• Քանյե Ուեսթի՝ Հիտլերի մասին խոսքերի հետեւանքով Ավստրալիա մուտք գործելու հարցում խնդիրների են կանխատեսվում

  Հայտնի է, որ արտիստը ծրագրում է հաջորդ շաբաթ այցելել Մելբուրն՝ հանդիպելու իր կնոջ՝ Բիանկա Ցենսորիի ծնողներին․․․

• Մադոննայի կյանքի մասին պատմող ֆիլմի նկարահանումները դադարեցվել են

  Այս պահի դրությամբ ո՛չ Universal Stusios-ի, ո՛չ Մադոննայի եւ ո՛չ էլ Ջուլիա Գարների ներկայացուցիչները իրադարձությունը չեն մեկնաբանել...

• Մահացել է «Ռեփի արքայազն» Բերնարդ Գրինը

  Արտիստը մահացել է հունվարի 21-ին՝ Գերմանիայի Վիսբադեն քաղաքում․․․

• Մահացել է Ռուսաստանի վաստակավոր արտիստ Ալեքսանդր Չուբչենկոն

  Իր ստեղծագործական գործունեության ընթացքում Չուբչենկոն մարմնավորել է ավելի քան հարյուր կերպար․․․

• Ուիլ Սմիթն առաջին դերն է ստացել՝ «Օսկար» մրցանակաբաշխության ժամանակ Քրիս Ռոքին հարվածելուց հետո

  Նախագծի նկարահանումները կսկսվեն 2023 թվականի վերջին...

• The Doors-ը վաճառել է խմբի երաժշտության իրավունքների մի մասը

  Քրիգերը վստահեցրել է, որ Primary Wave Music-ը հոգ կտանի խմբի ժառանգության մասին․․․

• Չնայած սպանության մեղադրանքներին Ալեք Բոլդուինը կշարունակի «Rust» ֆիլմի նկարահանումները

  Ֆիլմի աշխատանքները, որի գլխավոր դերակատարը պարոն Բոլդուինն է, իսկ ռեժիսորը Ջոել Սոուզանը, շուտով կավարտվեն․․․

• Իրինա Շեյքը, Նաոմի Քեմփբելը եւ Շալոմ Հարլոուն Schiaparelli-ի շոուի ժամանակ ներկայացել են կենդանու գլուխներով հանդերձանքներով

  Ոգեշնչումը Դանթե Ալիգիերիի «Աստվածային կատակերգությունից»․․․

Իոսիֆ Կոբզոնի կինը՝ Նինել Դրիզինան, որն առավել հայտնի է՝ որպես Նելլի Կոբզոն, օրերս դստեր՝ Նատալյայի հետ Երեւանում էր։ ԽՍՀՄ ժողովրդական արտիստի ընտանիքի անդամներն այստեղ նոյեմբերի 3-ին մասնակցել են Կոբզոնին նվիրված բարեգործական հուշ-երեկոյին, որի կազմակերպիչը «Թովմասյան» բարեգործական հիմնադրամն էր, ինֆորմացիոն հովանավոր՝ all.me թվային հարթակ։

NEWS.am STYLE-ը ներկա է եղել հայ եւ ռուս արտիսների մասնակցությամբ համերգին, որի ֆոտոռեպորտաժն ու մանրամասներն արդեն ներկայացրել ենք ձեր ուշադրությանը։ Dvin Music Hall-ում այդ օրը հանդիպել ենք նաեւ Նելլի Կոբզոնին, որը մեզ հետ կիսվել է ամուսնու մասին հուշերով եւ պատմել Հայաստանի հանդեպ իրենց սիրո մասին։

«Ինձ համար Իոսիֆը լեգենդ էր․ նա երբեք չի հեռանա իմ կյանքից, հուշերից եւ սրտից։ Նոյեմբերի 3-ը մեզ համար խորհրդանշական օր էր, մենք 48 տարի առաջ հենց այդ օրն ենք ամուսնացել։ Նա շատ էր երազում ապրել մինչեւ մեր ոսկե հարսանիքը․ չստացվեց․․․ Ամեն դեպքում, ես եւ մեր ամբողջ ընտանիքը մինչ օրս պահպանում ենք այն բոլոր սովորույթները, որոնք հենց նա է առաջ քաշել։ Ամեն տարի մեծ շուքով նշել ենք մեր ամուսնության տարեդարձները, իսկ այս տարի այնպես ստացվեց, որ մեր հայ ընկերներն առաջարկեցին համատեղել այս օրը նման երեկոյի հետ։ Ես, իհարկե, շատ ուրախացա նման առաջարկ ստանալով»,-արցունքների ու հուզմունքի ներքո խոստովանեց Նելլի Կոբզոնը։

«Հայաստանը մեր երկուսիս համար էլ սիրելի վայր է։ Ամուսինս շատ էր սիրում այստեղ լինել։ Նա առաջիններից է այցելել Սպիտակ․ նրա համար Սպիտակի երկրաշարժը մեծ դժբախտություն էր։ Հնարավորության դեպքում ամուսինս հաճախ էր գնում այնտեղ համերգներով։ Վերջին անգամ, երբ այնտեղ էինք, նկատեցինք, որ քաղաքը վերականգնվել էր, այն գնալով ծաղկում է»,-նշեց նա։

Կոբզոնի կինն ասում է՝ հնարավորության դեպքում միշտ սիրով է ամուսնուն ուղեկցել հայաստանյան այցերի ժամանակ։

«Մենք շատ էինք սիրում հայկական խոհանոցը, երաժշտությունը, դուդուկը։ Ամուսինս միշտ սիրով էր երգում Բաբաջանյանի եւ մյուս հայ կոմպոզիտորների երգերը»։

Պատահական չէ, որ Իոսիֆ Կոբզոնին նվիրված երեւանյան հուշ-երեկոն բարեգործական բնույթ էր կրում։ ԽՍՀՄ ժողովրդական արտիստն իր կյանքի ընթացքում հաճախ է հանդես եկել բարեգործական միջոցառումներով, թեպետ այդ մասին Կոբզոնը խոսել չէր սիրում։

«Այո, նա այդպիսին էր․ հենց դրա համար էլ նրան լեգենդ են համարում։ Իոսիֆ Կոբզոնը մարդկանց սրտերում է ոչ միայն՝ որպես մեծ երգիչ,այլեւ՝ քաղաքացի»։

Ի դեպ, նոյեմբերի 3-ին Dvin Music Hall-ում կայացած բարեգործական համերգի ողջ հասույթն ուղղվելու է քաղցկեղով հիվանդ երեխաների բուժմանը։

Հետեւեք մեզ all.me սոցցանցում:

Սյունե Առաքելյան

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում