• Մոսկվայում տեղի կունենա Արամ Խաչատրյանի ծննդյան 120-ամյակին նվիրված համերգ

  Գալա համերգի շրջանակներում հանդիսատեսը կարող է լսել Սպարտակ եւ Գայանե բալետների սյուիտներ, ինչպես նաեւ երաժշտական ​​դրվագներ «Վալենսիացի այրին» պիեսից ու Խաչատրյանի բազմաթիվ այլ ստեղծագործություններ․․․

• Բախի երաժշտությունը Ստրադիվարիուսի ջութակով` լեգենդար ջութակահար Լեոնիդաս Կավակոսը գալիս է Երեւան

  Նա մեր օրերի ականավոր, վիրտուոզ երաժիշներից է, որի բացառիկ վիրտուոզությանը բնորոշ է անգերազանցելի երաժշտականությունն․․․

• «Ես միշտ սիրել եմ հայկական երաժշտությունը»․ ֆրանսիացի դաշնակահար Ֆրանուսա Մարտիրոսյան

  Ֆրանուսան ծնվել է Մեցում՝ ֆրանսահայ հորից ու ֆրանսիացի մորից․․․

• Հայ դաշնակահարները Շոպենի միջազգային դաշնամուրային մրցույթում արժանացել են գլխավոր մրցանակների

  Այս տարի միջոցառմանը մասնակցել են դաշնակահարներ ԱՄՆ-ից, Կանադայից, Ինդոնեզիայից, Ճապոնիայից, Չինաստանից, Հարավային Կորեայից եւ Հայաստանից․․․

• Հայաստանում կանցկացվի «Սիմֆոնիկ Երևան» միջազգային երաժշտական փառատոնը

  Համերգների ընթացքում կհնչեն դասական և ժամանակակից կոմպոզիտորների ստեղծագործություններ․․․

• Մյունխենում կայացավ «Հովեր» երգչախմբի համերգը՝ նվիրված Հայաստան-Գերմանիա դիվանագիտական հարաբերությունների 30-ամյակին

  2022 թվականը «Հովեր» պետական կամերային երգչախմբի համար հոբելյանական է․․․

• Վերդիի «Օթելլո»-ն աստղային կազմով վերադառնում է «Արամ Խաչատրյան» համերգասրահ

  Բացառիկ հնարավորություն․․․

• Վլադիմիր Սպիվակովն այցելել է Զինվորի տուն (ֆոտո)

  Զինվորի տունը շատ լավ օրինակ է մարդկանց համար, թե ինչպես չգտնվել միայն սեփական «ես»-ի շրջանակում․․․

Այսօր, սեպտեմբերի 27-ին, Հայաստանում առաջին անգամ կհնչի Տիգրան Մանսուրյանի թավջութակի 4-րդ կոնցերտը: Հանրահայտ դիրիժոր Անդրեյ Բորեյկոն հատուկ ժամանել է Հայաստան՝ Մանսուրյանի այս ստեղծագործությունը ղեկավարելու համար: Համերգը կանցնի Երեւանյան 13-րդ միջազգային երաժշտական փառատոնի շրջանակներում եւ նվիրված կլինի Տիգրան Մանսուրյանի 80-ամյա հոբելյանին: Կոնցերտը կհնչի Հայաստանի Ազգային ֆիլհարմոնիկ նվագախմբի կատարմամբ: Մենակատարը անվանի թավջութակահար Սեւակ Ավանեսյանն է Բելգիայից, որը հանդես է գալիս Եվրոպայի լավագույն նվագախմբերի ու դիրիժորների հետ:

Համերգի դիրիժոր Անդրեյ Բորեյկոն եղել է այնպիսի առաջատար նվագախմբերի գեղարվեստական ղեկավարը, ինչպիսիք են Համբուրգի սիմֆոնիկ, Դյուսելդորֆի սիմֆոնիկ, Պոզնանի ֆիլհարմոնիկ, Jenaer Philharmonie, Winnipeg Symphony եւ Բելգիայի ազգային նվագախմբերը: Ներկայումս Բորեյկոն Նեապոլի Ֆիլհարմոնիկի Artis-Naples նվագախմբի գեղարվեստական ղեկավարն է: Նա վաղուց է ծանոթ Մանսուրյանի ստեղծագործություններին եւ առաջին անգամ Հայաստան է ժամանել հատուկ մաեստրոյի հոբելյանին մասնակցելու եւ նրա ստեղծագործությունը ներկայացնելու համար:

Մասուրյանն իր կոնցերտն այսպես է բնութագրում. «Թավջութակի համար գրված իմ կոնցերտը  մեկ մասից է՝ բաղկացած երեք ենթամասերից՝ դանդաղ-արագ-դանդաղ սկզբունքով: Կոնցերտի համաշխարհային պրեմիերան ծրագրված էր ապրիլի 24-ին: Այն 1915թ-ի զոհերի հիշատակի օրն է համայն հայության համար, ինչը եւ բացատրվում է «Ուր՞ է Աբել եղբայր քո» (Ubi est Abel frater tuus?) վերնագրով: Այս հարցը արդիական է դառնում ամեն անգամ, երբ մարդկային ձեռքը բարձրանում է մարդու վրա: Կայենի կողմից Աբելի սպանության աստվածաշնչյան այս դրվագը մարդկային առաջին ոճրագործությունն է եւ եղբայրասպանության սիմվոլը: Ես մտադիր էի այս ստեղծագործությունը Ռեքվիեմի բնույթով ներկայացնել, եւ ինքս ինձ համար այն անվանեցի Kyrie eleison, Dies irae եւ Lacrimosa»:

Կոնցերտի համաշխարհային պրեմիերան կայացել է 2010թ.-ի ապրիլի 24-ին, Քյոլնում, (մենակատար՝ Յան Ֆոգլեր,  դիրիժոր՝ Սեմյոն Բիչկով):

Լուսանկարը՝ New York Classical Review

Հետևեք NEWS.am STYLE-ին Facebook-ում, Twitter-ում և Instagram-ում