Դիտելով Սթիվեն Քինգի վեպի էկրանավորման երկրորդ մասը՝ անչափ դժվար է որոշել դրա ժանրային պատկանելությունը, որովհետեւ մի ֆիլմի մեջ են միախառնել թե՛ սարսափը, թե՛ դրաման, թե՛ կատակերգությունը, թե՛ թրիլերը:
Դիվական Փենիվայզի հետ տղաների հանդիպումից 27 տարի է անցնում: Նրանք արդեն մեծացել են, եւ յուրաքանչյուրն իր կյանքով է ապրում: Բայց անսպասելիորեն նրանց անդորրը խռովում է տարօրինակ հեռախոսային զանգը, որը տղաներին ստիպում է կրկին մեկտեղ հավաքվել:
Նման ֆիլմերում գիտե՞ք, թե որն է ամենասարսափելին: Երբ սարսափելի չէ: Ոչ, իհարկե, ֆիլմում կան անսպասելիության տարրեր՝ այս ժանրին այդքան հատուկ, բայց, ի տարբերություն առաջին ֆիլմի, կինոնկարի հեղինակներին չի հաջողվել տագնապի եւ վախի զգացում ներարկել:
Ռեժիսորն ահռելի քանակությամբ ֆլեշբեքեր է ստեղծում, որոնք ներգրվում են սյուժեին, մեզ ներկայացնում է յուրաքանչյուր հերոսի պատմությունը՝ խորանալով մարդկային դրամայի մեջ, եւ ֆիլմը լցնում է կատակներով (երբեմն թվում է, թե նույնիսկ մեծ ծավալով)՝ դու դրանց անգամ սպասում ես: Դիտման արդեն կեսին վերանում է զգացողությունը, որ սա սարսափ ֆիլմ է, որ ինչ-որ տեղ պետք է վախենալ: Դու գիտես, որ դա կլինի, բայց դա արդեն գլխավորը չէ:
2017 թվականին Սթիվեն Քինգի գրքի առաջին մասի էկրանավորումը իր հասույթով ուղղակի պայթեցրեց ամերիկյան վարձույթը: Այդ ֆիլմը դարձավ ամենաշատ քննարկվողներից մեկը, իսկ փոքրիկ քաղաքի երեխաների պատմությունները հանդիսատեսին գրավեցին իրենց անկեղծությամբ եւ անկաշառությամբ:
Իսկ ի՞նչ ենք ստանում երկրորդ կինոնկարում:
Մեծահասակ կյանք, մի փոքր կտրատված կադրեր, թեթեւակի մոլորված սյուժե եւ անգամ դերասանների ոչ միշտ լավ խաղ: ՄակԷվոյը եւ Չեսթեյնը պետք է դառնային ֆիլմի լոկոմոտիվը, իրենց դերասանական խաղով պետք է ֆիլմն, այսպես ասած, նոր մակարդակի բարձրացնեին: Բայց... Այնպիսի տպավորություն է, թե կա՛մ դերասաններն իրենք կինոնկարով հետաքրքրված չէին, կա՛մ ռեժիսորը չի կարողացել ճիշտ ցուցումներ տալ, կա՛մ էլի ինչ-որ բան:
Դիտումից հետո ակնհայտ է, որ մեծահասակ կազմն ամբողջությամբ պարտվում է երեխա դերասաններին: Գուցե ուրախացնող էր Փենիվայզը՝ Սքարսգարդի կատարմամբ, բայց նրա հերոսի հարցում էլ էին խճճվել: Փորձելով հանդիսատեսին ներկայացնել նրա որեւիցե նախապատմություն, հեղինակները չափից ավելի լավ փչացրել էին իր՝ Փենիվայզի խորհրդավորությունը:
Ես, իհարկե, գիտակցում եմ, որ ֆրանշիզներում երկրորդ ֆիլմի համար դժվար է համապատասխանել առաջին կինոնկարի վարկանիշին: Բայց, թվում է, ամեն դեպքում կարող էին նաեւ ավելի լավ անել:
Եթե հավանել եք առաջին մասը եւ պատրաստ եք կինոթատրոնում գրեթե 3 ժամ նստել, ապա կարող եք գնալ, բայց ավելի լավ է սպասեք թվային ներկայացմանը:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով12:55, 28 մարտի
Ջուլիա Ռոբերթսը կնկարահանվի ռեժիսոր Լուկա Գուադանինոյի թրիլերում12:13, 28 մարտի
Մայքլ Ջեքսոնի երեք երեխաները հայտնվել են կարմիր գորգի վրա՝ ի պատիվ իրենց հանգուցյալ հոր11:17, 28 մարտի
Քիմ Քարդաշյանին դատի են տվել կահույքի համար10:29, 28 մարտի
Բրիթնի Սփիրսը նիհարում և շարունակում է հրապարակել իր մերկ լուսանկարները10:03, 28 մարտի
«Ինկած բերդի իշխանուհին»՝ Լավագույն ներկայացում, Տիգրան Գաբոյանն ու Արաքսյա Մելիքյանը՝ լավագույն դերասաններ. կայացավ «Արտավազդ» մրցանակաբաշխությունը09:00, 28 մարտի
ՄԱՐՏԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:15, 27 մարտի
Իտալացի մոդելն այնքան գեղեցիկ է, որ շատերը վստահ են, որ նա չափազանց լավն է իրական լինելու համար22:17, 27 մարտի
Շոտլանդական արտադրող արհեստական ինտելեկտի միջոցով ստեղծել է հազվագյուտ վիսկի՝ 50 հազար դոլար արժողությամբ21:02, 27 մարտի
Մոնակոյում կանցկացվի Superyacht Chef-ի 5-րդ մրցույթը21:00, 27 մարտի
Միխայիլ Շուֆուտինսկի. Ինձ համար Հայաստանը միշտ ասոցացվում է ուրախության հետ