• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

«Մեծ պատմություն փոքր քաղաքում», «Քայլ ձիով», «Կորած-մոլորվածը` Հայաստանում» եւ մի շարք այլ ֆիլմերից հայտնի ամերիկաբնակ ռեժիսոր Գոռ Կիրակոսյանը սեպտեմբերի 19-ին Հայաստանում կներկայացնի իր նոր՝ «Ազնիվ գողեր» կատակերգությունը: Ֆիլմը նկարահանվել է «Դեմք» շոուի հետ համատեղ՝ օրիգինալ սցենարի հիման վրա. գլխավոր դերերում հանդես են գալիս Արամ MP3-ը,  Դավիթ Թովմասյանը, Ռաֆայել Երանոսյանը, Լեւոն Տեր-Պետրոսյանը, Մեգգի Գրիգորյանը, Արմեն Դարբինյանը, Արտակ Գասպարյանը եւ այլք:

Ֆիլմն օգոստոսի 4-ին արդեն ներկայացվել է Միացյալ Նահանգներում. հերթը Հայաստանինն է, սակայն մինչ կատակերգությունը կհայտնվի հայաստանյան մեծ էկրաններին, NEWS.am STYLE-ը ֆիլմի վերջնական արդյունքի մասին զրուցել է ռեժիսորի հետ:

Գոռ, մեր նախորդ զրույցի ընթացքում, անդրադառնալով «Ազնիվ գողերը» ֆիլմին, նշել էիք, որ նման ֆիլմ Հայաստանում դեռ չի նկարահանվել. այժմ, երբ աշխատանքը պատրաստ է, արդեն կարո՞ղ եք մատնանշել, թե ինչով է Ձեր ֆիլմը տարբերվում, ի՞նչ նորություն է բերելու:

Երբ նախկինում նման միտք եմ արտահայտել, ավելի շատ նկատի եմ ունեցել, որ հայկական ֆիլմադարանում չի եղել այս ոճով նկարահանած եւ մոնտաժած ֆիլմ:  «Ազնիվ գողեր»-ում յուրահատուկ ձեւով է պատմությունը  ներկայացվում,  տարբերվող են նաեւ մոնտաժային գաղափարները: Մեզ մոտ, նույնիսկ, սցենարն է մոնտաժային տարբերակով գրվել, ինչի շնորհիվ էլ պատմությունն ավելի հետաքրքիր ձեւով է մատուցվում, իմ կարծիքով՝  ընտրված լուծումնեը հզորացրել են պատմությունը:

Դերասանական կազմը հայտնի մարդկանց է ներառում. ինչպե՞ս է կատարվել քասթինգը, ինչպե՞ս եք ընտրել դերասաններին:

Դերասանական կազմն ընտրվել է իմ կողմից: Փորձել եմ ընտրել դերասանների, ովքեր համապատասխան են մեր գրված կերպարներին, իսկ էպիզոդում նկարահանված դերասանները մասնակցել են քասթինգի: Ցանկանում էի գտնել այնպիսի մարդկանց, ովքեր ճիշտ կկարողանան ներկայացնել կերպարները:

Ձեր ֆիլմերը, սովորաբար, տարբերվում են մյուս հայկական կատակերգություններից նրանով, որ իրենց մեջ ներառում են ոչ միայն կատակերգության, այլեւ ֆանտաստիկայի ժանրի էլեմենտներ: Այս ֆիլմում եւս կտեսնե՞նք ֆանտաստիկ տարրեր:

Այդքան էլ համաձայն չեմ, որ իմ ֆիլմերում կան ֆանտաստիկայի էլեմենտներ: Ավելի շատ փորձել եմ փոքր-ինչ հեքիաթային տարրեր ավելացնել, կախարդական բան հաղորդել դրանց: Ցանկացել եմ, որ նույնիսկ անիրական թվացող իրավիճակ տեսնելիս հանդիսատեսը կարծի, որ դա հնարավոր է:

Համոզված եմ՝ նկարահանման հրապարակում զավեշտալի դեպքերի պակաս չի եղել. կհիշե՞ք դրանցից ինչ-որ մեկը:

Տեսարան ունենք, երբ երեխաները ֆուտբոլ են խաղում, գլխավոր հերոսներն էլ նրանց անընդհատ զգուշացնում են՝ դիտահորը բաց է, հեռու մնացեք: Ու հատուկ այդ տեսարանի համար փողոցի այդ հատվածում դիտահորը բացել էինք, ուշադիր էինք, որ որևէ մեկն այդ կողմ չգնա ու մեջը չընկնի: Բայց արի ու տես, որ այնտեղ հայտնվեց մեր գլխավոր օպերատորը, ով բելգիացի է: Նա իր բնույթով շատ զգուշավոր է, ուշադիր, որ հանկարծ սխալ բան չլինի: Սակայն լուսավորության համար հարմար դիրք փնտրելիս հենց ինքն էլ ընկավ դիտահորը: Բարեբախտաբար, վնասվածքը մեծ չէր. ոտքն էր վնասվել, շուտ հասցրինք հիվանդանոց, կար դրեցին, իսկ երկու ժամ հետո արդեն նկարահանման հրապարակում էինք:

Գիտեմ, որ օրիգինալ սցենար է. ինչպե՞ս եկաք այս ֆիլմի մտահաղացմանը:

Ես միշտ սիրել եմ կրիմինալ ժանրը, միշտ ցանկացել եմ ֆիլմ նկարել գողերի, արկածախնդիրների մասին, ու չգիտեմ ինչու՝ հենց այս պատմությունը մտքիս եկավ:  Միշտ ցանկանում էի այդպիսի ֆիլմ նկարահանել, սակայն փնտրում էի օրիգինալ պատմություն, որտեղ կկարողանամ ներկայացնել նմանատիպ պատմության իմ տարբերակը: Քանի որ արդյունքում «Ազնիվ գողեր»-ը կատակերգական ժանրում ստացվեց, այնպես արեցինք, որ կերպարներն ավելի շատ անփույթ լինեն: Ըստ էության՝ նրանք անփորձ գողեր են, ոչ թե քրեական աշխարհի ներկայացուցիչներ:

Հիմնական դժվարությունները կապված նկարահանումների հետ որո՞նք են եղել:

Նման դժվարություններ միշտ էլ  լինում են, գնում ես նկարահանման հրապարակ եւ չգիտես, թե ինչ խնդիրներ կարող ես ունենալ: Առհասարակ, ֆիլմ նկարահանել նշանակում է անդադար խնդիրներ լուծել: Մտքումդ ունենում ես հստակ երազած գաղափար, իսկ դրան հասնելու համար պետք է անդադար լուծես ծագած խնդիրները կամ էլ փոխզիջման գնաս: Այս պահին չեմ կարող հստակ մատնանշել որեւէ խնդիր, բայց դրանք չափազանց շատ էին, ի դեպ, իմ փորձը ցույց է տվել, որ հեշտ թվացող նկարահանումների ժամանակ  ավելի շատ խնդիրներ են առաջանում:

Ֆիլմում կա՞ն արտահայտություններ, որոնք ըստ Ձեզ՝ հանդիսատեսի մոտ կտպավորվեն եւ հաճախակի կօգտագործվեն նրանց բառապաշարում:

Տեղյակ եմ՝ իմ ֆիլմերում շատ են եղել արտահայտություններ, որոնք հետագայում օգտագործվել են, սիրվել են, սակայն հետաքրքիրն այն է, որ նախքան դա երբեք չեմ մտածել, որ նման տարածում կունենան: Երբեք չեմ մտածել, որ հատուկ նման արտահայտություններ գրենք, որպեսզի մարդիկ օգտագործեն: Իմ կարծիքով դա բնականոն ձեւով է լինում: Այս ֆիլմի համար դեռ ոչինչ չեմ կարող ասել: Իհարկե, հաճելի է, երբ գրածդ արտահայտությունները տարածում են ստանում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում