• Սուրճից պատրաստված դիմակներ մազերի համար

  Սուրճից պատրաստված դիմակ՝ մազերն ամրացնելու համար․․․

• Կնճիռների դեմ բանանով դիմակներ

  Կնճիռների դեմ բանանով դիմակը դեմքի խնամքի հրաշալի կոսմետիկ միջոց է...

• Դդումով պատրաստված դեմքի սնուցող դիմակ

  Դդումը մաշկին առողջ փայլ եւ առաձգականություն է տալիս․․․

• Ինչպես վերականգնել մազերը ձմռան ցիտից հետո

  Օրացուցային ձմեռը մոտենում է ավարտին․․․

• Ոտքերը փափկացնող դիմակներ

  Այսօր առաջարկում ենք տնային պայմաններում պատրաստվող մի քանի դիմակներ․․․

• Օգտակար յուղերով դիմակներ՝ մազերի համար

  Առաջարկում ենք մազերի համար նախատեսված դիմակ․․․

• Դեմքի դիմակներ կիվիից

  Վերականգնող դիմակ...

• Ինչպես հասնել կատարյալ մաշկի․ 4 սխալ տոնային օգտագործելիս

  Սխալները մենք անում ենք ամեն օր…

Որոշել եմ ձեզ հայտնել գեղեցկության իմ անձնական գաղտնիքները, որոնք ժամանակին ինձ համար բացահայտել է տատիկս: Դրանցից մեկը մազերի «կախարդական» դիմակն է:

Մեր մազերն ամեն օր ուժեղ խնամք են պահանջում՝ տուժելով մշտական չորացման, հարդարման, ներկման պատճառով: Այո, կան պրոֆեսիոնալ մեծ թվով դիմակներ, պարկուճներ, բալզամներ, սփրեյներ, որոնք օգնում են թարմացնել մեր մազերը եւ վերադարձնել  փայլն ու ծավալը: Անկասկած, դրանք արդյունավետ են, եւ համապատասխանաբար՝ որակյալ արտադրանքը միշտ բարձր արժեք ունի: Օրինակ՝  Մեռյալ ծովի հանքանյութերով մազերի վերականգնող դիմակները դեղատանն արժեն 20 հազար դրամ: Բոլորի բյուջեն չէ, որ կարող է իրեն նման ծախսեր թույլ տալ, մինչդեռ բոլորն են ցանկանում գեղեցիկ մազեր ունենալ: Ուստի՝ առաջարկում ենք փորձել տատիկի բաղադրատոմսով տնային դիմակները:

Պատրաստելու համար անհրաժեշտ է՝

1 ձվի դեղնուց

1 թեյի գդալ մեղր, ցանկալի է՝ բնական

1 ճաշի գդալ նշի յուղ

1 ճաշի գդալ դդմի յուղ

Բոլոր բաղադրամասերը լավ խառնեք՝ միատարր զանգված ստանալու համար: Այնուհետեւ քսեք մազերի ամբողջ երկարությամբ՝ սկսելով արմատներից: Թեթեւակի մերսեք թեթեւ շարժումներով: Դիմակը քսելուց հետո մազերը ծածկեք գլխարկով, որի վրայից էլ սրբիչով փաթաթեք: Դիմակը պետք է մնա 2-3 ժամ: Նման միջամտություններն ավելի լավ է կատարել երեկոյան կամ քնելուց առաջ: Դիմակը լվանում եք շամպունով:

Հաջորդ առավոտյան գլուխը հիմնավորապես լվանում եք, որպեսզի յուղոտության էֆեկտ չմնա:

Դդմի յուղն արագացնում է մազերի աճը՝ խոչընդոտելով մազաթափությանը: Մազերն ավելի խիտ է դարձնում, փայլ, փափկություն հաղորդում եւ մազերը սնուցում: Իսկ նշի յուղն ամրացնում է թույլ մազափնջերը եւ խթանում մազերի ակտիվ աճը: Յուղերը վաճառում են բոլոր դեղատներում եւ արժեն մոտ 1000 դրամ:

Մազերի համար ահա այսպիսի բյուջետային եւ արդյունավետ դիմակ տատիկի բաղադրատոմսով:

Հետևեք NEWS.am STYLE-ին Facebook-ում, Twitter-ում և Instagram-ում