• «24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան

  «Ինձ ասում են մոռացի՜ր, մի հիշիր ու մի պահանջիր աշխարհից պատմությանդ ճշմարտությունն ու ճակատագրիդ ողբերգական էջերը, ասում են,անցիր, մի հիշիր...»…

• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

Երգչուհի Սյուզաննա Մելքոնյանը նոր ֆոտոշարք ունի, որն իրականացրել է լուսանկարիչ Մելս Դանիելյանի հետ: Լուսանկարներում երգչուհին ներկայացել է իմիջային փոփոխությամբ, որի հեղինակներն են վարսահարդար Հռիփսիմե Մանավասյանն ու դիմահարդար Աննա Հայրապետյանը:

Սյուզաննան NEWS.am STYLE-ին պատմել է, որ նոր ֆոտոշարքը ոչ միայն նոր իմիջը, այլեւ հոգեվիճակը փոխանցելու առիթ էր:

Նկարահանումը երգչուհին իրականացրել է ծննդյան 27-ամյակի առթիվ, իսկ թե ինչ փոփոխություններ է նախատեսել կյանքում, բացահայտել է մեզ հետ զրույցում:

«Ֆոտոշարքն իրականացրել եմ Մելս Դանիելյանի՝ երիտասարդ, բայց արդեն շատ կայացած լուսանկարչի հետ: Շատ ընդհանրություններ ունենք: Ցանկացած աշխատանքի հիմքում ընկած են մարդկային փոխհարաբերություններն ու սա այն դեպքն էր, որ աշխատանքի ընթացքում եւ աշխատանքից դուրս մենք շատ լավ ենք միմյանց հասկացել»,-ասում է նա ու հավելում,-«Անկեղծ ասած՝ «Նոր Ալիք»-ից հետո պրոֆեսիոնալ ֆոտոշարք չունեի. դա «արդարացվում է» մի քանի գործոնով:  Փորձում էի շատ աշխատել ինքս ինձ վրա՝ նախ եւ առաջ՝ հոգեբանորեն, որովհետեւ մարդու գեղեցիկ տեսքի հիմքում ընկած է գեղեցիկ հոգեբանությունը, խաղաղությունը, անդորրությունը… Վաղուց կար մտադրություն ֆոտոշարք իրականացնելու, բայց առողջական որոշակի խնդիրներ ունեցա եւ անընդհատ հետաձգվում էր դա: 27-ամյակս լրանալուն պես որոշեցի նոր ֆոտոշարք ներկայացնել: Ցանկանում էի, որ հանդիսատեսը երկու տարի անց տեսներ արդեն փոխված Սյուզաննային: Այս աշխատանքը համարում եմ ստացված, որովհետեւ շատերի կողմից եմ լսել, որ նոր իմիջ է, ավելի հասուն, ավելի կայացած Սյուզաննա են տեսնում: Ինձ շատ են գրում, որ բավական ստացված եւ նոր կերպար է, եւ այդ «նոր» բառն ասոցացվում է իմ հոգեվիճակի հետ, ինչի համար շատ շնորհակալ եմ, որովհետեւ լուսանկարներում հենց դա էի ցանկանում ցուցադրել»:

Սյուզաննայի համար 2019-ը հիմնականում աշխատանքային է եղել.

«Ընդհանուր շատ բան եմ սովորել, շատ երաժիշտների հետ եմ ծանոթացել: Տարին լավ եմ ճանապարհել՝ աշխատավայրում՝ ժամանցի վայրերից մեկի բեմում երգելիս: Այս տարի իմ մեջ ավելի շատ հասունություն էի գտել, ինչ-որ մի բան «այն չէր» այն իմաստով, որ սովորական էր դարձել Ամանորը, այսինքն՝ ինձ մոտ տպավորություն էր, թե սովորական աշխատանքային օր է՝ մի քանի «փայլիկների» ուղեկցությամբ, բայց դա չի նշանակում, որ ես վատ եմ դիմավորել տարին, պարզապես երեւի մեծանում ենք, բայց դրանով չպետք է, իհարկե, կոտրել քո ներսի հեքիաթը»,-ասում է երգչուհին ու հավելում, որ 2020-ն էլ է շարունակվելու նույն աշխատանքային տրամադրությամբ,-«Շատ մեծ ծրագրեր ունեմ 2020-ին՝ ե´ւ աշխատանքային, ե´ւ ստեղծագործական կյանքում: Եթե ստացվի, եթե Աստծո կամքով կարողանամ իրագործել, իսկապես, բեղուն տարի է լինելու: Չակերտները դեռեւս չեմ ուզում բացել, բայց ծրագրերը շատ են: Տարվա առաջին շաբաթից արդեն սկսել եմ նախապատրաստական աշխատանքներն, այնպես որ՝ պետք է ստացվի»:

Ինչ վերաբերում է նոր միջազգային մրցույթներին մասնակցությանը՝ Սյուզաննան նշում է.

«Չեմ կարող հստակ ասել՝ միջազգային մրցույթ նախատեսվում է, թե ոչ, բայց ստացվել է այնպես, որ եթե ոչ ամեն տարին մեկ, գոնե երկու տարին մեկ ես անպայման միջազգային հարթակում լինում եմ: Մեկ-երկու մրցույթ կա, որոնց շուրջ դեռեւս մտածում եմ, այսինքն՝ պետք է ժամանակը գա, որ կարողանամ հասկանալ՝ որքանով է ինձ դա ձեռնատու եւ որքանով իմ աշխատանքին չի խանգարի»:

Երգչուհուց հետաքրքրվեցինք նաեւ՝ արդյոք իմիջային փոփոխությունները նրա դեպքում շարունակակա՞ն են լինելու.

«Առհասարակ, ես դեռեւս անցած տարվա դեկտեմբերից իմ առաջ դրել եմ մի քանի կարեւոր խնդիրներ, շատ կտրուկ փոփոխություններ՝ սկսած ոճից, երգարվեստում վարվելաձեւից, պահվածքից… Համեստ լինելը շատ լավ բան է, բայց երբ դա ծայրահեղություն է դառնում, սկսում ես տուժել աշխատանքումդ. սա իմ այժմյան կարծիքն է: Բազմաթիվ դժվարություններ տեսնելուց հետո, ես հասկացա, որ այստեղ համեստությունը չի գործում: Գիտակցական դաշտում եկել հանգել եմ այն փաստին, որ մարդ, իսկապես, շատ պետք է աշխատի իր վրա: Մենք հաճախ փոքր բան ենք անում եւ մեզ թվում է, թե շատ ենք աշխատել, բայց իրականում դրսում շատ բաներ տեսնելով, առնչվելով իսկական արտիստների հետ՝ հասկանում ես, որ դու ոչինչ էլ չես անում, բացի նստելուց ու բողքելուց: Այնպես որ՝ ես ինքս ինձ համար ծանր ու թեթեւ եմ արել ու հասկացալ, որ շատ անելիքներ ունեմ, որոնց համար անպայման պետք է աշխատեմ»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում