Հայկական առաջին միջազգային լուսանկարչության՝ Armenian International Photo Fest-ի շրջանակում Elite Plaza բիզնես կենտրոնում կայացավ ճապոնացի հայտնի լուսանկարիչներ Նագասե Շոտայի եւ Նաոյուկի Օգինոյի վարպետության դասը, որի շրջանակում նրանք կիսվեցին լուսանկարչության իրենց տեխնիկայով, ոճով եւ պրոֆեսիոնալիզմով:
Նախ՝ երկու լուսանկարիչներն էլ իրենց ոգեւորությունը հայտնեցին Հայաստանում լինելու առթիվ՝ կարեւորելով պատմական անցյալ ունեցող մեր երկրում նման փառատոնի իրականացումը:
«Ինձ համար պատիվ է այս փառատոնին մասնակցելը: Ես շատ ուրախ եմ տեղեկացնել, որ իմ մի քանի գործ, որոնք իրենց մեջ կրում են ճապոնական թղթի ուժը, կմնան ավելի, քան 2800 տարվա պատմություն ուեցող ձեր գեղեցիկ մայրաքաղաքում»,- իր ելույթում նշեց Նագասե Շոտան, որն արդեն տասը տարի է, ինչ զբաղվում է ճապոնական բնանկարչությամբ: Նրա աշխատանքներն առանձնահատուկ են նրանով, որ լուսանկարիչը նախընտրում է դրանք տպել ճապոնական տակեվաշի թղթի վրա, որն էլ ավելի նուրբ եւ բնական տեսք է հաղորդում նմանատիպ բնապատկերներին:
Մյուս լուսանկարչի՝ Նաոյուկի Օգինոյի աշխատանքներին մեր քաղաքացիները կարող են ծանոթանալ Հյուսիսային պողոտայում:
Նրա առանցքային թեման Ճապոնիայի Կամո եւ Հայաստանի Հրազդան գետերն են: Օգինոն փորձել է համեմատական տանել այս երկու գետերի միջեւ՝ դրանց մակերեսին ֆոտոմոնտաժի միջոցով արտացոլելով յուրաքանչյուրի մոտակայքում գտնվող ամենագեղցիկ կառույցները:
«Այս փառատոնի ուժը նրանում է, որ այն քեզ քո անհատականությունից դուրս է տանում՝ բոլորի հետ միասին: Հայաստանում իմ ցուցադրությունը բոլորովին այլ բնույթ է կրել: Ես նախ՝ համացանցում ուսումնասիրել եմ Երեւանի տարածքը, այնուհետեւ՝ ընտրել Հյուսիսային պողոտան, ճանաչել տարածքն ու դրան համապատասխան ստեղծագործել»,-նշեց արտիստը՝ հույս հայտնելով, որ իր աշխատանքները դիտողները եւս կկարողանան նկատել գետերի այն հոսանքը, որն ինքը ցանկացել է պատկերել:
Հայկական լուսանկարչական միջազգային փառատոնն առաջին անգամ է անցկացվում Հայաստանում: Այն մեկնարկել է օգոստոսի 24-ին եւ տեւելու է մինչեւ սեպտեմբերի 28-ը:
Փառատոնի պատվավոր մասնակիցների թվում կլինեն Լեյֆ Դրեբին (Դանիա), Անտոնիո Մորան (Իսպանիա), Մաուրո Լովեկիոն (Իտալիա), Այման Լոտֆին (Եգիպտոս) եւ այլ լուսանկարիչներ:
Թովմասյան բարեգործական հիմնադրամը, all.me-ն եւ Dvin Music Hall-ը փառատոնի հիմնական գործընկերներից են: Փառատոնը կանցկացվի քաղաքապետարանի հովանու ներքո:
all.me-ն՝ որպես թվային գործընկեր, կներկայացնի ցանկացած թվային տեղեկատվություն լուսանկարիչների եւ փառատոնին ներկայացված նրանց աշխատանքների մասին:
all.me-ն թվային էկոհամակարգ է, որը բաղկացած է սոցիալական ցանցից (meNetwork), առեւտրային հարթակից (meMarket) եւ վճարային համակարգից (mePay): Յուրօրինակ բիզնես մոդելն օգտատերերին թույլ է տալիս հաղորդակցվել միմյանց հետ, կարդալ հետաքրքիր նյութեր եւ վարձատրվել meNetwork-ի արժույթի միջոցով: Պլատֆորմը գովազդային եկամուտների 50 տոկոսը կիսում է օգտատերերի հետ:
Հետեւեք մեզ all.me սոցցանցում:
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից