Silk Note փառատոնը շարունակում է իր «մետաքսե» երաժշտաուղին, որի երեկվա հերոսները ավստրիական հայտնի Parov Stelar բենդի անդամներն էին: Խումբը Հայաստան էր ժամանել վաղ առավոտյան. ինչպես իրենք նշեցին` հասցրել էին միայն քնել, փորձեր անել, ճաշել ու «վազել» համերգի: Իսկ մինչ նրանք այդ ամենը կհասցնեին անել` Կարեն Դեմիրճյանի անվան մարզահամերգային համալիրի միջանցքում, իսկական, դիսկոտեկ էր` շնորհիվ դիջեյներ Yuzza-ի եւ Beatman-ի: Նրանք մոտ երկու ժամ իրենց բիթերով թեժացրին հավաքվածների տրամադրությունը, որից հետո pre party-ն շարունակվեց համերգասրահի դահլիճում` այս անգամ դիջեյներ Henna Onna-ի եւ Arik K-ի «թեթեւ ձեռքով»:
Parov Stelar բենդը բեմահարթակ բարձրացավ ուղիղ ժամը 22:00-ին, եւ չնայած հանդիսատեսը մարզահամերգային համալիրում էր ժամը 19:00-ից` խմբի հիթային կատարումները չթողեցին հոգնել հավաքվածերից ոչ մեկին` էլ ավելի բարձրացնելով պարահրապարակում տիրող տրամադրությունը:
Խումբը բեմում մնաց մոտ երկու ժամ, իսկ համերգային ծրագրի մեկնարկը տվեց Don’t You Forget հայտնի հիթով:
«Առաջին անգամ ենք Հայաստանում ու շատ շնորհակալ ենք նման ջերմ ընդունելության համար»,-առաջին կատարումից հետո նշեց խմբի մեներգչուհի Ելենա Կարաիզին, որից հետո իր էներգետիկայով եւ խենթ պարերով վարակեց նաեւ երկրպագուներին, որոնք ոգեւորությամբ ձայնակցում էին արտիստներին եւ պարում նրանց հավասար:
Համերգի ընթացքում խմբի անդամներն ափսոսանք հայտնեցին, որ ստիպված են լինելու շուտով մեկնել, բայց մինչ այդ փորձելու են հնարավորիս շատ զբոսնել Երեւանով.
«Մենք շատ-շատ վաղ առավոտյան ժամանել ենք Ավստրիայից: Ժամանելուց անմիջապես հետո հասցրել ենք մի քիչ քնել, հետո եկել ենք փորձի, որից հետո ճաշել եւ միացել ձեզ` այս համերգին: Բայց դեռ ժամանակ ունենք. այսօր գիշերն ենք մեկնելու, այնպես որ` հույս ունենք շոուից անմիջապես հետո դուրս գալ եւ տեսնել ձեր հրաշալի քաղաքը: Ուզում ենք տեսնել հնարավորինս շատ հայկական խորհրդանիշներ, հանդիպել շատ հայերի»,-նշեցին նրանք` առաջարկելով պահպանել ոգեւորվածությունը ողջ համերգի ընթացքում, ինչը երկրպագուները հաճույքով կատարեցին: Խմբի համերգն ավարտվեց կեսգիշերին`դառնալով օրվա հիթային եզրափակումը:
Parov Stelar բենդը աշխատել է շատ հայտնիների հետ, որոնց թվում են` Լանա Դել Ռեյը եւ Լեդի Գագան: 2019 թ-ի ապրիլից խմբի կազմում փոփոխություն տեղի ունեցավ: Նրանց` երկար տարիների մենակատար Քլեո Փանթերը հայտարարեց խումբը լքելու մասին, որից հետո բենդի կազմը համալրեց Ելենա Կարաիզին:
Silk Note-ի շրջանակում հանդիսատեսին սպասվում է եւս մեկ հանդիպում աշխարհահռչակ արտիստի հետ: Խոսքը հանրահատ կիթառահար Ալ Դի Մեոլայի մասին է, որի համերգը նախատեսված է նոյեմբերի 10-ին:
Փառատոնի բացումն ազդարարվել էր նոյեմբերի 6-ին` բրիտանական հայտնի Jamiroquai խմբի մենահամերգով:
Սյունե Առաքելյան
Լուսանկարները` Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը