Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Դոն Ժուան Ավիան» վերադառնում է junior կազմով. Նարեկ Դուրյանը նոր ներկայացում է պատրաստել

13:05, 1 նոյեմբերի

Պրեմիերայից ուղիղ 10 տարի անց Նարեկ Դուրյանի «Դոն Ժուան Ավիա» ներկայացումը կրկին բեմ է վերադառնում, սակայն այս անգամ նոր մոտեցմամբ ու նոր դերասանական կազմով: Նարեկ Դուրյան-Հրանտ Թոխատյան դուետի փոխարեն բեմում կլինեն «Բոհեմ» թատրոնի երիտասարդ արտիստները, նոր մեկնաբանմամբ նեկայացումն էլ կկոչվի «Դոն Ժուան Ավիա Junior»:

«Տարիներ առաջ ես բեմադրեցի Մարկ Կամոլետիի «Բոինգ-բոինգ» իրավիճակային կատակերգությունը, որն աշխարհում իր բեմադրության քանակով ռեկորդ է սահմանել, Ֆրանսիայում էլ, շուրջ 40 տարի է՝ բեմից չի իջնում: Մեր տարբերակում այն անվանեցինք «Դոն Ժուան Ավիա»: Իհարկե, այն ամբողջովին տեղայնացրել էինք: Ես և Հրանտ Թոխատյանը շուրջ 9 տարի խաղացինք այն, հետո էլ կարող էինք խաղալ, ուղղակի մեր զբաղվածությունը մեծացավ, ընդհատեցինք… Հիմա այդ նույն ներկայացումը կրկին վերափոխել եմ, թարմացրել, բեմում էլ ոչ թե ես և Հրանտն ենք լինելու, այլ՝ իմ թատրոնի երիատասարդները»,-նշում է Նարեկ Դուրյանը:

Տևական ժամանակ բեմադրիչ-դերասանն այս ներկայացման մասին «մոռացել» էր. երեք տարի առաջ ստեղծեց «Բոհեմ» թատրոնն ու նոր շենք տեղափոխվեց, ու թատրոնն արդեն ունի իր դերասանները՝ Նարեկ Դուրյանի նախկին ուսանողները: Հենց այդ դերասանների միջոցով էլ պատրաստում է «Դոն Ժուան Ավիա Junior»-ը: Ասում է՝ առաջին անգամ ինքը բեմում ընդհանրապես չի լինելու, երիտասարդ դերասանների խաղին հետևելու է հետնաբեմից:

«Պիեսը բավականին փոխել եմ, վերաբեմադրել: Առաջին անգամ է, որ ես բեմ դուրս չեմ գալու, բայց անհանգստությունս առավել մեծացել է, կրկնապատկվել: Երևի թե ես հետնաբեմում ավելի շատ լարված լինեմ, քան իրենք՝ բեմին: Ես էրեխեքիս ասել եմ՝ եթե ներկայացումը քայլեց, կհամարեմ, որ իզուր չեմ ապրել: Ինձ թվում է՝ այդպես էլ կլինի, իրենք շատ լավ են աշխատում: Ու մի բան կա, որ իրենց մեջ շատ եմ հավանում՝ հանդիսատեսի նկատմամբ ազնվությունը»,-ընդգծեց Ն. Դուրյանը

Ներկայացման հիմքում զվարճալի պատմություն է. երիտասարդ, ով միաժամանակ երեք նշանած ունի, ովքեր տարբեր ավիաընկերությունների ուղեկցորդուհիներ են: Տղան ունի բոլորի չվացուցակները ու հաջողացնում է առանց խոչընդոտների նրանց հետ ժամադրվել: Մի օր նրան հյուր է գալիս ընկերը, եղանակային պայմանների պատճառով էլ երեք ավիաընկերությունների ինքնաթիռները միաժամանակ են վայրէջք կատարում ու աղջիկները, միմյանցից անտեղյակ, հայտնվում են իրենց ընդհանուր նշանածի՝ երեք տարբեր սենյակներում: Այստեղից էլ սկսվում է պատմության ամենահետաքրքիր ու զավեշտալի ընթացքը:

Ներկայացման մեջ ընդգրկված են դերասաններ Թելման Առաքելյանը, Գարիկ Միրզոյանը, Տաթև Միրումյանը, Սիրանուշ Երիկյանն ու Ռուզաննա Մանուչարյանը:

Առաջնախաղը տեղի կունենա նոյեմբերի 7-ին և 9-ին՝ Գրողների միության շենքում գտնվող Բոհեմ թատրոնում:


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել