Երգիչ-հաղորդավար Վարդան Սարգսյանը, որքան էլ տարօրինակ է, Ամանորը չի սիրում դիմավորել ճանապարհներին կամ այլ երկրում, չնայած տարվա մեծ մասն անցկացնում է ճանապարհորդելիս: Թե որն է Վարդանի՝ տոնը նշելու նախընտրած տարբերակն ու ինչ ամանորյա երազանքներ ունի, բացահայտել ենք մեր տոնական բլից նախադասությունների միջոցով, որի սկիզբը թելադրել ենք մենք, իսկ շարունակությունն ավելացրել է Վարդանը:
Ամանորն Ամանոր չէ առանց հաջորդ տարվա ծրագրերի:
Ամանորը կցանկանայի դիմավորել միայն տանը, ուրիշ ոչ մի տեղ՝ ոչ ջունգլիներում, ոչ օվկիանոսի ափին, ոչ տաք, ոչ սառը երկրում՝ միայն տանը:
Սիրում եմ, երբ Ամանորի գիշերը հրավառություն է լինում ու դու քայլում ես փողոցում: Վերջերս ինձ հետ հաճախ էր այդպես լինում՝ քայլում էի հրավառության ներքո: Կարծես՝ տարին այդպես գունեղ ու շքեղ է սկսվում, ինչը հաճելի է:
Չեմ սիրում, երբ Ամանորին մաման հանկարծակի մոռանում է բլինչիկը գազի վրա, այն վառվում է ու հոտը տարածվում է ամբողջ տանը (ծիծաղում է):
Երբ փոքր էի, մտածում էի՝ Ձմեռ պապը կա ու շատ լուրջ սպասում էի նրա նվերներին: Հիմնականում տատիկիս տանն էի լինում այդ օրերին ու արթնանալուն պես փնտրում էի նվերս: Նյարդայնանում էի, երբ գիշերը քնած էի մնում ու չէի կարողանում տեսնել նրան:
Ամենախենթ նվերը, որ խնդրել եմ Ձմեռ պապից… Փոքր ժամանակ խնդրեցի, որ երկնքում իմ անունով աստղ ստեղծվի ու միշտ փայլի:
Եթե ես լինեի Ձմեռ պապ, վաղ առավոտից կոնյակ կխմեի, կամ գինի, որ դիմանայի ցրտին եւ առանց ուշանալու հասցնեի երեխաների նվերները (ծիծաղում է):
Ամեն տարվա սկզբին պարտադիր ճանապարհորդում եմ: Այս տարին եւս բացառություն չի լինի:
Այս տարի Ձմեռ պապից խնդրել եմ միայն առողջություն իմ հարազատների համար, մնացածը մենք՝ ինքներս կարող ենք ստեղծել:
2020-ին ծրագրում եմ երկու հեռուստանախագիծ, նոր նկարահանումներ, տուրիստական ընկերության զարգացում եւ Ձմեռ պապիկից այս անգամ կխնդրեմ նաեւ իմ երկրորդ գրասենյակի բացումը:
Սյունե Առաքելյան
Լուսանկարները տրամադրել է Վարդան Սարգսյանը
Հետևեք NEWS.am STYLE-ին Facebook-ում, Twitter-ում և Instagram-ում
17:38, 20 ապրիլի
Երեւանյան բուրգեր-ուղեցույց. փնտրում ենք կատարյալ համը15:06, 20 ապրիլի
Որտե՞ղ են խորհրդավոր կերպով անհետանում գուլպաները13:36, 20 ապրիլի
Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին