• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

Ի՞նչ խնդիրներ ունի հայկական նորաձեւությունը, որո՞նք կլինեն դրանց լուծումները, ի՞նչ քայլեր են արվում այդ ուղղությամբ. այսօր՝ սեպտեմբերի 14-ին, Նորաձեւության եւ դիզայնի պալատը՝ դիզայներ եւ նախագահ Վահան Խաչատրյանի գլխավորությամբ, մեդիայի ներկայացուցիչներին հավաքել էր կլոր սեղանի եւ հաճելի հյուրասիրության շուրջ՝ զրուցելու վերը նշված հարցերի պատասխանների, ինչպես նաեւ պալատի առաջիկա ծրագրերի մասին:

«Այսօր մենք մեծ խնդիր ունենք. Հայաստանում չկան նորաձեւության ամսագրեր, իսկ դա շատ դժվար է, քանի որ նորաձեւությունն առանց դրանց ամբողջ աշխարհում չի կարող գոյություն ունենալ: Այդ բացը պետք է փորձել լրացնել այն մամուլով, որը, միգուցե, անմիջական կապ չունի նորաձեւության հետ, բայց կարող է լինել փոխարինող»,-անդրադառնալով ոլորտում տիրող խնդիրներին՝ նշեց դիզայները:

Նորաձեւության եւ դիզայնի պալատը Fashion Forum նախագծի շրջանակում ամեն տարի փորձում է հայ դիզայներներին ուղղորդել դեպի համաշխարհային նորաձեւության շուկա, հրավիրել ոլորտի միջազգային փորձ ունեցող մասնագետներին, կազմակերպել վարպետության դասեր, սեմինարներ եւ նոր հնարավորություններ ստեղծել սկսնակ եւ արդեն ճանաչված դիզայներների համար: Վահան Խաչատրյանն ուրախությամբ հայտեց, որ իրենց նախաձեռնությանը հետեւում են միջազգային շատ կառույցներ, այդ թվում՝ Մեծ Բրիտանիայի դեսպանությունը, ինչը հնարավորություն է ստեղծել պալատի համար ձեռք բերել ֆինանսավորում՝ հետագա ծրագրերն իրականացնելու համար.

«Մեծ Բրիտանիայի դեսպանությանը դիմեցինք նոր գրանտի համար, այդ նախագիծը երկու շաբաթ առաջ հաստատվեց եւ ստորագրվեց. այս ծրագիրը նախատեսված է առաջիկա երկու տարիների համար, այն բավականին մեծ եւ ծավալուն է: Ծրագիրը ֆինանսավորվում է Մեծ Բրիտանիայի ժողովրդի կողմից, կոչվում է «Լավ գաղափար»: Մենք այս երկու տարիների ընթացքում փորձելու ենք խոսել մի թեմայի շուրջ, որը կապ ունի ոչ թե նորաձեւության գլամուրային, այլ ետնաբեմային` «կեղտոտ» կողմի հետ: Խոսքը թափոնների վերամշակման մասին է: Այն, ինչ մենք տեսնում ենք նորաձեւության մեջ, շատ գեղեցիկ է, բայց այն այսօր շրջակա միջավայրն ամենից շատ աղտոտող արդյունաբերություններից է: Արտադրություններից գոյացած թափոնները հայտնվում են աղբարկղերում, ինչը ոչ միայն վնաս է, այլեւ ոչ խնայողաբար մոտեցան ձեւ»,-ասում է Վահանը՝ առաջարկելով տվյալ խնդրի կարգավորման համար դիմել միջազգային օրինակին.

«Կարելի է կիրառել դրսի փորձը, այսինքն` վեամշակել այդ թափոնները ու դրանցից ստանալ նոր արտադրանք` թելեր, կտոր եւ էքստրա ապրանք: Այս երկու տարիների ընթացքում մենք փորձելու ենք ուսումնասիրել դաշտը հասկանալու համար՝ ինչ մասշտաբի արտադրամաս է պետք ստեղծել: Այդ հարցում մեզ կօգնեն մեր անգլիացի գործընկերները, եւ մենք հույս ունենք, որ երկու տարի անց արդեն կունենանք կոնկրետ բիզնես ծրագիր, թե որքան ներդրում է պետք անել նման գործարան հիմնադրելու համար: Հասկանում ենք, որ դա բավականին լուրջ դաշտ է, որի մասնագետները չկան Հայաստանում, այդ պատճառով էլ համագործակցելու ենք դրսի ներկայացուցիչների հետ»:

Առաջիկայում հայ դիզայներներին հնարավորություն կտրվի մասնակցել դրսում կազմակերպվող ամենահեղինակավոր ցուցահանդեսներին, որոնցից մեկը տեղի կունենա սեպտեմբերին:

«Շուտով մեկնելու ենք Միլան, որտեղ ցուցահանդեսին կներկայացվեն 9 հայ դիզայներներ եւ բրենդներ՝ Արամ Նիկոլյան, Արեւիկ Սիմոնյան, Ռուզանե, Soncess, Made, The Muse, Teress եւ Դամիան Հովհաննիսյան: Այս տարի ես չեմ ներկայանա ցուցահանդեսին. ամբողջովին իմ ժամանակը կնվիրեմ իրենց աջակցելուն»:

Վահան Խաչատրյանի խոսքով՝ Նորաձեւության եւ դիզայնի պալատը շարունակելու է ոլորտի զարգացմանն ուղղված իր գործունեությունը նաեւ այլ ձեւերով: Նորաձեւության վարպետության դասեր փորձելու են իրականացնել ոչ միայն Երեւանում, այլեւ մարզերում:

Սյունե Առաքելյան

Տեսանյութը՝ Մելինե Տոնոյանի

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում