• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

NEWS.am STYLE-ը շարունակում է հետաքրքիր փաստեր ներկայացնել տարբեր հետաքրքիր ֆիլմերի մասին։ Այսօր խոսքը Քրիս Կոլամբուսի կախարդական՝ «Հարրի Փոթերը եւ փիլիսոփայական քարը» ֆիլմի մասին է (2001թ․)։ Եվ այսպես՝

1․Ջ․ Ք. Ռոուլինգը 1999 թվականին Հարրի Փոթերի արկածների առաջին չորս գրքերի հիման վրա ֆիլմերի ստեղծման իրավունքը վաճառել է մեկ միլիոն ֆունտ ստեռլինգ համեստ գումարով (այն ժամանակ 1,5 միլիոն դոլարից մի փոքր ավելի): Կարեւորն այն էր, որ ձեռք էր բերվել պայմանավորվածություն, որի համաձայն կինը յուրաքանչյուր ֆիլմից ստացված հասույթից կստանար որոշակի գումար։ Ինչպես նաեւ Ռոուլինգը նախապայման էր դրել՝ ֆիլմերում նկարահանվող բոլոր դերասանները պետք է բրիտանացիներ լինեն։

2․Սկզբնապես ֆիլմի ռեժիսորի պաշտոնի գլխավոր թեկնածուն Սթիվեն Սփիլբերգն էր: Նրա հետ բանակցությունները տեւել են մի քանի ամիս, եւ 2000թ․-ի փետրվարին ավարտվել են նրա մերժմամբ։ Սթիվեն Սփիլբերգը որպես հիմնական տարբերակ դիտարկել է անիմացիոն ժապավենի ստեղծումը, որտեղ գլխավոր հերոսի ձայնը կլիներ Հեյլի Ջոել Օսմենթը։ Այս տարբերակը դուր չի եկել, ոչ կինոստուդիային, ոչ էլ գրքի հեղինակին։

3․2000 թվականի մարտի 28-ին հայտարարվեց, որ ռեժիսորական աթոռը բաժին է հասել Քրիս Կոլամբուսին։ Կինոստուդիայի ընտրության հարցում վճռորոշ դեր է խաղացել երիտասարդ դերասանների հետ ռեժիսորի ունեցած աշխատանքային մեծ փորձը եւ նրա նախորդ՝ «Տանը միայնակ» (1990թ․) եւ «Միսիս Դաութֆայր» (1993թ․) ընտանեկան ֆիլմերի հաջողությունը: Մյուս կողմից, Քրիս Քոլամբուսի համաձայնության հիմնական պատճառներից մեկը նրա դստեր` գրքի մեծ երկրպագուհու անխոնջ խնդրանքներն էին։

4․Սեւերուս Սնեյփի դերի գլխավոր թեկնածուն երկար ժամանակ Թիմ Ռոթն էր, որը ծագումով բրիտանացի էր, սակայն 1990 թվականից ապրում էր Ամերիկայում։ Թիմ Ռոթը մերժել է առաջարկը ՝ նախապատվությունը տալով Թիմ Բերթոնի «Կապիկների մոլորակ»-ին, որից հետո դերը բաժին է հասել Ալան Ռիքմանին, որի հրավերն արժանացել է անձամբ Ջ.Կ․Ռիքմանի հավանությանը։

5․Ռիչարդ Հարիսը սկզբում մերժել է իրեն առաջարկված պրոֆեսոր Ալբուս Դամբլդորի դերը։ Վերանայել որոշումը եւ համաձայնել առաջարկին ստիպել է տասնմեկամյա թոռնուհին, որը սպառնացել է հրաժարվելու դեպքում երբեք չխոսել իր հետ:

6․Ֆիլմի տեսարաններից մեկում, երբ Հարրին, Ռոնն ու Հերմիոնը մոտենում են Հագրիդի խրճիթին, նա նվագում է ինքնաշեն սրինգ։ Այդ պահին նա նվագում է «Hedwig`s Theme»-ը, որը ֆիլմի սաունդթրեքից է։

7․Այս եւ մնացած այլ ֆիլմերում, որպես Հոգվարտյան ճեպընթաց օգտագործվել է GWR 4900 Class 5972 Olton Hall գնացքը, որը ժամանակին պատկանել է Great Western Railway ընկերությանն ու կառուցվել է 1937թ․-ին։ 2004 թվականից Beyond Boundaries Travel մասնավոր զբոսաշրջային ընկերությունը Մեծ Բրիտանիայում կազմակերպում է շրջագայություններ՝ բացառապես Հարի Փոթերի երկրպագուների համար:

8․Դերասանը, որը Քինգս-Քրոս կայարանում կերտել է հերթապահի կերպարը, ումից Հարրին օգնություն է խնդրում, իրականում աշխատում է բրիտանական երկաթուղում։ Սակայն մեկ այլ պաշտոնում․ նա գնացքի պետ է:

9․Կոմպոզիտոր Ջոն Ուիլյամսը երաժշտական ստեղծագործություն է գրել հատուկ ֆիլմի թրեյլերի համար։ Հետագայում «The Prologue» անվանումով այն ներառվել է ֆիլմի սաունդթրեքի մեջ, ինչն ինքնին շատ հազվադեպ է պատահում։

10․ԱՄՆ-ում ֆիլմը դարձել է տարվա ամենաշահութաբեր ֆիլմը, որն իր վարձույթի ամբողջ ընթացքում հավաքելով 317 575 550 դոլար եւ այդ նույն ձեռքբերումը կրկնել է միջազգային վարձույթում՝ վաստակելով 658,9 միլիոն դոլար: Համաշխարհային վարձույթի արդյունքներով ֆիլմը ողջ պատմության մեջ երկրորդ տեղն է զբաղեցրել՝ 976,5 միլիոն դոլար գումարով։ Այդ ժամանակահատվածում այն զիջում էր միայն Ջեյմս Քեմերոնի «Տիտանիկ» ֆիլմին:

11․Կախարդական հայելու վրա գրված է. «Erised stra ehru oyt ube cafru oyt on wohsi»: Եթե այն կարդանք հակառակ, ապա կստացվի․ «I show not your face but your heart`s desire», ինչը նշանակում է․ «Ես ցույց եմ տալիս ոչ թե ձեր դեմքը, այլ ձեր ամենատենչալի ցանկությունը»։

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում