• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

NEWS.am STYLE-ի ամանորյա ֆոտոշարքերից մեկի հերոսուհին այս տարի դարձել է երգչուհի Դալիթան, որի համար նախորդ՝ 2019 թ-ը բավական խորհրդանշական էր: Չնայած շատերը նրան համարում են նույն 11-ամյակը աղջիկը, որը ժամանակին ներկայացրեց Հայաստանը «Մանկական Եվրատեսիլ»-ում, նա վաղուց էլ մանուկ չէ: Անցած տարի Դալիթան նշեց ծննդյան 20-ամյակն ու նոր հաջողություններ գրանցեց ուսման մեջ:

Թե ինչպիսի 2020 է սպասում եւ ինչ ծրագրեր է կազմել, երգչուհին պատմել է մեզ հետ զրույցում:

Դալիթա, 2019-ը քեզ համար յուրահատուկ էր նրանով, որ նշեցիր 20-ամյակդ: Ինչ-որ փոփոխություններ զգացե՞լ ես քո մեջ տարվա ընթացքում:

Այո, ամենա հիասքանչ ծնունդներիցս մեկն էր։ Անկախ տարիքից՝ բոլոր ծնունդներս էլ յուրահատուկ են եղել ու անմոռանալի, իսկ 20-ամյակս նրանով էր յուրահատուկ, որ թինեյջեր տարիներին հաջորդեց կյանքի մի նոր փուլ։ Յուրաքանչյուր տարի ես ինձ զգում եմ ավելի պատասխանատու՝ մասնագիտությանս ոլորտում կայունանալու եւ ապագա նպատակներիս հասնելու համար, որի հետ մեկտեղ ավելանում է եւ աշխատասիրության, եւ համբերության զգացումը։ Բայց ընդհանրապես նույն աշխույժ Դալիթան եմ մնացել, ինչպես ասում են ընկերներս:

Քեզ հաճախ ավելի փոքր են ընկալում, այնպես, ինչպես  «Մանկական Եվրատեսիլին» մասնակցությանդ տարիներին: Եվ դա կապված է նաեւ նրա հետ, որ կտրուկ ոճափոխության մինչ օրս չես դիմել: Երբեւէ ինչ-որ խենթ մտքեր ունենո՞ւմ ես կերպարանափոխության:

2011թ-ի «Մանկական Եվրատեսիլն» իմ կարիերայի մեծ իրադարձություններից էր, եւ հենց այդ կերպարով են ինձ հիշում ու ավելի փոքր ընկալում: Անկեղծ՝ երբեք չեմ մտածել որեւէ կտրուկ կամ խենթ կերպարանափոխության մասին, քանի որ ինձ միշտ պատկերացրել եմ այնպիսին, ինչպիսին կամ: Թե ելույթների ժամանակ, թե առօրյայում միշտ արձակած մազերով եմ լինում, բայց ընկերներս ասում են, որ երկար մազերիս կսազեն տարբեր սանրվածքներ։ Ամենաշատը ասում են, որ «պոչիկ» է սազում ու այս անգամ ֆոտոշարքի համար որոշեցի հենց այս կերպարում լինել:

2019-ն ավելի ուսումնական էր քեզ համար. 2020-ն ինչպիսի՞ն ես նախատեսել՝ ավելի շատ ուսումնակա՞ն, թե՞ երաժշտական:

2020 էլ է լինելու ուսումնական, քանի որ ավարտելու եմ համալսարանս եւ սպասվում են թեզ, ավարտական քննություններ։ Ավարտելուց հետո ունեմ մասնագիտական ոլորտում շատ ծրագրեր, բայց միշտ էլ հաճելի է լինում, երբ հասցնում եմ երկուսն էլ՝ թե դասերս, թե երաժշտությունը։ Ի դեպ, իմ դեպքում, մեկը մյուսին լրացնում է ու հուսով եմ՝ կկարողանամ մեկ-մեկ կտրվել կոդերից եւ ժամանակս տրամադրել նաեւ նոտաներին ու երաժշտությանը:

Օրագիր պահո՞ւմ ես: Ծրագրերդ գրի առնո՞ւմ ես յուրաքանչյուր տարվա համար:

Ասում են՝ օրագրերը շատ են օգնում կողմնորոշվելու հարցում, բայց ես երբեք չեմ պահում, սիրում եմ ամեն ինչ ծրագրել մտքումս։ Սովորաբար տարվա ընթացքում կազմում եմ հաջորդող տարվա կարեւորագույն ծրագրերս, որոնցից յուրաքանչյուրը փորձում եմ իրականացնել, բայց առօրյա ծրագրերս այնքան շատ են լինում, որ արդեն սկսել եմ գրի առնել հեռախոսիս մեջ, որտեղ ունեմ հատուկ հավելված հենց նման բաների համար:

Հետեւո՞ւմ ես ամանորյա թրենդներին, թե ինչ դիմահարդարմամբ, կամ ինչ գույնի հագուստով պետք է դիմավորել Ամանորը:

Տեսնում եմ եւ տեղյակ եմ ամանորյա թրենդներից, բայց սիրում եմ դիմահարդարումը եւ հագուստներն ընտրել այնպես, որ ինձ դուր գան եւ ամենակարոեւորը՝ սազեն:

Ամենամեծ երազանքդ կամ նպատակդ, որ պահել ես 2020-ի համար:

Նպատակներս շատ են, որոնց ամեն օր ձգտում եմ հասնել, իսկ երազանքներս երբեք չեմ բարձրաձայնել:

Ուզում եմ եւ երազում, որ 2020-ը բոլորիս համար լինի առողջության, խաղաղության եւ սիրո տարի։ Թող, որ 2020-ը լինի ուրախ պահերով թեթեւ տարի, որ նույն ուրախությամբ անհամբեր սպասենք 2021-ին:

Եթե լինեիր Ձյունանուշ…

Էլֆերի եւ Ձմեռ Պապի հետ կշրջեինք ամբողջ աշխարհով եւ կերջանկացնեինք մանուկներին ու բոլոր-բոլորին, քանի որ դիմացինին երջանկացնելուց ավելի բարի գործ չկա:

Սյունե Առաքելյան

Լուսանկարները՝ Արսեն Սարգսյանի

Տեսանյութը՝ Մելինե Տոնոյանի

Զգեստները՝ ArmiMarti/Արմինե Մարտիրոսյան

Վարսահարդար՝ Ջեք Թեքեյան

Նկարահանումն իրականացվել է Grig PhotoStudio-ում

Հետևեք NEWS.am STYLE-ին Facebook-ում, Twitter-ում և Instagram-ում