Լուսանկարչուհի Քրիստինե Սողոմոնյանը երեկ՝ փետրվարի 21-ին, Ալբերտ եւ Թովէ Բոյաջյան ցուցասրահում ներկայացրեց իր նոր ցուցահանդեսը՝ այս անգամ իր ճանապարհորդությունների ընթացքում արված լուսանկարներով:
Քրիստինեն լուսանկարչությամբ զբաղվում է 2014թ-ից, երբ սկսեց հաճախել ֆոտոդպրոց, որից հետո լուսանկարչությունը դարձավ նրա կյանքի անբաժան մասը։
«Սիրում եմ լուսանկարել գրեթե ամեն ինչ, բայց ամենից շատ՝ գեղեցիկ տեսարաններ։ Երբ պետք է մեկնեմ արտասահման, առաջին հերթին պատկերացնում եմ, թե որտեղ եմ գեղեցիկ կադրեր ստանալու եւ ինչպես, օրվա որ ժամին։ Հիմնականում սիրում եմ լուսանկարել մայրամուտին կամ առավոտյան շուտ, երբ դեռ քիչ են մարդիկ։ Սիրում եմ շրջել միայնակ եւ որսալ գեղեցիկ տեսարաններ։ Եվ երբ ստանում եմ գեղեցիկ կադրեր, զգում եմ ինձ շատ երջանիկ»,-NEWS.am STYLE-ի հետ զրույցում անկեղծացավ լուսանկարչուհին:
Անդրադառնալով ցուցահանդես ունենալու մտքին՝ նա նշեց.
«Հիմնական պատճառն այն էր, որ արդեն հասունացավ ժամանակը կիսվելու իմ գործերով նաեւ մարդկանց հետ։ Լուսանկարների ընտրությունը բավական դժվար կատարեցի, քանի որ բոլորն էլ ինչ որ հուշ եւ համապատասխան զգացմունք են արթնացնում ինձ մոտ, բայց փորձեցի ընտրել լավագույնները եւ հուսով եմ՝մարդիկ էլ կսիրեն»։
Իր ճանապարհորդություններից Քրիստինեն առանձնացրեց հակապես Հունաստան կատարած այցը, որը ճակատագրական է եղել նրա կյանքում.
«Իմ սիրտը, կարելի է ասել, Հունաստանում է, քանի որ ես այնտեղ եմ սովորել ուսանողական տարիների ընթացքում, այնտեղ եմ ծանոթացել իմ ամուսնու հետ, որն ի դեպ հայ ուսանող էր ինձ նման, այդ իսկ պատճառով Հունաստանի նկարները գերիշխում են այս ցուցահանդեսի ընթացքում»։
Ցուցահանդեսն ունի բարեգործական բնույթ, որի ողջ հասույթն ուղղվելու է «Բարի Մամա» բարեգործական կազմակերպությանը.
««Բարի Մամայի» հետ ծանոթացել էի մի քանի տարի առաջ, շատ պատահական, երբ ամուսնուս եղբայրն առաջարկեց մի քանի իմ գործերից նվիրաբերել բարեգործական հիմնադրամի, այդպես երկու նկար վերցրինք եւ տարանք Հուսիսային պողոտայի ամանորյա տնակները, որտեղ նաեւ «Բարի Մաման» էր: Բարեգործությունն ինձ համար ինքնազոհաբերում է, կիսվելու ունակություն, երեխաներին ժպիտ պարգեւելու ուրախություն, ինչ որ ճանապարհ ինքնամաքրվելու եւ անտարբերությունը, որը շատ տարածված է հիմա, մի փոքր կոտրելու փորձ»։
Քրիստինեի լուսանկարների ցուցահանդեսը կշարունակվի նաեւ այսօր՝ նույն վայրում:
Հետևեք NEWS.am STYLE-ին Facebook-ում, Twitter-ում և Instagram-ում
15:18, 29 մարտի
Իրինա Շեյքը Swarovski campaign֊ում հայտնվել է շշմեցուցիչ կերպարով14:02, 29 մարտի
Ռոբերտ Դաունի կրտսերը խաղում է չորս տարբեր կերպարներ HBO-ի նոր սերիալում13:23, 29 մարտի
Թոմ Քրուզը բաժանվել է ռուս ընկերուհուց իր նախկին օլիգարխ ամուսնու պատճառով12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում