Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

90-ականներին ծնողներս թույլ չեն տվել, որ ես ու քույրս մտածենեք տան հոգսերի մասին»․ Իրինա Թովմասյան

5 խորհուրդ առողջ մազեր ունենալու համար. Ջեք Թեքեյան

BACKSTAGE. Գոշը, Քրիստինա Եղոյանը, Լիանա Վանոյանը, Արուս Տիգրանյանը եւ այլ դերասաններ` «Կինստարգրամ» նոր սիթքոմում (ֆոտո/վիդեո)

«Այս մրցույթն ինձ համար տարբերվում է». միջազգային նախագծերից հայտնի Կարինա Իգնատյանը` «Դեպի Մանկական Եվրատեսիլ»-ում իր մասնակցության մասին

13:15, 14 սեպտեմբերի

Սեպտեմբերի 15-ին Հայաստանը կհայտարարի Լեհաստանում կայանալիք «Մանկական Եվրատեսիլ 2019»-ում մեր փոքրիկ «դեսպանի» անունը, որը կբացահայտվի «Դեպի Մանկական Եվրատեսիլ» նախագծի ընթացքում` Հանրային հեռուստատեսության ուղիղ եթերում: Տասը մասնակից, տասը նոր գույն եւ տասը տարբեր երազանքեր... Այս տարի մրցույթի հայաստանյան ազգային փուլին մասնակցում են ինչպես նոր, այնպես էլ հեռուստադիտողին արդեն ծանոթ դեմքեր: Մասնակիցներից Կարինա Իգնատյանին հայ հեռուստադիտողը հասցրել է բացահայտել միջազգային մի շարք հեղինակավոր մրցույթներից, որտեղ, ինչպես երգչուհին ինքն է նշում` մեծ հպարտությամբ եւ պատվով է ներկայացրել Հայաստանը:

Կարինան ծնվել եւ մեծացել է Ռուսաստանի Դաշնության Կալուգա քաղաքում, սակայն Հայաստանի հանդեպ սերը նրան ամեն տարի բերում է Երեւան:

«Голос дети», «Во весь голос», «Детская Новая Волна», «Поколение next»… չկա մրցույթ, որտեղ Կարինան անտարբեր թողած լինի ժյուրիի անդամներին, որոնց թվում պրոֆեսիոնալ եւ հանրահայտ արտիստներ են:

Վալերիյ Մելաձեն, օրինակ, աղջկա կատարումը որակել է` իբրեւ «հասուն» եւ «տարբերվող», Դիմա Բիլանը շեշտել է, որ Կարինան մրցույթներին բերում է իր գույնն ու մատնանշել նրա իմպրովիզային կարողությունը, իսկ «Մանկական Նոր Ալիք 2019»-ի ժյուրիի անդամ Լեւ Լեշենկոն երգչուհու ելույթից հետո նշել է` «Այնպես կատարեցիր, ասես, ամբողջ Հայաստանն էր քեզ հետ երգում»:

NEWS.am STYLE-ը 12-ամյա երգչուհու հետ զրուցել է արդեն իսկ ունեցած ձեռքբերումբերի, երազանքների ու ակնկալիքների մասին:

«Երջանիկ եմ, որ մասնակցում եմ «Դեպի Մանկական Եվրատեսիլ» մրցույթին: Շատ հուզված էի լինում եւ հպարտ, երբ դուրս էի գալիս միջազգային մրցույթների բեմ, քանի որ ներկայացնում էի Հայաստանը: Կրկին հուզված եմ, բայց ասեմ, որ «Դեպի Մանկական Եվրատեսիլը» տարբերվում է. շատ ուրախ եմ, որ հանդես եմ գալու հայկական բեմում»,-ասում է փոքրիկ երգչուհին, որն արդեն ունի YouTube-ի իր ալիքը, որտեղ կարող եք տեսնել ոչ միայն Կարինայի առաջին տեսահոլովակը, այլեւ ելույթները` միջազգային հարթակներում:

«Դեպի Մանկական Եվրատեսիլ»-ին Կարինան մասնակցել է իր իսկ ցանկությամբ, սակայն նշում է, որ ծնողներն էլ կողքին են եղել եւ աջակցել իր որոշմանը: Երգչուհին մրցույթին ներկայանալու է Ավետ Բարսեղյանի, Մարգարիտա Դորոշեւիչի եւ Դեմչուկ Տարասի Colours of Your Dream երգով.

«Երգս այն մասին է, որ մարդ չպետք է տխուր լինի, կյանքի էջերը պետք է ներկի գույնով երազանքի: Ինքս էլ մասնակցել եմ երգի ստեղծման գործընթացին, քանի որ, եթե տվյալ երգն ինձ կամ իմ հոգուն չի համապատասխանում, ես, պարզապես, այն չեմ կատարում»,-ասում է նա:

Քանի որ Կարինայի երգը երազանքի մասին է, նրանից հետաքրքրվեցինք, թե ինչ երազանքներ ունի այս պահին:

«Առաջնային երազանքս այն է, որ միշտ լինեմ հարազատներիս եւ ընտանիքիս կողքին, նաեւ հիշվեմ «Եվրատեսիլ»-ի հեռուստադիտողի կողմից, ինչո՞ւ ոչ, նաեւ հաղթեմ»:

Կարինան նշում է` միշտ հետեւել է «Եվրատեսիլ»-ին եւ պատահական չէ, որ ինքն էլ է ցանկացել այս տարի մասնակցել մրցույթին: Երգչուհին բարձր է գնահատում այն ընկերությունը, որը հասցրել է ձեռք բերել մրցույթի շրջանակում.

««Դեպի Մանկական Եվրատեսիլն» ինձ տվել է շատ ընկերներ, որոնցից ոչ մեկին չեմ կարող առանձնացնել: Բոլորն էլ շատ լավն են»:

Մրցութային մեծ փորձ ունեցող կատարողից հետաքրքրվեցինք` արդյոք այդ փորձը մեղմացնո՞ւմ է այս մրցույթում իր հուզմունքը.

«Անշուշտ այդ փորձն օգնում է, բայց հուզմունք կա. կկրկնվեմ, բայց այս մրցույթն ինձ համար տարբերվում է»,-ասում է նա ու խոստովանում` գնահատում է մասնագետների կողմից իրեն տրված խորհուրդներն ու դրանք կիրառելու է նաեւ «Դեպի Մանկական Եվրատեսիլ»-ի շրջանակում: Իսկ սպասելքների մասին խոսելիս նշում է.

«Մրցույթն ինձ կտա այն, որ Հայաստանում ինձ կճանաչեն եւ շատ հպարտ կլինեմ, եթե Հայաստանը ներկայացնեմ եվրոպական մեծ բեմում»:

Հիշեցնենք, որ սեպտեմբերի 15-ին, ժամը 22:00-ին Առաջին ալիքի ուղիղ եթերում կկայանա «Դեպի Մանկական եվրատեսիլ 2019» նախագծի եզրափակիչը: Կարինա Իգնատյանի օգտին քվեարկելու համար պետք է ուղարկել 01 տեքստը 1006 կարճ համարին:

Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ