Երգչուհի Սյուզաննա Մելքոնյանն այս օրերին Ռումինիայում է, որտեղ օգոստոսի 18-ից մեկնարկել է Golden Stag մրցույթ-փառատոնը, որը տեւելու է մինչեւ օգոստոսի 25-ը: Սյուզաննան մրցույթում ներկայացնում է Հայաստանը: Երեկ կայացել է մրցույթի առաջին փուլը, որը ուղիղ եթերով հեռարձակվել է Ռումինիայի հանրային հեռուստատեսությամբ: Սյուզաննան ներկայացրել է ռումինական կատարում՝ արժանանալով դրական արձագանքների: Իր ելույթի եւ տպավորությունների մասին մրցույթում Հայաստանի ներկայացուցիչը կիսվել է NEWS.am STYLE-ի հետ:
«Չնայած հոգնածությանս՝ տրամադրությունս լավ է: Գլխավոր կազմակերպիչներից որոշ մարդիկ ինձ անձամբ են մոտեցել ու գովեստի խոսքեր ասել, ինչը միայն ուժ է տալիս: Այս մրցույթն ասես մինի «Եվրատեսիլ» լինի, ուղղակի մի փոքր ավելի քիչ մասշտաբով՝ տեսաբացիկը, ժյուրին… ֆորմատային շատ նմանություններ կան»,-ասում է երգչուհին, որն արդեն փորձ ունի տարբեր մրցույթների ներկայանալու, որոնց թվում է ամենահեղինակավորներից մեկը՝ «Նոր ալիքը», որտեղ Սյուզաննան զբաղեցրել է երկրորդ մրցանակային տեղը:
«Այս մրցույթը «Նոր ալիք»-ից կտրուկ տարբերվում է, շատ ավելի մեծ է բեմը, հովանավորներն ավելի շատ են: Ուղղակի ցավում եմ, որ Հայաստանում այն ճանաչված չէ: Ժյուրին գնահատում է մեր ելույթները, բայց դա նման չէ «Նոր ալիք»-ի ֆորմատին՝ չեն բարձրացնում իրենց գնահատականները, հետո են ունենում ժողով եւ քննարկում իրենց Հանրային հեռուստաընկերության տնօրինության հետ միասին»,-պարզաբանում է երգչուհին:
Golden Stag-ն ունի ավելի, քան 50 տարվա պատմություն, որի ընթացոում մրցույթին տարբեր տարիներին մասնակցել ու հաղթել են այսօր համաշխարհային ճանաչում ունեցող անուններ, որոնցից են Խուլիո Իգլեսիասն ու Քրիստինա Ագիլերան: Մրցութային ֆորմատը հետեւյալն է՝ մասնակիցները ելույթ են ունենում երկու փուլերի ընթացքում՝ ներկայացնելով ռումինական երգեր, միջազգային հիթեր կամ հեղինակային ստեղծագործություններ: Սյուզաննան խոստովանում է՝ ռումինական երգ կատարելը մեծ պատասխանատվություն էր.
«Ես շատ հուզված եմ եղել իրականում, մինչեւ իմ ելույթը տեսնելը, չէի հիշում՝ ինչպես եմ կատարել այն բեմում: Միայն հիշում էի, որ շատ բուռն ծափահարությունների եմ արժանացել, կուլիսներում էլ շատերը մոտեցան՝ դրական արձագանքներով: Պետք է ասեմ, որ մենթալիտետի շատ մեծ տարբերություն կա: Մենք շատ էմոցիոնալ ենք, հայկական «ջիգյարը» մեր մեջ կա: Անգամ, երբ մինիմալ մեկ նախադասություն են ասում՝ You're amazing, արդեն պետք է գոհ լինես: Տպավորություններս իրականում շատ լավ են, որովհետեւ հերթական անգամ մեծ բեմում էի: Երբ YouTube-ով արդեն իմ ելույթը տեսա, բնականաբար, հասկացա, որ շատ ավելի լավ կարող էի, միշտ էլ այդպես է լինում, բայց հաշվի առնելով շատ գործոններ՝ ուղիղ եթեր եւ այլն, դրա հետ մեկտեղ կարծում եմ՝ լավ եմ երգել»:
Այժմ երգչուհին արդեն պատրաստվում է երկրորդ փուլին, որը կկայանա այսօր. Սյուզաննան կկատարի Լարա Ֆաբիանի Je Suis Malade երգը:
«Պետք է ուժերս հավաքեմ ու էլ ավելի լավ երգեմ ու ներկայանամ: Իրականում կան շատ լավ արտիստներ, ուժեղագույն: Այնպես չէ, որ ես չունեմ մրցակիցներ: Աստված առաջ՝ ես իմ հնարավորությունների սահմանում անում եմ ամեն բան, որպեսզի արժանանամ մրցանակի»:
Սյունե Առաքելյան
Լուսանկարները՝ Սյուզաննա Մելքոնյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին