«Մրրո» հայ ազգային արվեստի կենտրոնի նախաձեռնությամբ արդեն 6-րդ անգամ այսօր՝ օգոստոսի 23-ին, Գաֆէսճեան քանդակների պարտեզում(Կասկադ) կայացավ «Գութան» ավանդական երգի-պարի փառատոնը։ Այն այս տարի նվիրված էր Կոմիտասի 150-ամյակին:
Փառատոնին մասնակցում էին ազգային երգ ու պար ներկայացնող 19 խումբ՝ «Ակունք», «Սասնա ծռեր», «Վան», «Մասունք», «Տարոնցիներ», «Մարաթուկ», «Նուբար», «Գորանի», «Տնջրե» (Արցախ), «Վերադարձ», «Վարք Հայոց», «Տավրոս», «Զարթոնք», «Արդվին», «Ոստան», «Արեգ», «Մարաթուկցիներ», «Սեբաստացիներ», «Բազմաբերդի Գորանի»։
Փառատոնի հիմնադիր, ՀՀ վաստակավոր արտիստ Արսեն Գրիգորյանն այն իրականացնում է 2014 թվականից. նա հիշում է՝ երբ առաջին տարին անցկացրին փառատոնը, դրան մասնակցում էր ընդամենը 7 խումբ: Այսօր այդ թիվը հասել է 19-ի, ինչը երգիչը եւս ձեռքբերում է համարում:
«Այս տարի նշվում է Կոմիտասի 150-ամյակը, եւ ես կարծում եմ, որ մենք բոլորս զբաղվում ենք այն գործով, որը մեր Կոմիտաս Վարդապետը իբրեւ լույս մեզ ցույց տվեց, դա է՝ պահել, պահպանել մեր ազգային ավանդական մշակույթը, երգն ու պարը, տարազը, որովհետեւ սա կարեւոր ճանապարհ է ազգային ինքնությունը պահելու համար»,-NEWS.am STYLE-ի հետ զրույցում նշեց նա:
«Այս տարի 19 խումբ է մասակցում փառատոնին: Ի պատիվ մեզ՝ մեր խմբերի քանակը տարեցտարի ավելանում է, եւ այս անգամ էլ նորեկներ ունենք, այնպես որ՝ ամեն տարի համալրում ենք ունենում, ինչի մեջ կա դրական երեւույթ, որովհետեւ կա նաեւ որակ: Մենք փորձում ենք համախմբել բոլորին»:
Արսեն Գրիգորյանը համոզված է՝ մեր երգը շատ բարձր արժեք ունի. «Ուղղակի պետք է ցույց տանք այս երգերը մեր հասարակությանը, մատուցենք մեր ունկնդրին եւ պատգամենք, որ նրանք են տերն այս երգերի: Գնալով ավելի մեծ լսարան ենք ունենում եւ նպատակ ունենք ավելի համատարած դարձնել, պահպանել ազգային երգն ու պարն ու փոխանցել գալիք սերունդներին, բոլոր խմբերին համախմբել եւ սիրով կատարել նույն գործը: Մենք միշտ խոսում ենք միասնականության մասին, իսկ «Գութանի» ժամանակ ցույց ենք տալիս այդ միասնականությունը»:
Արսեն Գրիգորյանի նպատակն է ընդլայնել «Գութանի» աշխարհագրությունն ու փառատոնն իրականացնել նաեւ ՀՀ տարբեր մարզերում: Մինչ այդ նպատակն իրագործելը՝ առաջարկում ենք հետեւել «Գութանի» երեւանյան ընթացքին NEWS.am STYLE-ի պատրաստած տեսանյութում:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ19:56, 22 ապրիլի
Համշենական «Մելուսես» խումբը մայիսին համերգ կունենա Երեւանում