• Մոսկվայում տեղի կունենա Արամ Խաչատրյանի ծննդյան 120-ամյակին նվիրված համերգ

  Գալա համերգի շրջանակներում հանդիսատեսը կարող է լսել Սպարտակ եւ Գայանե բալետների սյուիտներ, ինչպես նաեւ երաժշտական ​​դրվագներ «Վալենսիացի այրին» պիեսից ու Խաչատրյանի բազմաթիվ այլ ստեղծագործություններ․․․

• Բախի երաժշտությունը Ստրադիվարիուսի ջութակով` լեգենդար ջութակահար Լեոնիդաս Կավակոսը գալիս է Երեւան

  Նա մեր օրերի ականավոր, վիրտուոզ երաժիշներից է, որի բացառիկ վիրտուոզությանը բնորոշ է անգերազանցելի երաժշտականությունն․․․

• «Ես միշտ սիրել եմ հայկական երաժշտությունը»․ ֆրանսիացի դաշնակահար Ֆրանուսա Մարտիրոսյան

  Ֆրանուսան ծնվել է Մեցում՝ ֆրանսահայ հորից ու ֆրանսիացի մորից․․․

• Հայ դաշնակահարները Շոպենի միջազգային դաշնամուրային մրցույթում արժանացել են գլխավոր մրցանակների

  Այս տարի միջոցառմանը մասնակցել են դաշնակահարներ ԱՄՆ-ից, Կանադայից, Ինդոնեզիայից, Ճապոնիայից, Չինաստանից, Հարավային Կորեայից եւ Հայաստանից․․․

• Հայաստանում կանցկացվի «Սիմֆոնիկ Երևան» միջազգային երաժշտական փառատոնը

  Համերգների ընթացքում կհնչեն դասական և ժամանակակից կոմպոզիտորների ստեղծագործություններ․․․

• Մյունխենում կայացավ «Հովեր» երգչախմբի համերգը՝ նվիրված Հայաստան-Գերմանիա դիվանագիտական հարաբերությունների 30-ամյակին

  2022 թվականը «Հովեր» պետական կամերային երգչախմբի համար հոբելյանական է․․․

• Վերդիի «Օթելլո»-ն աստղային կազմով վերադառնում է «Արամ Խաչատրյան» համերգասրահ

  Բացառիկ հնարավորություն․․․

• Վլադիմիր Սպիվակովն այցելել է Զինվորի տուն (ֆոտո)

  Զինվորի տունը շատ լավ օրինակ է մարդկանց համար, թե ինչպես չգտնվել միայն սեփական «ես»-ի շրջանակում․․․

Ռուս կոմպոզիտոր Ալեքսանդր Չայկովսկուն նվիրված համերգով ամփոփվեց «Ժամանակակից դասականներ» կոմպոզիտորական փառատոնը‚ փառատոն‚ որը 9 օրերի ընթացքում Հայաստանում էր համախմբել աշխարհի ճանաչված կոմպոզիտորներին ու մենակատարներին։ Փառատոնի ավարտը նշանավորվեց փառահեղ համերգով. ռուս կոմպոզիտոր Ալեքսանդր Չայկովսկու ստեղծագործությունները Հայաստանի պետական սիմֆոնիկ նվագախմբի հետ ներկայացնում էին աշխարհահռչակ ալտահար Յուրի Բաշմետը‚ դաշնակահար Դարիա Չայկովսկայան։ Դաշնակահարի իր կատարողական վարպետությունը ներկայացրեց նաեւ ինքը՝ հեղինակը։ Համերգը ղեկավարում էր դիրիժոր Սերգեյ Սմբատյանը։

Երեկոյին ներկա էր ՀՀ նախագահ Արմեն Սարգսյանը տիկնոջ հետ։

Երաժիշտները կատարեցին Չայկովսկու Մեծ սերենադը‚ Կրկնակի կոնցերտը երկու դաշնամուրի եւ նվագախմբի համար‚ ինչպես նաեւ՝ «Էտյուդներ հասարակ տոներով» կոնցերտը՝ գրված ալտի, դաշնամուրի եւ նվագախմբի համար։

Կոմպոզիտոր Ալեքսանդր Չայկովսկին‚ խոսելով «Ժամանակակից դասականներ» կոմպոզիտորական փառատոնի մասին‚ նշեց‚ որ ինքը նման ձեւաչափով այլ փառատոնի մասին չի լսել։ Նա առանձնացրեց հատկապես այն հանգամանքը‚ որ յուրաքանչյուր երեկո նվիրվում էր առանձին մի կոմպոզիտորի եւ նրա ստեղծագործական ժառանգությանը՝ ներկայացնելով ստեղծագործողի ամբողջական պատկերը‚ նրա փիլիսոփայությունը։ «Անկեղծ ասած‚ ես հիմա մտածում եմ‚ թե ինչպես նման մի փառատոն կազմակերպեմ Մոսկվայում»‚- ասաց Ալեքսանդր Չայկովսկին։ Նա նաեւ ընդգծեց Հայաստանի պետական սիմֆոնիկ նվագախմբի պրոֆեսիոնալիզմը. «Նվագախմբի երաժիշտները արագ են արձագանքում‚ ինչը նվագախմբի շատ կարեւոր է տարրերից է‚ նրանք լսում են ինչպես իրենց‚ այնպես էլ մենակատարին‚ բնականաբար՝ հետեւելով նաեւ դիրիժորին»‚- ասաց Ալեքսանդր Չայկովսկին։    

Ալտահար Յուրի Բաշմետը նշեց‚ որ ինքը լավ իմաստով ցնցված է այս փառատոնի գաղափարից. «Փառատոնի թեման առանձնահատուկ է։ Այսքան տարի բեմում եմ‚ սակայն նման բովանդակության չեմ հանդիպել»։ Յուրի Բաշմետը կարեւորեց այն փաստը‚ որ փառատոնն անցկացվում է ՀՀ կառավարության աջակցությամբ։ Նա նշեց նաեւ‚ որ Ռուսաստանում եւս ՌԴ կառավարությունը մեծապես աջակցում է դասական երաժշտությանը։ Դիրիժոր Սերգեյ Սմբատյանի եւ Հայաստանի պետական սիմֆոնիկ նվագախմբի հետ համագործակցության մասին խոսելիս Յուրի Բաշմետը նշեց‚ որ Սերգեյ Սմբատյանի եւ նվագախմբի հետ աշխատելը շատ հեշտ է։ «Միայն լավ խոսքեր կարող եմ ասել եւ´ Սերգեյ Սմբատյանի‚ եւ´ նվագախմբի մասին»‚- ասաց Յուրի Բաշմետը։

Հետևեք NEWS.am STYLE-ին Facebook-ում, Twitter-ում և Instagram-ում