• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

• Վլադիմիր Սահակյանի առաջին հետմահու ցուցահանդեսը մեծ հետաքրքրություն է առաջացրել արվեստասեր հասարակության շրջանում

  Նկարիչ Վլադիմիր Սահակյանի առաջին հետմահու ցուցահանդեսը, որը բացվել է ապրիլի 1-ին` Հայաստանի նկարիչների միությունում, կշարունակվի մինչև ապրիլի 8-ը...

• Լոնդոնում հայտնվել է Բենքսիի նոր որմնանկարը

  Գիշերը Լոնդոնի հյուսիսում գտնվող բնակելի շենքի վրա հայտնված որմնանկարը հայտնի փողոցային նկարիչ Բենքսիի աշխատանքն է․․․

• Moth and Rabbit օծանելիքի բրենդը թողարկել է Սերգեյ Փարաջանովի «Նռան գույնը» ֆիլմից ոգեշնչված բույր

  Moth and Rabbit լյուքս դասի օծանելիքի բրենդը թողարկել է բուրմունք՝ ոգեշնչված Սերգեյ Փարաջանովի «Նռան գույնը» ֆիլմից, հայտնում է Հայկական կինոընկերությունը․․․

«Նաիրի» համահայկական հիմնադրամը Հայաստանի ազգային պարարվեստի միության հետ համատեղ հիմնադրել է «Նաիրյան» պարարվեստի համահայկական մրցանակաբաշխությունը, որը տեղի կունենա հոկտեմբերի 1-ին՝ Ալ. Սպենդիարյանի անվան օպերայի եւ բալետի ազգային ակադեմիական թատրոնում։

Քանի որ մրցանակաբաշխությունն անցկացվելու է առաջին անգամ, այն կլինի շնորհանդեսի տեսքով։ Պարարվեստում իրենց կատարած ներդրումի համար կպարգեւատրվեն պետական եւ վաստակավոր համույթները։ Միջոցառման այս տարվա մասնակիցներն են՝ Երեւանի պարարվեստի պետական քոլեջը, Թ. Ալթունյանի անվան երգի-պարի պետական անսամբլը, Ալ. Սպենդիարյանի անվան օպերայի եւ բալետի ազգային ակադեմիական թատրոնի բալետային թատերախումբը, Հայաստանի պարի պետական անսամբլը, «Բարեկամություն» պետական անսամբլը, «Բերդ» պարային անսամբլը. «Սարդարապատ»-ը, Արցախի պարի պետական անսամբլը եւ Խ. Աբովյանի հայկական պետական մանկավարժական համալսարանի պարարվեստի ամբիոնը։

Այսօր՝ սեպտեմբերի 30-ին, կայացած մամուլի ասուլիսին Հայաստանի ազգային պարարվեստի միության նախագահ Կարեն Գեւորգյանն ու «Նաիրի» համահայկական հիմնադրամի նախագահ, մշակութային գործիչ Սամվել Հարոյանը նեկայացրին մրցանակաբաշխություն –շնորհանդեսի մյուս մանրամասներն ու նպատակները.

«Հենց հոկտեմբերի 1-ից արդեն հաջորդ տարվա մրցանակաբաշխության մեկնարկը կտրվի։ Այսինքն՝ արդեն վաղվանից աշխարհում գործող բոլոր պարային համույթները կարող են մասնակցել համապատասխան նոմինացիաներում, որոնք նախապես հաստատված կլինեն մասանագիտական հանձնաժողովի կողմից։ Իսկ ամեն տարի ապրիլի 29-ին կանցկացվի պարի միջազգային օր»,-նշեց Կարեն Գեւորգյանը։

Սամվել Հարոյանը շնորհավորեց բոլորին՝ պարարվեստի համահայկական առաջին մրցանակաբաշխության առթիվ՝ շեշտելով դրա կարեւորությունը. «Վերջապես հայ պարարվեստում որոշակի շարժ է նկատվում այն առումով, որպեսզի արժեւորվեն, իսկապես, արժանի համույթները։ Մեր նպատակն է ընդգրկել հնարավորինս շատ պարային համույթներ։ Մրցանակաբաշխությունը խթան կհանդիսանա, որպեսզի որակական խնդիրներ դրվեն հենց պարախմբերի առջեւ։ Յուրաքաչյուր խումբ պետք է ձգտի ստանալ գլխավոր մրցանակը, իսկ ձգտելու ճանապարհին նրանք պետք է լավ աշխատեն, ճիշտ երաժտություն, տարազներ ու բեմադրություններ ընտրեն, որպեսզի կարողանան մասնակցել»,-իր խոսքում նշեց նա։

Կարեն Գեւորգյանն էլ հավելեց. «Այսօր շակույթի տարբեր ոլորտներում կան այդպիսի մցանակաբաշխություններ, բայց պարարվեստում այնքան են շատացել այդ անորակ խմբերը, նմանօրինակ մրցանակները՝ բոլորը ոսկե մեդալակիր են... Իրականում բազմաթիվ լավ կոլեկտիվներ կան, որոնք տարվա ընթացքում շատ լավ գործեր են բեմադրում, բայց, ցավոք, այդ մասին ոչ ոք չի իմանում։ Մեր նպատական է նաեւ նմանօրինակ խմբերին ներկայացնելը»։

Այս տարվանից սկսած մրցանակաբաշխության հետագա մասնակիցներին եւ նոմինացիաները կորոշի մրցանակաբաշխության հանձնախումբը, որը բաղկացած է 21 անդամից. այդ կազմում ընդգրկված են հայտնի պարուսույցներ, ազգագրագետներ, կոմպոզիտորներ եւ ժողովրդական արտիստներ։

 «Հանձնախումբը տրամադրված է աշխատելու, բոլորը հավաքվել են մեկ հարկի տակ եւ, իսկապես, առկա խնդիրները լուծելու եւ պարարվեստի ոլորտը արժեւորելու նպատակ ունեն»։

Սամվել Հարոյանի խոսքով՝ «Նաիրյան»-ը պարզապես մեկօրյա մրցանակաբաշխություն չի լինելու. այն խթքանելու է խմբերի ամենօրյա աշխատանքը, քանի որ դրա նպատակն է աշխարհին ճիշտ ձեւով ներկայացնել հայկական պարը։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում