«Ford-ն ընդդեմ Ferrari-ի»․ անհավատալի, հետաքրքիր, դիտարժան՝ պարզապես գերազանց ֆիլմ. Անկեղծ ասած, դժվար է բառերով նկարագրել, թե որքան հիանալի էր դա։ Բացարձակապես տարբեր զգացմունքների եւ էմոցիաների սպեկտրը: Ես անհանգստանում էի, կարեկցում, ատում, լարված նստած էի ֆիլմի գրեթե կեսը։
Սա ֆիլմ է ընտանիքի, մարդկայնության, նպատակասլացության, վերելքների ու վայրէջքների մասին։ Նման ֆիլմեր էկրաններին տեսնում ենք ոչ հաճախ։
Սցենար
Սա մանրամասն մշակված պատմություն է՝ աներեւակայելի վառ կերպարների մասնակցությամբ:
Սյուժեն հիմնված է իրական պատմության վրա։ Իրադարձությունները զարգանում են կոնստրուկտոր Քերոլ Շելբինի շուրջ։ Նրան պատվիրում են հավաքել ամենաարագ ավտոմեքենան, որը Ֆրանսիայում կայանալիք մրցարշավի ժամանակ առաջ կանցնի Ferrari-ին, այն էլ՝ Ford-ի հիմքի վրա: Նա սկսում է աշխատել իր թիմակից ավտոարշավորդ Քեն Մայլզի հետ: Սա այն ամենն է, ինչ պետք է իմանալ։
Այս ֆիլմը ոչ այնքան մրցարշավի, ընկերությունների միջեւ փոխհարաբերությունների ու մրցակցության մասին է, որքան նպատակասլացության, մարդկայնության եւ անարդարության:
Դերասաններ
Ֆիլմում բացահայտվում է յուրաքանչյուր կերպար, որը ցուցադրվում է այն համատեքստում, որում մենք պետք է այն ընդունենք: Ոչ մի գրամ ավելորդ ինֆորմացիա։ Բայց, իհարկե, ողջ ուշադրությունը կենտրոնացված է հիմնական կերպարների վրա։
Մեթ Դեյմոնը կերտել է Քերոլ Շելբիին եւ ցույց է տվել նրա բազմակողմանիությունը։ Նրա կարիերայում եւս մեկ կարեւոր դեր։
Քերոլ Շելբին կոնստուկտոր է։ Զուսպ ու վստահ, ընդ որում՝ ոչ միայն ինքը, այլ նաեւ ուրիշների հանդեպ։ Շելբին պարբերաբար ստեղծում է զվարճալի իրավիճակներ, որոնք ժամանակ առ ժամանակ լիցքավորում էին մթնոլորտը, որը տեղին էր:
Քրիստիան Բեյլը (ֆիլմում՝ Քեն Մայլզ) ֆիլմի աստղն է։ Նրա այս աշխատանքը նման չէ նախորդներին։ Հանդիսատեսը միանշանակ հավատում է հերոսի հետ կատարվածին։ Իսկ հեգնական երկխոսություններն ու միմիկան միանգամայն զարմանալի են։
Ռեժիսուրա
Ջեյմս Մենգոլդը հիանալի կերպով հաղթահարել է իր առջեւ դրված խնդիրը, նա կարողացել է շատ գրավիչ կերպարների հետ հետաքրքիր պատմություն ցույց տալ:
Վիզուալ առումով Մենգոլդը նույնպես չի հիասթափեցրել, մրցարշավի առաջին տեսարանը հիանալի է։ Ցավալի է, որ հոլիվուդում նրա տաղանդը թերագնահատում են։
Արդյունքը
«Ford-ն ընդդեմ Ferrari-ի»-ն հիանալի ֆիլմ է։ Գրավիչ, հետաքրքիր, հուզիչ եւ ասելիքով։ Սցենարն անզուգական է, դերասանները՝ գերազանց, ռեժիսուրան՝ բարձունքին․․․
Հ․Գ․
Խորհուրդ ենք տալիս բոլորին։
Հաճելի դիտում,
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»