Երգչուհի Անժելա Բարխուդարյանը երկու տարի անց ներկայացրել է իր «Իմն ես» երգի նոր տարբերակը, որն ի տարբերություն առաջինի՝ դանդաղ եւ լիրիկական ոճում է:
NEWS.am STYLE-ի հետ զրույցում Անժելան պատմել է երգի նոր շնչի եւ իր հոգեվիճակի մասին:
«Իմն ես» երգի առաջին տարբերակն ավելի աշխույժ է, գործիքվորումը կատարել է Արման Սարգսյանը, իսկ նոր տարբերակի գործիքավորման հեղինակը Գեւորգ Հովհաննիսյանն է: Տեսահոլովակում օգտագործվել են առաջին տարբերակի կադրերը, որի ռեժիսորը Նարեկ Կթոյանն է, իսկ նոր տարբերակի ռեժիսոր Տիգրան Ավետիսյանն այդ կադրերը համադրել է Անժելայի նոր հոգեվիճակի հետ:
«Սկզբում երգի հենց այս տարբերակն է եղել, բայց գործիքավորողի հետ որոշեցինք նախ ավելի աշխույժ կերպով ներկայացնել այն: Ամեն դեպքում, ինձ մոտ մի ինչ-որ անավարտ բան էր մնացել, որովհետեւ ինձ ավելի հոգեհարազատ էր դանդաղ տարբերակը: Մտածեցի` որոշ ժամանակ անց ներկայացնել նաեւ այդ ձեւաչափով, ու փաստորեն երկու տարի անց արեցինք դա: Այս տարբերակը, երեւի, ավելի մոտ է մեր ազգին, շատ դրական արձագանքներ եմ ստանում, չնայած՝ առաջին տարբերակն էլ ր բավական սիրվել»,-խոստովանում է երգչուհին:
Անժելային տեսահոլովակի վերջնական տարբերակը շատ է ոգեւորել: Նա հենց ինքն էլ մտածել է, որ լավ կլիներ, եթե օգտագործվեին առաջին տարբերակի տեսահոլովակից կադրեր, որպեսզի ունկնդիրն ավելի հեշտ կողմներոշվեր, թե որ երգի remake-ն է այն:
Երգչուհին նաեւ խոստովանեց, որ դանդաղ տարբերակով երգն իր համար նոր հոգեվիճակ ունի.
«Ինձ մի օր հարցրին՝ ինչի՞ց ես վախենում, որի մասին երգում ես: Այդ պահին չպատասխանեցի, բայց հետո խորացա այդ հարցի շուրջ ու հասկացա, որ, ասես, վախենում եմ կորցնելուց: Առհասաակ, մարդ պետք է գնահատի այն, ինչ ունի:
Վախենում եմ կորցնել այն, ինչ ունեմ, որովհետեւ դա ամենաթանկն է ինձ համար: Խոսքն ընտանիքիս, ընկերներիս մասին է... Իսկ այս երգը ոչ միայն տղայի եւ աղջկա միջեւ սիրո, այլեւ ընտանիքի, երեխայի... սիրո տարբեր դրսեւորումների մասին է»:
Ինչ վերաբերում է առաջիկա մյուս նորություններին՝ երգչուհին նշեց, որ այս պահին աշխատում է նոր երգերի շուրջ, որոնցից մեկը շատ շուտով կներկայացնի հանրությանը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին