• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

• Մարգո Ռոբին ցանկանում է ֆիլմ նկարահանել «Մոնոպոլիա» խաղի հիման վրա

  Մարգո Ռոբին եւ նրա LuckyChap ընկերությունը մտադիր են գեղարվեստական ​​ֆիլմի նկարահանել ընտանեկան սեղանի խաղի՝ «Մոնոպոլիա»-ի հիման վրա…

«Ռիո Մոլ»-ի «Սինեմա Սթար» կինոթատրոնում երեկ՝ հոկտեմբերի 16-ին,  սպասված պրեմիերա էր: Մեծ էկրանին Անջելինա Ջոլին էր՝ իր ողջ հմայքով, «չար» ու «բարի» կողմերով:

Հոլիվուդյան աստղի մասնակցությամբ «Մելեֆիսենտա. Խավարի տիրուհին» ժապավենի երեւանյան պրեմիրերան կայացավ հայ հայտնիների ներկայությամբ եւ համեղ հյուրասիրությամբ:

Նրանք, ովքեր դիտել էին ֆիլմի առաջին մասը, մինչ պրեմիերան անհամբերությամբ  էին սպասում բացահայտելու, թե ինչ ճակատագրի պետք է արժանանային խավարի փերի Մալեֆիսենտան եւ «քնած-արթնացած» գեղեցկուհի Ավրորան:

Ռեժիսոր Ժոակիմ Ռոննինգը դեռեւս առաջին ֆիլմում «Դիսնեյ»-ի հայտնի հեքիաթի չարագործին նոր երանգ տվեց՝ ներկայացնելով նրա պատմությունն ու ցույց տալով, որ յուրաքանչյուր չարության ետեւում թաքնված է ոտնահարված բարությունը:

«Մալեֆիսենտա» ֆիլմի նոր պատումում ռեժիսորն ավելի խորն է ներկայացնում խավարի փերու պատմությունը, ծանոթացնում է խավարի մյուս բնակիչների հետ ու նկարագրում Ավրորայի եւ արքայազն Ֆիլիպի սիրո պատմությունը, որը ստիպված է լինում մի շարք փորձությունների ենթարկվել՝ հաղթահարելով չարությունն ու պատերազմները, կնքելով երկար սպասված խաղաղությունը մարդկության եւ ճահճուտի բնակիչների միջեւ:

Անջելինա Ջոլիի հմայքը երկրպագուները նոր ֆիլմում կկարողանան գնահատել նորովի: Բացի հայտնի սեւ հագուստից՝ դերասանուհուն կտեսնեք նոր կերպարով, իսկ նրա հերոսուհուն՝ նոր հույզերով եւ պայքարով:

Ավրորայի դերում կրկին կտեսնեք նրբակազմ Էլլ Ֆաննինգին. ի տարբերություն առաջին ֆիլմի՝ այս ֆիլմում նրա հերոսուհին ավելի հասուն է, ուժեղ եւ կամային:

Ֆիլմում մի շարք նոր հերոսների եւ դերասանների կողքին իր կերպարով փայլում է լեգենդար Միշել Փֆայֆերը, որը մարմնավորում է թագուհի Ինգրիսին: Վերջինը նոր պատումի գլխավոր չարագործն է, որը փորձում է օգտագործել որդու եւ սիրելիի զգացմունքները՝ սեփական նենգ նպատակներն իրագործելու համար:

Մեծ պրեմիերայի առթիվ «Ռիո Մոլի» «Սինեմա Սթարը» իր թեմատիկայով համապատասխանում էր ֆիլմի տրամադրությանը. ցուցադրությանը ներկա էր անձամբ «Մալեֆիսենտան», որը սիրով լուսանկարվեց բոլոր ցանկացողների հետ, իսկ մանուկներից շատերը փորձել էին համապատասխանել գլխավոր հերոսուհու կերպարին:

Պրեմիերային ներկա էին նաեւ հայկական շոու-բիզնեսի հայտնիներից շատերը, այդ թվում՝ Արփի Գաբրիելյանը, Իրինա եւ Լուսինե Թովմասյաններն իրենց դուստրերի հետ, դիզայներ Ֆաինա Հարությունյանը, Արմեն Երիցյանը, մենեջեր Նունե Խուրշուդյանը, հաղորդավարուհի Մանե Գրիգորյանը եւ այլք: Մանրամասները՝ NEWS.am STYLE-ի ֆոտոտռեպորտաժում:

Սյունե Առաքելյան

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում