Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Այդ տեսարանն, իսկապես, լացելով խաղաց». Անի Պետրոսյանը «Թղթե երազանք»-ում իր դերի, էկրանային որդու եւ նրա հետ ամենահուզիչ դրվագներից մեկի մասին

16:04, 3 սեպտեմբերի

Երեկ՝ սեպտեմբերի 2-ից, «Շանթ» հեռուստաընկերության եթերում մեկնարկեց ռեժիսոր Գարրի Զաքարյանի եւ սցենարիստ Անի Մաղաքյանի «Թղթե երազանք» 24 մասից բաղկացած հեռուստասերիալը: Ֆիմի սյուժեի կիզակետում գյումրեցի 10-ամյա պատանի Հայկն է, որը չնայած կյանքի դժվարություններին՝ ունի երազանք՝ մեծանալ, ընդունվել համալսարան, լավ աշխատանք ունենալ ու վերադառնալ Գյումրի՝ մայրիկին լավ կյանքով ապահովելու:

Ֆիլմում փոքրիկ ու երազկոտ տղային մարմնավորում է Մանվել Լոռեցյանը, իսկ նրա մայրիկի դերում Անի Պետրոսյանն է: Դերասանուհուն հեռուստադիտողը բազմիցս տեսել է տարբեր կերպարներում՝ թե´ դրամատիկ, թե´ հումորային: Անիի այս կերպարը շատերին կստիպի հուզվել եւ, նույնիսկ, արտասվել, բայց միեւնույն ժամանակ կներկայացնի կնոջ ուժեղ եւ պայքարող մի տեսակի:

NEWS.am STYLE-ը Անիին հանդիպեց «Թղթե երազանք» ֆիլմի փակ դիտմանը՝ «Մոսկվա» կինոթատրոնում: Ֆիլմի դիտումից հետո դերասանուին խոստովանեց՝ «ահավոր լարված» է, բայց ժպիտով եւ սիրով պատասխանեց մեր մի քանի հարցին:

«Ճիշտն ասած՝ շատ լարված էի ու վախենում էի: Չգիտեի՝ ինչպես կընդունվի: Ես այդպիսինն  եմ: Ասում են՝ անհանգիստ եմ, բայց միշտ այդպես է՝ մինչեւ աշխատանքն իմ աչքերով չեմ տեսնում, վերջնական չեմ համոզվում, որ լավ է: Հիմա ինքս ինձ գնահատական չեմ տալիս, բայց ամեն դեպքում՝ դժգոհ էլ չեմ»:

Անդրադառնալով ֆիլմում իր որդուն մարմնավորող Մանվելի հետ աշխատանքին՝ դերասանուհին նշեց.

«Փոքրիկն ինձ շատ է օգնել այս դերը կերտելու հարցում, որովհետեւ նրա անկեղծությունը փոխանցվում էր ինձ: Երջանիկ եմ ու ուրախ եւ շատ կուզեմ՝ իրոք մարդիկ դիտեն ու հավանեն այս նախագիծը, որը, կարծում եմ, սովորական հեռուստանախագիծ չէ»:

Անին նաեւ հիշեց ֆիլմում իր համար ամենաբարդ տեսարաններից մեկը.

«Պատկերացրեք՝ շատ հեշտ էր փոքրիկների հետ աշխատելը: Մի-երկու անգամ է եղել, որ բարդության եմ հանդիպել: Դրանցից մեկն այն տեսարանն էր, երբ պետք է ապտակեի երեխային: Արդեն 18-րդ դուբլն էինք նկարում, ու շատ ցուրտ էր դրսում: Ռեժիսոր Գարրի Զաքարյանը մոտեցավ ու ասաց՝ պիտի ապտակես: Ապտակեցի ու պատկերացրեք՝  նա չկանգնեց,  ու այդ տեսարանն, իսկապես, մինչեւ վերջ լացելով խաղաց: Մինչ այդ, անընդհատ ծիծաղում էր, երբ ապտակում էի: Բայց այդ դրվագը, որը կտեսնեք սերիալում, նա իսկապես, լացելով է խաղացել»:

Ինչ վերաբերում է գյումրվա բարբառին՝ դա էլ Անիին դժվար չի տրվել, քանի որ ինքն էլ արմատներով գյումրեցի է.

«Ճիշտ է՝ կարծում էի՝ մի փոքր բարդ է լինելու, որովհետեւ երկար ժամանակ չէի խոսել բարբառով, բայց, իհարկե, գյումրեցի լինելն ինձ շատ օգնեց»:

Շատերն Անիին սովոր են տեսնել շիկահերի կերպարում, բայց վերջին շրջանում դերասանուհին ավելի հաճախ ներկայանում է սեւ վարսերով: Նրա հետ խոսեցինք նաեւ այդ ոճափոխության մասին:

«Այս նախագծից  առաջ նկարահանվել եմ այլ ֆիլմում, որի համար մազերս կտրեցին ու ներկեցին, դրանից հետո այդպես մնաց: Էլի նոր դերերի առաջարկ ստացա, որտեղ սեւ մազերով հերոսուհի էր պահանջվում, ու այդպես էլ մնաց: Դեռեւս չեմ փոփոխի գույնը»,-նշեց դերասանոհին:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել