Հայաստանյան մշակութային կյանքը վերջին շրջանում ավելի ակտիվ է դարձել նաեւ մայրաքաղաք Երեւանից դուրս: Օրերս, օրինակ, Արտաշատ քաղաքի թատրոնում կայացել է երիտասարդ դերասան Արամ Ավետիսյանի՝ «Փրկության գինը» առաջին ֆիլմի պրեմիերան, որն անցել է կարմիր գորգով եւ լեփ-լեցուն դաhլիճով:
Արամ Ավետիսյանին հայ հեռուստադիտողը ճանաչում է սերիալային նախագծերից. դերասանը մասնավորապես հայտնի է «Քարդե դարդ» սիթքոմի եւ «Երեւի» հեռուստասերիալի իր կերպարներով, սակայն այն, որ Արամը ունի դերասանական ստուդիա եւ զբաղվում է նաեւ սցենարներ հեղինակելով՝ քչերին է հայտնի: Պատահական չէ, որ դերասանի՝ որպես սցենարիստ եւ ռեժիսոր դեբյուտային աշխատանքի պրեմիերան կայացել է հենց Արտաշատի թատրոնում, քանի որ Արամի դերասանական ստուդիան այնտեղ է գտնվում, իսկ ֆիլմի գլխավոր դերերում Արամի հետ հանդես են եկել իր ստուդիայի սաները:
«Շփվելով երեխաների հետ, հասկանալով նրանց խնդիրները, որոնք հիմնականում ընտանիքի եւ դպրոցի հետ են կապված, փորձելով նրանց ճանաչել՝ հասկացանք, որ նրանց կյանքը կարող է շատ տպավորիչ ֆիլմ լինել: Ինքս եմ սցենարի հեղինակը: Գրեցի այն, եւ փորձեցի իմ դերասանական ստուդիայի երեխաների մասնակցությամբ ֆիլմ նկարահանել, որպեսզի նրանց էլ հնարավորություն տամ հանդես գալու որպես դերասաններ»,-NEWS.am STYLE-ի հետ զրույցում նշեց Արամը:
«Փրկության գինը» ֆիլմն ունի երկու ուղղություն. սյուժետային առաջին գիծը ներկայացնում է դպրոցական կյանքը, մյուսը՝ ընտանեկան պատմություն է:
«Այն պատմում է մի տղայի մասին, որը բանակից վերադառնում է եւ իմանում, որ իր մայրը լուրջ հիվանդ է, սկսվում է նրա շատ դժվար կյանքը, բայց նա երբեք հույսը չի կորցնում»,-պատմում է դերասանը, որն էլ մարմնավորում է զինվորի կերպարը:
«Քանի որ ստուդիան հենց Արտաշատ քաղաքում է, որոշեցինք Արտաշատի թատրոնում անել պրեմիերան: Ֆիլմն արդեն ցուցադրվել է նաեւ Վեդիում, առաջիկայում եւս մեկ ցուցադրություն կլինի Արտաշատում, որից հետո՝ արդեն Վանաձորում: Երեւանում առաջիկայում ցուցադրություն չի սպասվում, առայժմ այն կներկայացվի միայն մարզերում»:
Արամը խոստովանում է՝ մինչ պրեմիերան անհանգստությունը մեծ էր, բայց տեսնելով հանդիսատեսի ջերմ արձագանքը՝ հանդարտվել է.
«Երբ ֆիլմը նկարում էինք, չէի նախատեսել, որ այն պետք է մեծ էկրաններ բարձրանար, բայց հետագայում որոշեցինք, որ այն պետք է ավելի պրոֆեսիոնալ մակարդակով ներկայացնել: Ֆիլմն, ըստ իս, հաջողված է: Դատելով հանդիսատեսի արձագանից՝ կարծում եմ՝ այն ստացվել է»:
Արամը NEWS.am STYLE-ին տրամադրել է նաեւ Արտաշատում տեղի ունեցած պրեմիերայից լուսանկարներ, որոնք ներկայացնում ենք ձեր ուշադրությանը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը