• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Երգ, պար, հումոր, բարձր տրամադրություն ու անսահման ջերմություն` թե բեմում, թե դահլիճում: Իհարկե, այլ տրամադրություն չէր էլ կարող տիրել, երբ բեմում Աշոտ Ղազարյանն է` շրջապատված ընկերներով, գործընկերներով եւ հայկական շոու-բիզնեսի ամենահայտնի կատարողներով, որոնք երեկ` հոկտեմբերի 13-ին համախմբվել էին Կարեն Դեմիրճյանի անվան մարզահամերգային համալիրի համերգային դահլիճում` նշելու ՀՀ ժողովրդական արտիստի 70-ամյա հոբելյանը:

Նման հումորային երեկո դերասանն արդեն հասցրել է ունենալ Մոսկվայում, իսկ Հայաստանում եւս մեկ հոբելյանական համերգ ունենալը հանդիսատեսի «պահանջն էր»: Ինքը` հումորիստը խոստովանում է` երեկոն չէր լինի առանց ընկերների ջանքերի, թե չէ ինքը, ինչպես նշում է, չի սիրում նման կերպ նշել տաեդարձները:

Համերգից առաջ Աշոտ Ղազարյանը հուզված էր, բայց դա սովորական երեւույթ է տարիների փորձ ունեցող արտիստի համար.

«Կապ չունի, որ 70-ամյակիս հոբելյանն է: Միշտ բեմ դուրս գալուց առաջ, սկսած ամենասկզբից, շատ եմ հուզվել, աղոթել եմ: Ամեն անգամ, երբ բեմ եմ դուրս գալիս, ասես առաջին անգամը լինի»,-ասում է նա:

Հայտնի հումորիստի համերգին ներկա էին հայկական շոու-բիզնեսի, գրեթե, բոլոր ներկայացուցիչները. ոմանց ինքն է հրավիրել, ոմանք` իրենք են առաջարկել մասնակցել.

«Գեղարվեստական մասով չեմ զբաղվել: Նկարահանումներ էի իրականացնում, չէի հասցնում: Համերգին բավական երկար ենք պատրաստվել, երեւի` երկու ամիս: Դժվար էր համատեղել այդքան արտիստի, փորձեր կատարել...

Ես ինքս չէի ուզում նշել նման մեծ ձեւով... Չէ, ես այդքան անհամեստ չեմ»,-ասում է նա:

Համերգի հանդիսավարներն էին Հրանտ Թոխատյանը, Լեւոն Հարությունյանն ու Գրիշա Աղախանյանը: Վերջինը լրագրողների հետ զրույցում կիսվեց.

«Աշոտի հետ ցանկացած հանդիպումն ու շփումը հումոր է: Լավ տրամադրությունն իշխում է այդ շփման ամբողջ ընթացքում: Դա ամենակարեւոր բանն է. իմ բախտը բերել է, որ շփվում եմ նման հումորով մարդկանց հետ»:

Ռաֆայել Երանոսյանն ու Անդրանիկ Հարությունյանը Լիլի Մորտոյի հետ միասին բեմում ներկայացրին հումորային պատմություններ. հումորը` հումորով, բայց Ռաֆայելը վստահ է` Աշոտ Ղազարյանը փայլուն դերասան է նաեւ դրամատիկ ժանրում.

«Իրականում Աշոտ Ղազարյանը շատ խորը ներաշխարհ ունի, ու կարծում եմ` ժամանակն է, որ ավելի շատ դրամատիկ դերեր կերտի, որովհետեւ նրա մոտ դա էլ է շատ լավ ստացվում»:

Ետնաբեմում բոլորից շատ հուզված էին Աշոտ Ղազարյանի թոռնիկները` Անահիտն ու Բորիսը, որոնք Երեւան էին ժամանել Սոչիից` հատուկ պապիկի հոբելյանական համերգին մասնակցելու համար.

«Եվ շատ ուրախ ենք, եւ շատ հուզված: Շատ ենք սիրում նման միջոցառումներ: Պապիկին երջանկություն ենք մաղթում: Որքան երկար նա ապրի, այնքան երջանիկ կլինենք մենք»,-ասում են նրանք:

Աշոտ Ղազարյանն այն արտիստն է, որին ճանչում ենք մանկությունից: Դերասանի հետ մեկ հանդիպումն ու շփումը շատերիս համար է երազանք եղել. բացառություն չէ նաեւ Գարիկ Պապոյանը.

«Չեմ հիշում որեւէ տարիք, որ Աշոտ Ղազարյանին չեմ ճանաչել. նա միշտ եղել է ու միշտ էլ լինելու է: Բախտ եմ ունեցել նկարահանվելու Աշոտ Ղազարյանի հետ, երբ ինձ համար դեռ երազանք էր նրա հետ շփվելը. առաջարկ ստացա «Մեր բակը» սերիալում նկարահանվելու, իսկ նկարահանման ամեն մի րոպեն ինձ համար հետաքրքիր պատմություն էր: Աշոտ Ղազարյանին առողջություն եմ մաղթում. Եվս 70 տարի է պետք, որ նա կարողանա վայելել այն ամբողջ սերը, որ կա իր հանդեպ»,-նշեց հումորիստը:

Աշոտ Ղազարյանի հումորային համերգ-երեկոյին ելույթ ունեցան նաեւ Սիլվա Հակոբյանը, Արսեն Գրիգորյանը, Էրիկը, Սոնան, Արսեն Սաֆարյանը, Նունե Եսայանը, Ավո Խալաթյանը, Հարութ Փամբուկչյանը, Գուրգեն Դաբաղյանը, Արամեն, Ներսիկ Իսպիրյանը, Արթուր Գրիգորյանը, Հայկոն, Ռուբեն Սասունցին, Զարուհի Բաբայանը, «Ամարաս» պարային համույթը եւ այլք: Նրանցից շատերին կտեսնեք նաեւ մեր պատրաստած տեսանյութում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում