• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Երգիչներ Արսեն Սաֆարյանն ու Նարեկ Բավեյանն այս փուլում մարզային ակտիվ շրջագայությունների մեջ են: Երգիչների համատեղ համերգային արշավը մեկնարկել է Նարեկի ծննդավայր Վեդիից, որտեղ միասին հանդես գալուց հետո Արսենն ու Նարեկը որոշել են համերգները տեղափոխել նաեւ Հայաստանի այլ մարզեր ու քաղաքներ: Բացի Վեդիից՝ երգիչները հասցրել են լինել նաեւ Գավառում, Վարդենիսում, Ստեփանավանում եւ Ալավերդիում: Առջեւում համերգներ են սպասվում Սպիտակում (նոյեմբերի 9), Նոյեմբերյանում (նոյեմբերի 11), Չարենցավանում (նոյեմբերի 15) եւ Արսենի ծննդավայր Հրազդանում (նոյեմբերի 30):

Մարզերում հանդես գալու մտահաղացման, հանդիսատեսի արձագանքի եւ այսօրվա երաժշտական ճաշակի մասին NEWS.am STYLE-ը զրուցել է Արսեն Սաֆարյանի հետ:

Երգիչն անդրադառնալով մարզերում ելույթներով հանդես գալուն՝ նկատեց, որ նմանատիպ շրջագայություններն իր համար նոր չեն.

«Դեռ 2004 թ-ից շատ շրջագայություններ եմ ունեցել մարզերում: Դա առաջին փուլն էր, որից հետո շարունակվեց նաեւ 2008-ին, իսկ երրորդ փուլի մեկնարկը տրվեց անցած տարի: Ասեմ, որ այդ փուլերը շատ տարբեր են իրենց բնույթով, բայց յուրաքանչյուր երգչի համար շատ կարեւոր է անմիջական շփումը հանդիսատեսի հետ: Շատ համերգներ ենք ունեցել 2018-ին, իսկ այս տարի արդեն մնացել է հինգ համերգ: Ամեն ինչ սկսվեց Վեդիից, երբ միտք ծագեց, որ այնտեղ համերգ ունենամ. ելույթ ունեցանք Նարեկ Բավեյանի հետ, եւ այդտեղի համերգից հետո սկսեցինք միասին շրջագայություններով հանդես գալ: Պետք է նշեմ, որ այդպես շատ ավելի հետաքրքիր է, ավելի բազմաժանր են երգերը, հանդիսատեսը տարբեր երգեր է լսում եւ չի հոգնում: Նույնիսկ, եղել են դեպքեր, որ դահլիճներում ցուրտ է եղել, բայց այնքան ջերմ մթնոլորտ է տիրել, որ դա չի զգացվել եւ վերջում հանդիսատեսը ափսոսանք է հայտնել, որ համերգն ավարտվում է»:

Երգիչը ոգեւորությամբ է նշում՝ ամեն մարզում ստանում են հետաքրքիր էմոցիաներ եւ ջերմ վերաբերմունք.

«Մենք՝ ինքներս էլ այդ համերգներից հետո շատ բան ենք սովորում: Կուզեի, որ ավելի ակտիվ լինեին, որովհետեւ կարծում եմ՝ քաղաքականությամբ զբաղվելն այդքան հետաքրքիր չէ, ավելի հետաքրքիր է գնալ համերգների (ժպտում է): Վերջերս բոլորս քաղաքագետ ենք դարձել, ինչը տհաճ երեւույթ է: Եկեք յուրաքանչյուրս մեր գործով զբաղվենք եւ թեթեւ ապրենք»:

Հարցին՝ որտեղ է ավելի շատ ջերմություն ստանում՝ Երեւանո՞ւմ, թե՞ մարզերում, Արսենը պատասխանեց.

«Ես, առհասարակ, համաձայն չեմ, երբ հանդիսատեսին սկսում են բաժանել, դասակարգել: Նույնիսկ, համաձայն չեմ, երբ ասում են՝ «իմ հանդիսատեսը»: Ինձ համար հանդիսատեսը մեկն է: Խնդիրը նրանում է, թե տվյալ արտիստը որքանով է կարողանում դեպի իրեն գրավել հանդիսատեսին, բայց առանձնացնել պետք չէ: Կարծում եմ, որ մենք այն տեսակն ենք, որ յուրաքանչյուր ուղղվածության մեջ, երբ ճաշակով բան ենք լսում, դա մեզ գրավում է: Հիմա այդպես եմ մտածում, չգիտեմ՝ տասը տարի հետո ինչ կմտածեմ, բայց 20 տարվա իմ գործունեության ընթացքում եկել եմ այդ եզրակացությանը»:

Արսեն Սաֆարյանն այն երգիչներից է, որը մինչ օրս թողարկում է այնպիսի երգեր, որոնք կարճ ժամանակում դառնում են հիթեր: Երգիչը նկատել է՝ հանդիսատեսը նույն էմոցիաներով է լսում թե´ իր հին, թե´ նոր ստեղծագործությունները.

«Ես ուրախությամբ պետք է նշեմ, որ այն երջանիկ երգիչներից եմ, որը մինչեւ այսօր կարող է երգել 20 տարվա երգ եւ տեսնել մարդկանց մեջ մեծ  խանդավառություն, եւ կարող եմ երկու տարի ոչինչ չգրել, երրորդ տարում մի երգ գրել ու դա կրկին ընդունվի հասարակության կողմից: Փառք Աստծո, որ այդպես է, ես շատ ուրախ եմ դրա համար: Ես ոչ թե հպարտանում եմ դրանով, այլ անչափ ուրախանում ու դողում եմ այդ ամենի համար, որովհետեւ դա շատ թանկ երեւույթ է երգչի կյանքում: Հիմա էլ ունեմ նոր երգեր. շատ երգեր եմ գրել, որոնք դեռ հասանելի չեն հանդիսատեսին, բայց շուտով դրանք հերթով կներկայացնեմ: Հիմա, միաժամանակ, երեք երգի վրա եմ աշխատում, որոնք շատ տարբեր են միմյանցից, բայց հուսով եմ՝ լավ կընդունվեն հանդիսատեսի կողմից»:

Արսենի հետ զրուցեցինք նաեւ հայկական երաժշտաշուկայի ամենաքննարկվող կողմերից մեկի՝ շատերի կարծիքով ցածրորակ եւ կոմերցիոն երաժշտության պահանջարկի մասին: Արդյոք դա հանդիսատեսի պահա՞նջն է, եւ ինչո՞ւ են հեռուստաալիքները հեռարձակում նման երգեր.

«Բոլորը հիմա սկսել են հարսանեկան երգեր երգել, եւ դա գաղտնիք չէ: Ինչո՞ւ, որովհետեւ համերգներ չկան, եւ մարդիկ ուզում են գումար վաստակել՝ հարսանիքներով կամ անձնական միջոցառումներով: Ես չեմ կարող մեղադրել ոչ ոքի, դա իրենց գործն է, իսկ երկրորդ հարցը պետք է տալ նրանց, ովքեր այդ ամենը եթեր են տալիս, որպեսզի հեռուստաալիքի ռեյթինգը բարձրանա»,-պատասխանեց նա:

Սյունե Առաքելյան

Լուսանկարները՝ Արսեն Սաֆարյանի անձնական արխիվից

Հետևեք NEWS.am STYLE-ին Facebook-ում, Twitter-ում և Instagram-ում