Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

90-ականներին ծնողներս թույլ չեն տվել, որ ես ու քույրս մտածենեք տան հոգսերի մասին»․ Իրինա Թովմասյան

5 խորհուրդ առողջ մազեր ունենալու համար. Ջեք Թեքեյան

BACKSTAGE. Գոշը, Քրիստինա Եղոյանը, Լիանա Վանոյանը, Արուս Տիգրանյանը եւ այլ դերասաններ` «Կինստարգրամ» նոր սիթքոմում (ֆոտո/վիդեո)

«Պրեմիերայի էի գնացել». Զիլ դուետ. «Ֆորսաժ. Հոբս եւ Շոու»

20:35, 2 օգոստոսի

Երբ 2001 թվականին վարձույթում հայտնվեց ռեժիսոր Ռոբ Քոենի փողոցային ավտոարշավորդների մասին «Ֆորսաժ» դրաման, ոչ ոքի մտքով իսկ չէր անցնում, որ այս պատմությունը գրեթե 20 տարում կվերաճի մեգահաջողված ֆրաշիզի՝ մարտաֆիլմի հակվածությամբ:

Իսկ հիմա մեզ առանձին պատմություն են տրամադրել (սփին օֆֆ) կինոֆրանշիզի վերջին մասերի երկու, ամենախարիզմատիկ հերոսների մասին (առանց Վինին վիրավորելու):

«Ֆորսաժ. Հոբս եւ Շոու»-ն այն մասին է, թե ինչպես է հատուկ գործակալ, մարտիկ եւ հրաձիգ Լյուկ Հոբսը ստիպված միավորվել իր վաղեմի թշնամու՝ վտանգավորագույն հանցագործ Դեքարդ Շոուի հետ, որպեսզի դիմակայեն ընդհանուր հակառակորդին:

«Ֆորսաժը» երբեք չի հռչակվել տրամաբանական եւ մտածված սյուժեով, բայց այն մշտապես ուրախ, խելահեղ, մի փոքր պաթոսային եւ տեսարանային է եղել: Սպառազինության մեջ նույնպիսի մոտեցում է վերցվել ու մինչեւ անհավանական բարձրության զարգացվել սփին օֆֆում:

Միշտ «Ֆորսաժի» խորհրդանիշն են եղել զիլ թյունինգային մեքենաները, բայց այստեղ դրանք համեստորեն երկրորդ պլան են մղվել: Ֆիլմում, իհարկե, մի քանի ուսադիրներ կան, բայց կինոնկարը հիմնականում կոշտ ու կոպիտ մաչոյի մասին է:

Տեսողական էքշնը պարզապես վայելք է: Հավատացեք, դուք ոչ մի կերպ չեք կարողանա այս կինոյին փակցնել ձանձրալի մակդիրը:

Փոխհրաձգությունները, հետապնդումները, ծեծկռտուքները եւ էքշն բաղկացուցիչներից էլի մի ամբողջ կույտ ամենաբարձր մակարդակում են:

Ավարտին չեն խուսափել ֆրանշիզի համար պարտադիր «գրողի տարած» հետապնդումից: Ֆիզիկայի օրենքները, ինչպես միշտ, ամոթահար թաքնվում են ինչ-որտեղ հեռվում, բայց ում ի՞նչ գործն է:

Սակայն ամենագրավիչը գլխավոր հերոսների դուետն է եւ, ինչը զարմանալի է, նրանց երկխոսությունները:

Ո՛չ, չմտածեք, որ սցենարիստները նրանց համար փիլիսոփայական զրույցներ են գրել: Բոլորովին: Հիմնականում նրանց միջեւ լեզվակռիվ է, սակայն խարիզմայի եւ մատուցման շնորհիվ, ֆիլմն իր հմայքն ունի եւ հումորի բավականին մեծ դոզա:

Այստեղ նաեւ իր դերն ունի Ջոնսոնի եւ Սթեթհեմի միջեւ քիմիան, դա պետք է անպայման նայել եւ լսել:

Բավականին լավն է նաեւ Իդրիս Էլբան անտագոնիստի դերում: Նա կատարելապես ներգրավվել է ֆիլմում, ներդաշնակ ձուլվել ֆիլմի մթնոլորտին:

Ռեժիսոր Դեւիդ Լիտչը խելամտորեն օգտագործել է այն, ինչ ձեռքին ունեցել է (այսպես ասած). ֆիլմի բեմադրումը ոչ մի տեղ չի թերանում, սյուժեն գրեթե ամբողջ ընթացքում հանդիսատեսին լարված է պահում:

Բավականին զվարճալի է այն, թե ինչպես են ստեղծողները ծաղրել «Վրիժառուները» եւ «Առաքելությունն անիրականանալի է» ֆրանշիզները:

«Հոբս եւ Շոու»-ն տիպիկ ամառային բլոքբաստեր է՝ տպավորիչ, դինամիկ եւ ուրախ: Հուսով եմ՝ ֆիլմը պատկառելի դրամական միջոցներ կհավաքի, քանի որ ես շատ եմ ուզում շարունակությունը, ինչին ակնարկում է ֆիլմի ավարտը:

Հ.Գ

Մի քանի տարի առաջ այս նախագծի կապակցությամբ սկանդալ էր առաջացել:
«Ֆորսաժ» ֆրանշիզի գլխավոր պրոդյուսեր եւ գլխավոր դերատակար Վին Դիզելը, կտրականապես չէր ցանկանում սփին-օֆֆը, ինչի պատճառով անգամ տեղափոխել էին սերիայի 9-րդ մասի ռելիզը: Այդ հողի վրա անգամ վիճել էին ե՛ւ դերասանները, ե՛ւ ստուդիան: Հուսով եմ՝ Վինը կնայի ֆիլմը, հավանություն կտա եւ «Ֆորսաժի ընտանիքը» նորից կմիավորվի:

Հաճելի դիտում
Նորայր Նազարյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ