Միսս Արմենիա 2017» մրցույթին մասնակցելուց հետո Թերեզան նշել էր, որ այլեւս ոչ մի գեղեցկության մրցույթի հարթակում չի ներկայանա, սակայն 27-ամյա մոդելը ոգեւորությամբ է ընդունել Համաշխարհային գեղեցկության եւ նորաձեւության լիգայի ղեկավար Աշոտ Խաչատրյանի՝ միջազգային մրցույթին Հայաստանը ներկայացնելու հրավերը.

««Միսս Արմենիա»-ից հետո ասում էի, որ դա կլինի իմ վերջին մրցույթը, բայց ոչ թե կոտրված լինելով էի այդպես նշել, այլ պարզապես տարիքի հետ կապված  մտածում էի, որ էլ չեմ կարողանա մասնակցել մրցույթների, բայց Աշոտի կողմից եղավ այդ առաջարկն, ու ինչ-որ բան ինձ ստիպեց, որ համաձայնվեմ, ու հիմա էլ ինքս իմ մեջ ասում եմ, որ սա վերջինն է լինելու (ծիծաղում է), բայց տեսնենք, թե ինչպես ամեն ինչ կդասավորվի»,-պարզաբանում է՝ հավելելով, որ Աշոտի հետ արդեն 4-րդ անգամ է համագործակցում: Հասցրել է ներկայանալ նաեւ Իտալիայում եւ Չինաստանում անցկացված մրցույթներին:

Ինչ վերաբերում է առաջիկա մրցակցությանը՝ Թերեզայի կողքին կներկայանան եւս 24 երկրների գեղեցկուհիներ, իսկ Թուրքիայում Հայաստանը ներկայացնելու հետ կապված մտավախություն մոդելը չունի.

«Նախ՝ Աշոտ Խաչատրյանն էլ է այնտեղ լինելու: Կարծում եմ՝ խնդիրներ չեն լինի: Չեմ ուզում մրցույթը կապել քաղաքականության հետ: Հուսով եմ՝ նման բնույթ այն չի կրի»,-ասում է նա:

2017 թ-ին Թերեզան շատերին տպավորեց «Միսս Արմենիա» մրցույթի ժամանակ՝ կրելով համարձակ կարմիր զգեստ, որի հեղինակը քույրն էր՝ հայտնի մոդել, դիզայներ Լիլի Մորտոն: Այս անգամ էլ ճանաչված շիկահերը անմասն չի մնա քույրիկի մրցութային կերպարից.

«Ճիշտ է՝ «Միսս Արմենիա» մրցույթի երեկոյան զգեստս մոդելավորել էր Լիլին, բայց այս անգամ միասին քննարկել ենք լողազգեստի թեման՝ կարելը, ձեւավորելը… ամեն ինչ թողնելու եմ նրա վրա (ծիծաղում է): Նա շուտով կթողարկի իր բրենդային ներքնազգեստները, այնպես որ՝ մոդելավորումն ամբողջությամբ իրեն եմ վստահել: Չնայած երկրում չի լինելու, բայց խոստացել է, որ իր ձեռքերով կկարի այն: Այս անգամ կաշխատեմ նաեւ երկու տարբեր դիզայներների հետ, բայց անուններ դեռ չեմ կարող նշել, որովհետեւ դեռ հստակ չեմ որոշել, թե ովքեր կլինեն նրանք: Մինչեւ սեպտեմբեր պարզ կլինի»:

Բացի մրցույթին մասնակցելուց՝ մոդելը հնարավորություն կունենա նաեւ մեկ օր տրամադրել պատմական վայրերի այցելությանը: Իսկ բուն մրցույթից սպասելիքները մեծ են.

«Երբ մի մրցույթի ես մասնակցում, իհարկե, դա անիմաստ չի կարող լինել, միշտ էլ սպասելիքներ ունենում ես: Ես պատրաստված եմ մեկնելու, արդեն կարելի է ասել՝ կոփված եմ, սա թվով 5-րդ մրցույթն է, որին մասնակցում եմ: Հուսով եմ՝ ամեն ինչ լավ կանցնի»:

Սյունե Առաքելյան

Լուսանկարները տրամադրել է Թերեզա Մարտիրոսյանը

Հետևեք NEWS.am STYLE-ին Facebook-ում, Twitter-ում և Instagram-ում