NEWS.am STYLE-ը ներկայացնում է «Տիտաններ» սերիալը մարտաֆիլմի, գիտական ֆանտաստիկայի եւ դրամայի ժանրից։
Սերիալի շոուռաներներ՝ Ակիվ Գոլդսման եւ Գրեգ Բեռլանտի։ Դերերում՝ Բրենթոն Թուեյթս, Աննա Դիոպ, Ռայան Փոթեր եւ այլք։
Սերիալը ցուցադրվում է DC Universe սթրիմինգային սերվիսում (դեբյուտային սերիալ) 2018 թվականի հոկտեմբերից մինչ օրս։ Երկու սեզոն արդեն թողարկվել է։
Սերիալի սյուժեն պտտվում է Ռեյչելի շուրջ, որի ներսում ապրում են հեքիաթային մութ ուժերը, եւ օրեցօր նրա համար ավելի դժվար է դառնում նրանց վերահսկելը։ Այդ ուժերի պատճառով նա դառնում է խորհրդավոր կազմակերպության որսաթիրախ, դրա համար էլ Ռեյչլը ստիպված է դիմել փախուստի։ Իր ճանապարհին նա կհանդիպի մարդկանց՝ «Տիտաններ» թիմի ապագա անդամներին, ովքեր պատրաստ են օգնել նրան։
Ո՞վ էր ասում, թե DC-ները շատ խանդավառ, ուրախ ու լուսավոր են դարձել։ Դե՛, ստացեք ու ստորագրեք։
«Տիտանները» մռայլ, դաժան, իրատեսական սերիալ է՝ արյունով, սպանություններով եւ դիմակավոր գժերով։ Նայում ու անմիջապես հասկանում ես, որ, այո՜, այ սա ես հասկանում եմ, որ DC է։
Ամենասկզբից սերիալը երես է տալիս դիտողին ոչ միայն կոլորիտային կերպարներով, այլեւ հիանալի բեմադրված մարտական տեսարաններով, որոնք արյան ու դաժանության, խեղումների ու կարգին համակարգչային գրաֆիկայի լավ խտություն ունեն։ Հաստատ, «Տիտանները» եթերային էթիկայի ու R ռեյթինգի սահմանագծին գտնվող մի բան է, եւ հաստատ հակացուցված է երեխաներին։
Եվ թող ձեզ մոլորության մեջ չգցի Բրենդոն Թուեյթսի տիկնիկային դեմքը, նրա Ռոբինը թույլատրելիի սահմանը չի ճանաչում՝ իր ալտեր էգոն լվալով թշնամիների արյամբ։
Արժե առանձին պլյուս դնել այն բանի համար, որ սերիալը ստեղծողները հարգանքի տուրք են մատուցել կանոնին։ Կանոնիկ հագուստներ, կենսագրություններ, կերպարներ։ Անմիջապես երեւում է, որ ոչ ուժ, ոչ ժամանակ, ոչ էլ փող են խնայել, որպեսզի սերիալը որքան հնարավոր է մոտ լինի օրիգինալ կոմիքսներին։
Առանց խնդիրների, իհարկե, բանը գլուխ չի եկել։ Սյուժետային գիծը որոշ պահերի կարծես հատուկ ձգձգել են։ Շատ բան կարելի էր կտրել՝ առանց սյուժետային գիծը եւ սերիալի մթնոլորտը վնասելու։
Դերասանական թիմը բավական լավ է աշխատել։
Դիք Գրեյսոնը՝ նույն ինքը Ռոբինը (Բրենդոն Թուեյթս), սերիալի գլխավոր հերոսն է, որին բացահայտելու համար հատկացվում է ամենաշատ էկրանային ժամանակը։ Գրեյսոնի եւ Բեթմենի (այո, նա հայտնվում է սերիալում) հայացքները տարբերվում են, դրա համար Դիքը մեկնում է «սոլո» նավարկության, որպեսզի փորձի նոր կյանք սկսել՝ մոռանալով Ռոբինի իր դիմակի մասին։
Ռեյչելը, նույն ինքը Ռեյվենը (Թիգան Քրոֆթ) վախվորած ու մոլորված աղջիկ է, որն անբացատրելիի տերն է, եւ դժվարությամբ է հասկանում ու վերահսկում այն։ Նրա շուրջ էլ, ըստ էության, պտտվում են բոլոր իրադարձությունները, հավաքվում է թիմը։
Գարֆիլդը՝ նույն ինքը Բիսթբոյը (Ռայան Փոթեր), ուրախ ու դրական կերպար է։ Գարֆիլդը իր գեները փոխելու արտասովոր հատկություն ունի՝ վերածվելով տարբեր կենդանիների։
Կորիանդրը նույն ինքը Սթարֆաերն է (Աննա Դիոպ)։ Ավտոմեքենայի վթարից հետո հերոսուհին կորցնում է հիշողությունը։ Միակ բանը, որ կապում է նրան անցյալի հետ, Ռեյչելի լուսանկարն է։ Ուստի, Կորիանդրը գնում է փնտրելու աղջկան։ Սթարֆաերը լույսը կլանելու եւ այն հետո որպես կրակ ժայթքելու ունակություն ունի։
«Տիտանները» սերիալ է անսովոր, խնդրահարույց մարդկանց մասին, որոնք չեն կարողանում գտնել իրենց տեղը կյանքում։ Հենց թիմի մեջ են նրանք գտնում իրենց կոչումը՝ օգնելով միմյանց հաղթահարել խնդիրները։
Հետևեք NEWS.am STYLE-ին Facebook-ում, Twitter-ում և Instagram-ում
21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել