Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Գերլարված իրադարձություններ՝ ուրիշի «անկողնում». «Ննջասենյակային զավեշտ» ներկայացման պրեմիերան եւ հայտնի հյուրերը (ֆոտո/վիդեո)

16:15, 31 հոկտեմբերի

Պետական կամերային երաժշտական թատրոնի բեմը դերասաններ Արա Դեղտրիկյանը, Անահիտ Կիրակոսյանը, Վիլեն Սարգսյանը, Աելիտա Գեւորգյանը, Կարապետ Քարաջյանը, Արթուր Պետրոսյանը, Լաուրա Բաբայանն ու Արեւիկ Ավետիսյանը իսկական «Ննջասենյակային զավեշտի» էին վերածել:  Ներկայացման պրեմիերան կայացավ երեկ՝ հոկտեմբերի 30-ին՝ հանդիսատեսի բուռն արձագանքի եւ ծափահարությունների ներքո:

Գերէմոցիոնալ եւ զավեշտալի այս պիեսի հեինակը Ալան Էյկբորն է, բեմադրիչը՝ Ժիրայր Բաբազյանը, բեմանկարիչ՝ Մերի Արեյան:

Պիեսը չորս տարբեր զույգերի մասին է, որոնք միմյանց հետ ունեն ընդհանուր կապ, բայց տարբեր են իրենց փոխհարաբերություններով, էմոցիաներով եւ տեսակով:

Հերոսներից յուրաքանչյուրի կյանքում էլ կան լարված իրադրություններ, սակայն նրանցից ամենախճճվածը, թերեւս, Սյուզանի եւ Թրեվերի հարաբերություններն են (Անահիտ Կիրակոսան եւ Վիլեն Սարգսյան), որոնք զույգը փորձում է հարթել մյուսների «անկողնում»:

Անահիտ Կիրակոսյանը նման խենթ հերոսուհու դեռեւս չէր մարմնավորել, սակայն ինչպես նշում է՝ շատ է սիրել Սյուզանի կերպարը.

«Դերն, իրականում, շատ բարդ էր ինձ համար, քանի որ նա գերէմոցիոնալ եւ տարօրինակ կին է, որն ուրիշներին է համարում այդպիսին: Բայց ես շատ եմ սիրում փոփոխվել՝ որպես դերասանուհի, ստանալ նոր կերպարներ եւ աշխատել դրանց շուրջ, որպեսզի հանդիսատեսը ոչ թե ինձ տեսնի բեմի վրա, այլ իմ կերպարը: Ես սիրեցի Սյուզանին, եւ մենք, կարծում եմ, միմյանց հետ հաշտ ենք, թեպետ մյուս դերակատարների հետ վիճում ենք (ծիծաղում է)»:

Վիլեն Սարգսյանն իր հերոսին՝ Թրեվերին «մեծ երեխա է» համարում:

«Դժվար չէր նրան կերտելը, մեծ աշխատանքի արդյունքում հասանք այդ կերպարին: Առհասարակ, միշտ էլ դժվարություններ լինում են ցանկացած նոր գործի հետ: Պարոն Բաբազյանի հետ դեռ չէի աշխատել, բախտ վիճակվեց համագործակցության, որի ավարտին, կարծում եմ, հասանք արդյունքի»,-ասում է դերասանը, որը ոչ մի նմանություն չի տեսնում իր եւ Թրեվերի կերպարի միջեւ.

«Կյանքում ու թատրոնում չէի ունեցել նման կերպար: Փորձել եմ Թրեվերի մեջ գտնել մի կարեւորագույն էմոցիա ու դրա շուրջ կառուցել ամբողջ կերպարը»:

Իր եւ իր կերպարի՝ Սյուզանի նմանությանն արնդրադարձավ նաեւ Անահիտ Կիրակոսյանը.

«Ինձ թվում է՝ ցանկացած կերպարի մեջ քեզանից ինչ-որ բաներ կան, ու մարդն, առհասարակ, ընդունակ է ամեն էմոցիայի, պարզապես պետք է այն քո մեջ արթնացնես՝ կախված իրավիճակից: Ի վերջո, բոլորս էլ կարող ենք գժվել, խենթությամբ լցվել: Փորձում եմ այդ էմոցիան տալ բեմում ու խաղալ: Չգիտեմ՝ որքանով ստացվեց, բայց հանդիսատեսը թող դատի»,-նշեց դերասանուհին՝ հավելելով.

«Շատ գոհ եմ, որ Վիլեն Սարգսյանն է իմ խաղընկերը, որովհետեւ ինձ համար նա պրոֆեսիոնալ է, ունի էներգիա, որը փոխանցում է նաեւ ինձ, որին ես պետք է պատասխանեմ: Մեր «դուետն» ինձ համար կայացել է: Նաեւ շատ ուրախ եմ, որ պարոն Դեղտրիկյանի հետ եմ աշխատում բեմում՝ թեկուզ փոքր է դրվագը, բայց դա ինձ համար մեծ պատիվ է, սովորելու շատ բան ունենք նրանից»:

Թե´ Անահիտը, թե´ Վիլենը դեռ վաղ համարեցին խոսել ներկայացումից հետո իրենց էմոցիաների մասին.

«Պետք է մի փոքր ժամանակ դեռ անցնի, որ զգանք, բայց ես շատ ուրախ եմ: Հանդիսատը հաճախ անսպասելի տեղերում էր արձագանքում, ծիծաղում, իսկ ես՝ ինքս, բեմում տարված էի իմ խաղով»,-ասում է Վիլենը, իսկ Անահիտը՝ հավելում.

«Ինձ համար պրեմիերան մի ստուգողական է, որը կամ կանցնես, կամ ոչ: Շատ բան հենց հանդիսատեսի արձագանքից է գալիս: Երբ զգում ես, որ ներկայացումն աշխատում է ու, տեղ-տեղ, հանդիսատեսը ժպտում է, էմոցիա է տալիս եւ քեզ հետ ապրում, ուրեմն՝ ամեն ինչ արդեն լավ է: Իսկ շտկումներ, թերություններ, բնականաբար, կային, որոնք վստահ եմ՝ գնալով կկոփվեն»:

Դերասանուհին բացահայտեց նաեւ, որ բեմում իմպրովիզներ էլ են եղել.

«Իհարկե, բեմում ամեն ինչ հնարավոր է, քանի որ թատրոնը կենդանի արվեստ է, ինչ էլ ստեղծվի, պետք է կարողանաս տակից դուրս գալ եւ մենք՝ երիտասարդ կազմը, դեռ շատ բան ունենք սովորելու մեծերից»:

Պրեմիերային ներկա էր նաեւ դերասանուհու ամուսինը, որը ըստ նրա՝ իր ամենամեծ քննադատն է.

«Ամենալարվածն եմ լինում, երբ նա ներկա է լինում դահլիճում: Նա իմ ամենախոշոր քննադատներից է, ու քանի որ շատ ուղղախոս է, շատ հանգիստ կարող է գալ ետնաբեմ ու ասել՝ չհավանեցի… (ծիծաղում է): Դեռ չեմ հարցրել տպավորությունների մասին, քանի որ նա երբեք փորձերին չի գալիս, միայն ինձ բեմի վրա է տեսնում, հետո նոր կիսվում կարծիքով»:

Թվում է՝ կատակերգությունների փորձերն էլ պետք է թեթեւ ու զավեշտալի անցնեն, բայց ըստ Վիլեն Սարգսյանի՝ դա բացարձակ այդպես չէ.

«Մենք լուրջ աշխատել ենք այս կատակերգության շուրջ, իմ կարծիքով՝ կատակերգություն խաղալիս, առհասարակ, պետք է շատ լուրջ վերաբերվել այն ամենին, ինչ անում ես»:

Սյունե Առաքելյան

Լուսանկարները՝ Արսեն Սարգսյանի                                      


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել