Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Գնացել էի պրեմիերայի». արժանի շարունակություն՝ «Սառցե սիրտը 2»

11:15, 29 նոյեմբերի

Cinema Star կինոթատրոնում (սա Երեւանում բացված արդեն երրորդ Cinema Star-ն է)  տեղի ունեցավ «Սառցե սիրտը 2» մուլտֆիլմի ցուցադրումը պրեմիերայից առաջ։ Մինչեւ ցուցադրության սկսվելը կարելի էր զմայլանքով հետեւել փոքրիկներին, որոնք ձգվում էին դեպի անիմատորները՝ Էլզայի եւ Աննայի տեսքով, ինչպես նաեւ Օլաֆ ձնեմարդու մեծ տիկնիկին։

Դժվար է հավատալ, բայց ինքնատիպ մուլտֆիլմը թողարկվել է 2013-ին։ Եվ Disney-ը արժանի է հարգանքի այն պատճառով, որ չի գնացել հեշտ ճանապարհով եւ շարունակությունը չի թողարկել մեկ կամ երկու տարի հետո. ընկերությունը երկար ժամանակ աշխատել է սիքվելի հայեցակարգի վրա։ «Լավագույն անիմացիոն ֆիլմ» անվանակարգում օսկարակիրը պետք է արժանի շարունակություն մտածեր եւ, բարեբախտաբար, ստեղծողներին դա հաջողվել է։

Մուլտֆիլմի սյուժեն սկսվում է այն իրադարձություններից երեք տարի հետո, որոնք ներկայացված են առաջին մասում։ Աննան, Էլզան, Քրիսթոֆը, նրա հավատարիմ եղջերու Սվենը եւ երբեք չհոգնող ձնեմարդ Օլաֆը պետք է թողնեն հարմարավետ Էրենդել թագավորությունը եւ մեկնեն էլ ավելի հեռու՝ հյուսիս, ճամփորդության, որը նրանց կտանի դեպի հնագույն լեգենդների ակունքները եւ կօգնի բացահայտել գաղտնիքը, որը վերաբերում է իրենց հայրենի երկրի անցյալին։

«Սառցե սիրտը 2»-ն կարծես շատ ներդաշնակ շարունակություն լինի, որը լրացնում ու ընդլայնում է մեզ ծանոթ պատմությունը։ Մուլտֆիլմում գրեթե չկան նոր կերպարներ, որոնք խիստ կազդեին սյուժեի վրա, իսկ գլխավոր ինտրիգը Աննայի եւ Էլզայի ընտանիքի հին գաղտնիքների բացահայտումն է։ Քույրերի հարազատների եւ Էլզայի մոգական կարողությունների մասին նոր փաստերը միահյուսվում են ընդհանուր պատկերում, ասես պակասող փազլեր լինեն՝ մուլտֆիլմի աշխարհը դարձնելով ավելի հասկանալի ու ավելի խոր։

Հերոսներն առաջին մասի համեմատ սկսել են ավելի քիչ կատակել, երեւում է, որ պատումը փոքր-ինչ մեծական է դարձել։ Ինձ պարզապես ցնցեց վիզուալ բաղադրիչը՝ այն կատարյալ է։

Ծովի մոլեգնող ալիքները եւ ձյան բյուրեղացված փաթիլներն այնքան կենդանի ու տեխնիկապես ճշգրիտ են, որ համոզվում ես՝ անիմացիոն արվեստը հասել է կատարելության։

Կերպարները հիմնականում մնացել են նույնը. Աննան եւ Էլզան շարունակում են զարգանալ, երեւում է, որ սցենարիստները աշխատել են նրանց վրա, այնպես են արել, որ քույրերը «տեղում չդոփեն», այլ առաջ շարժվեն։

Բայց ահա ամենից շատ ուրախացրեց եւ ակնկալիքներն արդարացրեց Օլաֆը։ Ձնեմարդը, ինչպես եւ առաջին մասում, ամենավառ, ամենաձգող ու ամենահմայիչ կերպարն է, նրա յուրաքանչյուր տեսարան մուլտֆիլմում երաշխավորված ժպիտ է հանդիսատեսի դեմքին։

Արդյունքը.

«Սառցե սիրտը 2»-ն չափազանց գեղեցիկ, արդիական ու բարի մուլտֆիլմ է, որն արժանիորեն շարունակում է քրոջական սիրո պատմությունը։ Այստեղ տեղ չկա թույլ արքայադուստրերի համար, ովքեր հնազանդ քնում կամ անգործության են մատնվում՝ օգնության սպասելով։

Այստեղ սիրող քույրեր են, ովքեր հուսահատ փրկում են իրենց թագավորությունը՝ երկրորդ անգամ ապացուցելով, որ գլխավոր ուժը մոգությունը չէ։ Զարմանալի մուլտֆիլմ է, հիասքանչ օրինակ երեխաների համար եւ գեղեցիկ պատմության արժանի շարունակություն։

Հաճելի կինոդիտում,

Նորայր Նազարյան

Լուսանկարները` Էմմա Ասատրյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել