Լոս Անջելեսի Գրեմմի թանգարանում ներկայացվել է համաշխարհային ճանաչում ունեցող հայ բանաստեղծուհի Սոնա Վանի՝ 23 լեզվով թարգմանված «Լիբրետո Անապատի համար» գրքի աուդիո տարբերակը: Բանաստեղծական տողերի ընթերցում, բեմականացված դրվագներ, երաժշտություն և պարգեւատրումներ՝ սա վերջերս Կալիֆորնիայի հայ համայնքի կյանքում տեղի ունեցած ամենատպավորիչ իրադարձություններից մեկն էր, որին մասնակցել են բազմաթիվ ազդեցիկ եւ մեծ ճանաչում ունեցող հյուրեր։
«Լիբրետո անապատի համար» ստեղծագործության անգլալեզու աուդիոբուքում հնչում է դերասանուհի Բեատա Պոզնիակի ձայնը, որը Միացյալ Նահանգներում կանանց իրավունքների պաշտպանության առաջամարտիկներից է։
«Սոնա Վանը հրաշալի մարդ է, արտասավոր բանաստեղծուհի, եւ ես անչափ ուրախացա, երբ այսպիսի վստահության արժանացա՝ ընթերցել նրա տողերը», - ասում է Բեատան` հավելելով. «Սիրում եմ բառերի ուժը, որով նա կառուցում է իր պոեզիան: Այն ունիվերսալ է, կարող է գրավել տարբեր սերունդների: Շատ կարեւոր է, որ բազում սերունդներ կլսեն, կկարդան «Լիբերտո Անապատի համար» գիրքը, իսկ ժամանակակից սերնդի համար առավել հարմար` աուդիոբուքը: Կարեւոր է նաեւ տեսնեն, որ ուժեղ բնավորությամբ կին է խոսում այլ սերնդի ձայնով։ Նա զորեղ պատկերներ է կերտել իր բառերով, որոնք մեծ տպավորություն գործեցին ինձ վրա»:
Գրքի հիմնական պատգամը՝ կինն է ընդդեմ պատերազմի, նրա երջանկությունը` որպես առողջ հասարակության երաշխիք: Այն ընդհատված երջանկության պատմություն է, որը կարելի է հաշվել այսպես` մեկ ու կես միլիոն ու նրանց գումարած այն վերապրածները, ում համար փրկվելն էլ պատիժ էր այդ ահավոր ողբերգությունների վկան լինելուց ու կորուստները կրելուց հետո:
«Ինձ համար կյանք և երջանկություն բառերը չեն բաժանվում միմյանցից, որովհետև մեկն առանց մյուսի անիմաստ է դառնում: Պատերազմը մեզանից խլում է երջանիկ լինելու մեր աստվածատուր իրավունքը: Ես հայտարարում եմ պատերազմը՝ որպես կնոջ անհատական թշնամի: Կանացի հավաքական էներգիան ամենազորեղ, ամենապոտենտ էներգիան է, որը մինչ օրս ճիշտ չի օգտագործված, դեպի ճիշտ նպատակը չի ուղղորդված»,-ասում է Սոնա Վանը:
Սոնա Վանի այս ստեղծագործության հիման վրա համաշխարհային ճանաչում ունեցող հայազգի երաժիշտ Վաչե Շարաֆյանը գրեց «Ռեքվիեմ անապատի համար» երաժշտությունը, որը դարձավ աուդիոբուքի պատկերավորման մի մասը։
Գիրքն արդեն ներկայացվել է Չինաստանում, Քենիայում, Հարավաֆրիկյան հանրապետությունում, Ռուսաստանում, Հնդկաստանում, վերջերս Հարավային Ամերիկայի Մեդելինում` միջազգային փառատոնների եւ շնորհանդեսների ընթացքում: Սոնա Վանը գրական ստեղծագործությունը ներկայացվել է Նոբելյան մրցանակի: Աշնանը նրան սպասում են Չինաստանում: Ամերիկյան հայտնի Blackstone հրատարակչության ձայնագրած «Լիբրետո անապատի համար» աուդիոգիրքն արդեն համացանցային շրջագայության է դուրս եկել: Այն կարելի է գնել աշխարհի ցանկացած անկյունից:
Հետևեք NEWS.am STYLE-ին Facebook-ում, Twitter-ում և Instagram-ում
09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ