Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

«Բարդ կյանք է ունեցել, եւ այժմ լավ, թե վատ ճանապարհներով ցանկանում է փրկել այն». Էվա Խաչատրյանի նոր դերն ու «ջրահարս» լինելու դժվարությունները (ֆոտո)

15:04, 30 օգոստոսի

Դերասանուհի Էվա Խաչատրրյանը միացել է «Պատվից առավել» հեռուստասերիալի թիմին: Նրա մասնակցությամբ սերիաները կտեսնենք արդեն երկրորդ եթերաշրջանում: Էվան նկարահանումներից զատ՝ չի պասիվացրել թատրոնում իր գործունեությունը: Դերասանուհին շարունակում է հանդես գալ նոր ու տարբերվող կերպարներով: Օրինակ՝ Վարդավառին ընդառաջ Երեւանի պետական կամերային թատրոնի թիմով մի հետաքրքիր ֆոտոշարք էին իրականացրել, որում դերասանուհին ջրահարսի կերպարում էր:

NEWS.am STYLE-ն Էվայի հետ զրուցել է էքստրեմալ նկարահանումների եւ սերիալում նոր դերի մասին:

Ջրի տակ իրականացված ֆոտոշարքի միտքը եղել է Լուսինե Երնջակյանինն ու Լարա Խաչատրնանինը, բայց ինչպես նշում է դերասանուհին՝ ցանկցած գաղափարի քննարկման շուրջ հավաքվում են ամբողջ թիմով: Լուսանկարների հեղինակը Հակոբ Կալաշյանն է, որի հետ Կամերայինի դերասանները հաճախ են համագործակցում:

Շատ աղջիկների համար ջրահարսի դերում լինելը կարող էր երազանք լինել, բայց ոչ Էվայի դեպքում.

«Նման երազանք չեմ ունեցել, թերեւս մանկությանս ամենահետաքրքիր ջրահարսը «Դիսնեյ»-ի Արիելն է եղել: Ընտրել էինք տարբեր կերպարներ, ցանկանում էինք գույն եւ ծավալ ստանալ ջրի տակ»,-ասում է դերասանուհին՝ հավելելով.

«Նկարահանումները շատ ուրախ են անցել, ինչպես միշտ է լինում, երբ կամերայինցիք հավաքվում են իրար գլուխ՝ թաց, ուրախ, ամառային, խենթ ու խելառ: Դժվարություններ էլ են եղել: Մեզ վրա ծանրաքարեր կային, որոնք թույլ չէին տալիս ջրի երես բարձրանալ: Դժվար էր նաեւ դեմքը հանգիստ պահելը ջրի տակ, բայց կարծում եմ՝ ամեն ինչ ստացվեց»:

Դերասանուհին խոստովանում է՝ ջրի տակ առաջին անգամ էր նկարահանվում, բայց, բարեբախտաբար, վտանգավոր դեպքեր չեն գրանցվել:

Էվային էկրաններին կարոտած հեռուստադիտողը շուտով կտեսնի «Պատվից առավել» հեռուստասերիալի նոր եթերաշրջանում:

«Այո, միանում եմ թիմին. փորձելու ենք հետաքրքիր գույն բերել նոր կերպարով: Առայժմ կարող եմ ասել, որ կերպարս բժշկուհի է, որը բավականին բարդ կյանք է ունեցել, եւ այժմ լավ, թե վատ ճանապարհներով ցանկանում է փրկել իր կյանքը՝ ազատվել ճահճից: Ինձ համար յուրաքանչյուր կերպար նորություն է, քանի որ նրան ես եմ ստեղծում եւ փորձում դա անել յուրովի»:

Էվայի խոսքով՝ նոր թիմում աշխատանքը շատ լավ է անցնում.  «Փառք Աստծո՝ երբեք որեւէ թիմում դժվարություն չեմ ունեցել: Ես պարզ մարդ եմ, ու դա հեշտացնում է ամեն բան»:

Նորություններ կլինեն նաեւ թատրոնում.

«Սեպտեմբերից խաղաշրջանը սկսվում է, եւ ես կլինեմ բեմում՝ ինչպես միշտ: Արդեն սարսափելի կարոտել եմ ներկայացումները: Թատրոնի հետ կապված ոչ մի պասիվություն չի լինի: Ասեմ ավելին՝ շուտով նորություն եմ ունենալու այլ թատրոնում՝ նոր կազմ, հետաքրքիր ներկայացում. դրա մասին կխոսենք մի փոքր ավելի ուշ»:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել