Սեպտեմբերին Առաջին ալիքի ուղիղ եթերում կհեռարձակվի «Դեպի Մանկական Եվրատեսիլ» մրցույթը, որը հնարավորություն է պատանի կատարողների համար ցուցադրելու իրենց տաղանդն ու հաղթելու դեպքում՝ ստանալու ուղեգիր դեպի «Մանկական Եվրատեսիլ 2019» երգի մրցույթ, որն այս տարի տեղի կունենա Լեհաստանում: Այս պահին ընթանում է նախագծի հայտագրման փուլը, որը կավարտվի ուղիղ տասը օրից՝ օգոստոսի 10-ին: Մինչ այդ, NEWS.am STYLE-ը զրուցել է «Եվրատեսիլ»-ում հայաստանյան պատվիրակության ղեկավարներ Անուշիկ Տեր-Ղուկասյանի եւ Դավիթ Ծերունյանի հետ բացահատելու համար, թե ինչ փուլում են նախագծի նախապատրաստական աշխատանքները, ինչ հայտեր են ստացել ու ինչ են ակնկալում մասնակիցներից:
«Տպավորություններն ավելի, քան դրական են: Յուրաքանչյուր տարի անհամբերությամբ սպասում ենք բոլոր հայտերին, քանի որ մեր փոքրիկներն, իսկապես, շատ տաղանդավոր են։ Այս տարի ստացված հայտերում արդեն ունենք հետաքրքիր ու տարբերվող երգեր եւ շատ արտիստիկ երեխաներ։ Նախագծին դիմողների շարքում տեսնում ենք նաեւ նախորդ տարվա մասնակիցներին, ինչը շատ ուրախալի է։ Կան մասնակիցներ, որոնք արդեն բավականին ճանաչված են Հայաստանում, մասնակցել են արտերկրում անցկացվող հեղինակավոր մրցույթների։ Կան նաեւ երեխաներ, որոնց համար «Դեպի Մանկական Եվրատեսիլը» կլինի առաջին մեծ քայլը»,-ասում է Անուշիկն ու հավելում,-«Կարծում եմ` հենց սա է մեր նախագծի հաջողության գրավականը։ Այն յուրօրիանակ հարթակ է բոլոր երեխաների համար՝ գտնելու կամ մեծացնելու իրենց լսարանը, ամրապնդելու իրենց մասնագիտական կարողությունները, ձեռք բերելու նոր ընկերներ եւ, իհարկե, հասնելու բաղձալի երազանքին՝ ներկայացնել Հայաստանը «Մանկական Եվրատեսիլում»։
Ըստ Դավիթի՝ նախագծի ձեւաչափում լուրջ փոփոխություններ չեն լինելու.
«Մասնակիցները մրցելու են իրենց երգերով եւ հաղթելու դեպքում հենց այդ երգով էլ ներկայացնելու են Հայաստանը «Մանկական Եվրատեսիլում», սակայն ի տարբերություն նախորդ տարվա ձեւաչափի՝ այս տարի կունենանք հեռուստատեսային մեկ թողարկում, ինչպես արվել է նախկինում։ Այսինքն, լսումների փուլը հաղթահարելու դեպքում մասնակիցը միանգամից կհայտնվի եզրափակիչ փուլում՝ առանց կիսաեզրափակիչներում մրցելու անհրաժեշտության»։
Իսկ մասնակիցնոերին Դավիթը խորհուրդ է տալիս չվախենալ, հավատալ սեփական ուժերին եւ անպայման մասնակցել նախագծին։
«Մեզ համար սկզբունքային է հնարավորություն տալ յուրաքանչյուր երեխայի եւ ստեղծել հարթակ, որտեղ բոլորը մրցում են հավասար պայմաններում։ Այնպես որ, սիրելի երեխաներ եւ ծնողներ, եթե ունեք լավ երգ եւ ցանկություն ներկայացնելու մեր երկիրը եվրոպական ամենամեծ ու հեղինակավոր մրցույթում՝ սիրով սպասում ենք ձեզ»:
Անուշիկն էլ՝ որպես հավելում նշեց, թե ինչ կարողություններ են ակնկալում նախագծի մասնակիցներից.
«Որպես այդպիսին, հաջողության մեկ բանաձեւ չկա։ Իհարկե, կարեւոր է ունենալ լավ ձայն, լավ երգ, լինել արտիստիկ։ Սակայն մեր մասնակիցներից յուրաքանչյուրը յուրահատուկ է՝ տարբերվող, եւ հենց սա է ամենակարեւոր հատկանիշը։ Ժյուրին եւ հեռուստադիտողները ընդամենը 3 րոպե ունեն, որպեսզի տեսնեն արտիստին բեմում։ Եթե նա կարողացավ տարբերվել մյուսներից եւ գրավել հանդիսատեսին, ուրեմն ամեն ինչ ստացվել է»։
Թեպետ մրցույթը Առաջին ալիքի ուղիղ եթերում կհեռարձակվի սեպտեմբերին՝ նախապատրաստական աշխատանքներն արդեն մեկնարկել են.
«Նախագծի ողջ ընթացքում հսկայական թիմ է աշխատելու։ Ունենալու ենք հատուկ հյուրեր Հայաստանից ու արտերկրից։ Փակագծերը դեռ չենք բացի, բայց վստահորեն կարող ենք ասել, որ հեռուստադիտողներին անմոռանալի շոու է սպասվում»,-նշեց Դավիթը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
13:23, 29 մարտի
Թոմ Քրուզը բաժանվել է ռուս ընկերուհուց իր նախկին օլիգարխ ամուսնու պատճառով12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին