Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Կարեւոր է, որ Հայաստանում մենք ստեղծում ենք նորություն արվեստի շուրջ». «WCIT» նվագախմբի առաջին բաց փորձը՝ Հանրապետության հրապարակում (ֆոտո/վիդեո)

17:25, 4 հոկտեմբերի

Այսօր՝ հոկտեմբերի 4-ին, Հանրապետության հրապարակում կայացավ «WCIT» նվագախմբի առաջին բաց փորձը, որի ընթացքում աշխարհի 15 երկրներից համախմբված երաժիշտները նվագեցին նաեւ արհեստական բանականության ստեղծած երաժշտությունը: Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմաբատյանը նշում է՝ լավագույն երաժիշտներից բաղկացած նվագախումբ է ձեւավորվել. «Նվագախումբը դուրս կգա բեմ՝ առանց իմանալու, թե ինչ է նվագելու: Կազմում ներառված են երաժիշտներ՝ շուրջ 14 երկրից, որտեղ, որ կայացել է «WCIT»-ն: 15-րդ երկիրը Հայաստանն է: Նրանք բոլորը փայլուն երաժիշտներ են, բայց նրանց այստեղ հրավիրելուց հաշվի ենք առել ոչ միայն նրանց երաժշտական տաղանդը, այլեւ տեսլականը: Այն ծրագիրը, որը մենք աշխարհին ուղարկելու ենք Հայաստանից, կփաստի, որ Հայաստանը հանդիսանում է այն երկիրը, որն ունի հստակ պատկերացում արհեստական բանականության կոնցեպտի վերաբերյալ»,-ոգեւորությամբ նշեց դիրիժորը՝ հավելելով.

«Համերգին բազմաբովանդակ երաժշտություն է հնչելու: Սկզբում կներկայացնենք «WCIT»-ի հիմնը, որը, նույնպես, մեր մոդելի՝ արհեստական բանականության շնորհիվ ստացել ենք 15 երկրների երաժշտության միքսերով: Գենենտիկ փունջ է ստացվել: Կհնչեն ստեղծագործություններ՝ Խաչատրյանից, Բաբաջանյանից, Մանսուրյանից՝ երաժշտություն, որը  մենք սիրում ենք: Փորձել ենք ներկայացնել դասական կոնցեպտի մեջ ամենասիրվածները»:

Խոսելով արհեստական բանականության միջոցով ստեղծվող գործի մասին՝ Սմբատյանը նշում է.

«Արհեստական բանականությունը 21-րդ դարի այն մարտահրավերն է, որը կարող է փոխել մեր կյանքը: Իհարկե, ոչ ոք չի համեմատի արհեստական բանականությունը Բաբաջանյանի կամ այլ հայտնի կոմպոզիտորների երաժշտության հետ, բայց դա ինչ-որ ձեւաչափ է, որն այսօր մեզ պետք է: Ես շատ չեմ հասկանում այս ոլորտից, բայց մի բան եմ գիտակցում, որ Հայաստանն այդ ամենաքննարկվող թեմայի մեջ առաջարկում է շատ հստակ ձեւաչափ եւ նորություն, որն արվեստի մասին է: Սա արվետի ֆորմատի մեջ նորություն է, ինչը կարեւոր է, որ Հայաստանում մենք ստեղծում ենք նորություն արվեստի շուրջ: Դա մեզ համար մեծագույն ձեռքբերում է: Շատ կարեւորում եմ, որ «WCIT»-ն որոշեց իր բացումը Հայաստանում արվեստով սկսել, ինչը երբեք չէր եղել»:

ԱՏՁՄ նախագահ Ալեքսանդր Եսայանն էլ իր հերթին հավելեց.

«Մեզ համար շատ կարեւոր է, որ այս ամենը տեղի է ունենում Հայաստանում: Ծրագիրը քննարկել ենք պարոն Սմբատյանի հետ համատեղ. միտքը եղել է նրանը: Այս պահին գոհ եմ արված աշխատանքից, եւ անում ենք հնարավորինս, որ մինչեւ վերջին օրն ամեն ինչ լավ ընթանա: Շատ ազդեցիկ մարդիկ են ներառված լինելու բացմանը»:

Հարցին արդյոք Քիմ Քարդաշյանը եւս ներկա կլինի համերգին, Եսայանը պատասխանեց.

«Այո, մենք հրավիրել ենք նրան, հուսով ենք՝ ներկա կլինի»:

ՏՏ 23-րդ համաշխարհային համաժողովը կմեկնարկի հոկտեմբերի 6-ին եւ կտեւի մինչեւ հոկտեմբերի 9-ը:

«WCIT»-ի բացման պաշտոնական համերգը կկայանա հոկտեմբերի 6-ին՝ Հանրապետության հրապարակում:

Ինչպես ավելի վաղ տեղեկացրել ենք՝ հայտնի հայուհի Քիմ Քարդաշյանը եւս կժամանի Հայաստան՝ մասնակցելու համաժողովին:

Քիմ Քարդաշյան-Ուեսթը հանդես կգա «Գաղափարների շուկա» լիագումար նիստում, որտեղ կքննարկվի, թե ապակենտրոնացված տեխնոլոգիաները որքանով են նպաստել ժամանցի, մեդիայի և լրագրության աշխարհների ժողովրդայնացմանը և թե որքանով են հեղափոխել արվեստի, տեղեկատվության տարածման մեր մեթոդները՝ նոր աստղեր պատրաստելու ճանապարհին:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել