Սերիալներից, սիթքոմներից եւ հումորային նախագծերից հայտնի դերասանուհի Անյա Սահակյանը սեպտեմբերից կրկին ներառված կլինի հեռուստատեսային մի քանի նախագծում: Անյան առայժմ չմանրամասնեց, թե ինչ բնույթի կլինեն դրանք, բայց նշեց, որ այս ընթացքում առավել զբաղված է եղել կարճ գովազդային հոլովակների նկարահանումներով՝ փորձելով ավելի շատ ժամանալ տրամադրել ընտանիքին եւ բարեգործական նախագծերին: Այս ամենին զուգահեռ՝ դերադսանուհին հասցրել է նաեւ ֆոտոշարք իրականացնել լուսանկարիչ Էդգար Մարտիրոսյանի հետ: Լուսանկարներում Անյային կտեսնեք սպորտային եւ casual ոճից դուրս՝ էլեգանտ եւ դասական կերպարներում:
NEWS.am STYLE-ը դերասանուհու հետ զրուցել է ոճի, յուրահատուկ արտաքինի եւ հանուն կենդանիների պաշտպանության գրառումների եւ քայլերի մասին:
«Իրականում իմ ոճը շատ տարբեր է. հիմնականում, այո, ավելի swag եւ casual եմ հագնվում, բայց դասականն էլ երբեք չեմ մոռացել»,-ասում է Անյան՝ հավելելով, որ կերպարները մտածել են լուսանկարիչ Էդգար Մարտիրոսյանի հետ միասին:
Լուսանկարներում առավել շեշտված Է Անյայի կանացիությունն ու սեքսուալությունը, սակայն դերասանուհին նշում է.
«Ճիշտն ասած՝ ինձ համար սեքսուալ լինելը երբեք նպատակ չի եղել: Երբ լսում եմ, որ սեքսուալ եմ, տարօրինակ զգացողություն եմ ունենում (ծիծաղում է): Սպորտային հագուստով ինձ ավելի հանգիստ եմ զգում»:
Իր ընդգծված դիմագծերի համար Անյան պարտական է ոչ թե պլաստիկ վիրաբույժներին, այլ բնությանը, սակայն նշում է՝ բացասաբար չի ընդունում այն փաստը, երբ մարդիկ արտաքինը շտկելու համար դիմում են նման միջամտությունների.
«Շատ հանգիստ եմ դա ընդունում: Երբ մարդ ունի խնդիր, երբ իրեն հաճելի չի զգում, եւ դա, իսկապես, նրան տհաճություն է պատճառում, այո, ինչո՞ւ ոչ: Կարելի է կատարել որոշ շտկումներ: Բարեբախտաբար, չունեմ այնպիսի արտաքին, որպեսզի ինձ համար վիրահատությունը կարեւոր լինի: Չեմ կարծում, թե երբեւէ կանեմ վիրահատական շտկում, քանի որ ես սովորել եմ ինձ ու սիրում եմ հենց այսպիսին: Իմ անհատականությունն ինձ համար կարեւոր է»:
Դերասանուհու սոցիալական ցանցի էջերին հետեւողները նկատած կլինեն, որ Անյան ակտիվորեն պայքարում է կենդանիների պաշտպանության համար եւ միշտ դատապարտում այն մարդկանց, որոնք ինչ-որ կերպ վնասում են նրանց.
«Կենդանիների հանդեպ դաժան վերաբերմունքն, ուղղակի, կոտրում է սիրտս: Ցավում եմ, որ մեր հասարակությունն այսօր նոր սերունդի մեջ չի սերմանում սեր եւ հարգանք դեպի կենդանիները: Ես չեմ հարգել ու երբեք չեմ հարգի այն մարդուն, որը չի հարգում բնությունը եւ կենդանիներին: Բավականին ագրեսիվ եմ տրամադրված նման մարդկանց հանդեպ: Եթե մարդը կարող է վնասել կենդանուն, որը թույլ է եւ չի կարողանում պաշտպանվել, չկասկածեք, որ մի օր էլ իրենից թույլ մարդուն կվնասի: Ամեն բան սկսվում է կենդանիներից: Ես պայքարել ու միշտ պայքարելու եմ կենդանիների համար: Իմ ձայնը կտամ նրանց, ովքեր ցավոք՝ ձայն չունեն»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան