Սիրուն Մինասը` բոտեքսի միֆերի եւ հակացուցումների մասին

Հայտնիներ, որոնք իրենց երեխաներին այսօր ուղեկցել են առաջին դասարան

«Ուզում եմ երեխա ունենալ». Շպռոտը` իր երազանքի և 41-ամյակին նվիրված խնջույքի մասին

Եվա Խաչատրյանի, Վիկտորյա Սահակյանի եւ այլ դերասանուհիների մասնակցությամբ բացօթյա ներկայացումը

Backstage. Մեգին շուտով կթողարկի ամառային, ռիթմիկ նոր տեսահոլովակ

Backstage. «Աշխատում ենք ամեն ձեւով իրականացնել իրենց երազանքը». Արուս Տիգրանյան

Անդրանիկ Հարությունյանը` արկածային մանկության մասին եւ ոչ միայն

Backstage. Ինչպես են ընթանում «Երկուսով» հեռուստասերիալի նկարահանումները

Դիանա Տոռեսը` ծնողների կորստի, սիրահարվածության եւ ատամնաբույժի մասնագիտությամբ չաշխատելու մասին

Ինչպես է անցել Լիլիթ Բասյանի եւ Ալեքսանդր Բաբասյանի որդու 6-ամյակը. ծնողների անակնկալն ու խնջույքը

«Գրիշան իմ երազած ավտոմեքենան է նվիրել». Շողեր Թովմասյանը 28-ամյակի անակնկալների եւ խնջույքի մասին

Հասմիկ Կարապետյանը` խենթ հուշերի, կյանքի դժվար շրջանի ու Շանթի հետ իրենց առաջին հանդիպման մասին

Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Ինչպե՞ս մերկ տղամարդու մասին պատմությունը հայտնվեց Netflix-ի եթերում. հոլիվուդյան սցենարիստ Թորկել Քնութսոնի վարպետության դասը Երեւանում

15:05, 5 փետրվարի

Հայտնի շվեդ սցենարիստ եւ ռեժիսոր Թորկել Քնութսոնը, որն առավել մեծ ճանաչում է ձեռք բերել Netfilx-ի հայտնի Naked/«Մերկը» ֆիլմի շնորհիվ, այս օրերին Երեւանում է: Երեկ՝ փետրվարի 4-ին, սցենարիստը վարպետության դաս է անցկացրել հայ կինոգործիչների եւ կինոսերների համար: Հանդիպումը տեղի է ունեցել «Քամինեն» շվեդական մշակութային հասարակական կազմակերպության ղեկավար Լուիզա Կոնստա Տեր-Սարգսյանի եւ «ԷՕՆ»-ի ջանքերով:

Վարպետության դասին ներկա է եղել նաեւ NEWS.am STYLE-ը եւ լսել հոլիվույան սցենարիստի խորհուրդները՝ ֆիլմեր ստեղծելու, ռեժիսորի հետ աշխատանքի եւ սցենար գրելու ճիշտ հմտությունների մասին:

Թորկել Քնութսոնը երկար տարիներ է ֆիլմարտադրության ոլորտում: Նա հասցրել է աշխատել այնպիսի կազմակերպությունների հետ, ինչպիսիք են ՝ MTV, Fashion TV, Fitnessguru.se, Telia, Svensk Basket, Absolute Volka։

Նրա առաջին խորհուրդը կինոգործիչներին այն էր, որ երբեք բջջային հեռախոսն իրենցից հեռու չդնեն: Հանդիպման ընթացքում էլ ցենարիստն ինքը իր բջջայինից չբաժանվեց.

«Տեսնո՞ւմ եք՝ ձեռքումս բջջայինս է: Այն միշտ, ցանկացած առիթի ինձ մոտ եմ պահում, քանի որ երբեք չես իմանա, թե երբ ես ստանալու այդ բաղձալի զանգը: Դա կարող է լինել զանգ որեւէ պրոդյուսերի կամ ֆիլմ արտադրողի կողմից: Մոտավորապես 18 տարի առաջ էր, երբ ես Մակեդոնիայում էի, եւ զանգ ստացա հայտնի պրոդյուսերի կողմից, որը նշեց, որ կցանկանար իրավունք ստանալ նկարահանելու շվեդական «Մերկը/Naked ֆիլմի ամերիկյան տարբերակը: Դա իմ ֆիլմն էր, որը ես նկարահանել եմ 20 տարի առաջ: Ես, իհարկե, համաձայնվեցի եւ ինձ առաջարկեցին պայմանագիր ստորագրել»:

2017 թ-ին էկրաններ բարձրացած Naked ֆիլմը մի տղամարդու մասին է, որը պատրաստվում է ամուսնանալ, սակայն հարսանիքից 3 ժամ առաջ նա արթնանում է հյուրանոցում ու հայտնաբերում, որ ամբողջովին մերկ է: Այդպիսով էլ սկավում են նրա զվարճալի արկածները:

«Այս ֆիլմի համար ամեն ինչ հատուկ կառուցվել էր: Ներկել էին խոտը, անգամ վերնորոգել էին եկեղեցին: Ամեն ինչ խենթացնող էր: 16 միլիոն դոլար է ծախսվել ֆիլմի նկարահանման համար, եւ ես իրոք շատ հպարտ եմ արդյունքով, չնայած այդ գումարով երեւի Շվեդիայում մի քանի ֆիլմ կնկարեի ( ծիծաղում է)»:

Սցենարիստը նաեւ խոստովանում է, որ ցանկացած ֆիլմ ստեղծվում է միայն պատմության հեղինակի ջանքերով:

«Ո՞վ պետք է ստեղծի ձեր ֆիլմը: Հիշեք, որ միայն դուք: Եթե հույսներդ դնեք մեկ-երկու մարդու վրա, երբեք չեք կարողանա իրականացնել ձեր ուզածը: Եթե ես՝ ինքս, անընդհատ չհիշեցնեի իմ ֆիլմի մասին, չմասնակցեի նկարահանման ընթացքին, «Մերկը»/Naked երբեք էլ չէր հայտնվի հոլիվուդյան եթերում»:

Նա նաեւ խորհուրդ է տալիս հետեւել տարբեր կարծիքների. միայն այդպես է հնարավոր ստեղծել հետաքրքիր նախագիծ.

«Երբ որեւէ գաղափար եք ունենում, կիսվեք ցանկացածի հետ: Իհարկե, լավ կլինի խուսափել հենց ընտանիքի անդամների կարծիքներից, որովհետեւ նրանք սովորաբար միշտ լավն են նշում: Աշխատեք լսել տարբեր մարդկանց կարծիքներ, քննադատություններ, որովհետեւ դրանք են օգնում, որ կատարեք շտկումներ եւ կատարելագործեք ձեր սցենարը: Սա նաեւ վերաբերում է ռեժիսորներին, դերասաններին եւ պրոդյուսերներին»,-ասում է ու հավելում,-«Ես ֆիլմերում չեմ սիրում գաղտնիքներ: Երեւի հիմա շատերը մտածեցին, որ առանց գաղտնիքի ֆիլմը լավը չի լինի, բայց ես միանգամայն համոզված եմ, որ ֆիլմերը, որոնք չունեն գաղտնիքներ, ավելի հետաքրքիր են: Կարեւորը դրանք ներկայացնեն իրական կյանքը»:

Այս տարի սեպտեմբերին էկրաններ կբարձրանա սցենարիստի երկրորդ հոլիվուդյան աշխատանքը՝ Get Lucky-ն («Բռնիր հաջողությունդ»), որը պատմում է ամուսինների մասին, որոնք ցանկանում են երեխա ունենալ: Նրանք իրենց երազանքն իրագործելու համար ստիպված են լինում դիմել բժշկական միջամտության:  Դրամատիկ սցենար ունեցող պատմությունը, սակայն, կատակերգական երանգ է ստանում՝ ամուսինների հետ տեղի ունեցող զավեշտալի միջադեպի պատճառով:

Ըստ սցենարիստի՝ որպեսզի պատմությունը կարողանա գրավել մարդկանց, պետք է լինես համոզիչ, իսկ որպեսզի համոզիչ լինես, պետք է այդ պատմության մեջ դնես քո սեփական կյանքից եւ ապրումներից որոշ մասնիկներ: Նա խոստովանում է՝ իր պատմություններում հենց այդպես էլ անում է: Ճիշտ է՝ դրանք ոչ ամբողջությամբ են իր մասին, բայց իր կյանքի որոշ փուլերից կան ազդեցություններ:

«Հիշում եմ՝ մի անգամ 21-ամյա մի ուսանող ինձ ասաց, որ պատրաստվում է ֆիլմ նկարահանել մի հարբեցողի մասին: Ես հարցրի՝ իսկ դու ինքդ երբեւէ ալկոհոլով տարվե՞լ ես: Նա պատասխանեց, որ ոչ: Հաջորդ հարցս հետեւյալն էր՝ իսկ ընտանիքումդ որեւիցե մե՞կը, կրկին պատասխանեց՝ ոչ: Պարզվեց՝ նույնիսկ ծանոթների մեջ չունի հարբեցողներ: Ես խորհուրդ տվեցի նրան գրել այն մասին, ինչն իր կյանքին ավելի մոտ է, որպեսզի լինի համոզիչ եւ անկեղծ: Պարտադիր չէ, որ քո պատմությունը լինի շոկային: Պարզապես փորձեք լինել ազնիվ: Հնարավոր է՝ ինչ-որ մեկին դուր չգա իմ պատմությունը, նա ատի դա, բայց ինձ համար դա էլ է լավ: Կարեւորը, որ դիտողը որեւէ զգացմունք արտահայտի քո պատմության վերաբերյալ»,-ասում է նա: Իսկ սցենար գրելիս խորհուրդ է տալիս նախ եւ առաջ մտածել դրա ավարտի մասին.

«Առաջնային գրեք պատմության վերջը: Երբ արդեն գիտեք՝ ինչպես եք ցանկանում ավարտել սցենարը, ավելի հեշտ եւ հասկանալի է հյուսվում ընթացքը: Իհարկե, պատմությունը պետք է ունենա սկիզբ, կոնֆլիկտ եւ ավարտ: Շատ կարեւոր է նաեւ համագործակցել ռեժիսորների հետ: Հաճախ ռեժիսորները չեն լսում սցենարիստին, բայց դա ճիշտ չէ: Եթե դու չհասկանաս՝ ինչ է ցանկացել փոխանցել սցենարիստը, հեռուստադիտողը եւս ճիշտ չի հասկանա պատմությունը»:

Վերջում հոլիվուդյան սցենարիստը պատրաստակամություն հայտնեց ցանկացած պահի խորհուրդներով օգնել հայ կինոգործիչներին:

«Միշտ ձեզ համար հասանելի կլինեմ Facebook-ում»,-խոստացավ նա:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության