Երգչուհի Նարե Գրիգորյանն ու նրա ամուսինը` իրավաբան Արամ Շամիլյանը, օրերս նշել են ամուսնության 2-ամյակը: Ամուսնական կյանքը Նարեի խոսքով` ոչ իր, ոչ ամուսնու զգացմունքներում ոչինչ չի փոխել: Միակ բանը, որ փոխվել է իրենց կյանքում եւ էլ ավելի երջանիկ դարձրել առօրյան, իրենց փոքրիկի` 5 ամսեկան Ժիրայր-Ալեքսի ծնունդն է: NEWS.am STYLE-ի հետ զրույցում երգչուհին առանձնակի ջերմությամբ է խոսել որդու եւ մայրության շնորհիվ ունեցած նոր զգացողությունների մասին:
«Ես միշտ ասել եմ, որ պսակադրվելուց ու ցանկացած թուղթ ստորագրելուց շատ ավելի կարեւոր է սիրել, հարգել ու վստահել այն մարդուն, որի հետ կապում ես կյանքդ: Մեր կյանքում ոչ ամուսնության գրանցումը, ոչ էլ պսակադրությունը չփոխեցին ոչինչ: Դրանք, պարզապես, լավ առիթ էին, որ հարազատներով հանդիպեինք եւ ուրախանայինք (ժպտում է): Մենք առաջին օրվա պես սիրում ենք միմյանց, հարգում ու վստահում»,-ասում է Նարեն` հավելելով, որ օր օրի ավելի ներդաշնակ են դառնում իրենց հարաբերությունները:
«Վերանորոգել ենք մեր բնակարանն` այն ավելի հարմարավետ դարձնելով երկուսիս համար, ավելի ճիշտ` հիմա մեր ընտանիքը համալրվել է, արդեն չորսս ենք` մեզ միացել են նաեւ մեր որդին եւ փոքրիկ շնիկը` Լոլիտան»:
Մայրությունն, ամեն դեպքում, որոշակի փոփոխություններ մտցրել է, ինչպես Նարեի առօրյայում, այնպես էլ ներքինում.
«Ավելի պատասխանատու եւ ուշադիր եմ դարձել: Թե ինձ, թե Արամի համար հիմա ամենակարեւորը մեր բալիկին մեծացնելն է, կրթելն ու ճիշտ դաստիարակելը, սովորեցնել այն ամենը, ինչը մեզ են սովորեցրել մեր ծնողները: Շատ կարեւոր է երեխային հենց սկզբից դաստիարակելը: Երբ ինձ ասում են, որ երեխան դեռ շատ փոքր է եւ գիտակից չէ, շատ բաներ չի հասկանում, ես հակադարձում եմ. երբ որդիս դեռ չէր ծնվել, ես շատ էի լսում դասական երաժշտություն, ու հիմա նա եւս հաճույքով լսում է այդ երաժշտությունը»:
Ծնողները հետաքրքիր անուն են ընտրել իրենց փոքրիկի համար` Ժիրայր-Ալեքս: Երգչուհին պատմեց նաեւ, թե ինչպես է տեղի ունեցել որդու անվանակոչումը.
«Այնպես ստացվեց, որ մեր բալիկը ծնվեց իր պապիկի` Արամի հայրիկի ծննդյան օրը եւ դարձավ մեր կողմից ամենասպասված նվերը պապիկին (ժպտում է): Նրան հենց պապիկի պատվին անվանեցինք Ժիրայր, իսկ երկրորդ` Ալեքս անունը ես եւ Արամը միասին որոշեցինք, քանի որ այն ունի միջազգային հնչողություն, որը բոլորը կարող են արտաբերել»:
Նարեի խոսքով` որդին ավելի շատ ընդհանրություններ ժառանգել է Արամից.
«Զարմանալի է, բայց ինձ ընդհանրապես նման չէ, փոխարենը շատ նման է Արամին եւ Ժիրայր պապիկին: Աչքերը կապույտ են, կարծում եմ` այդ գույնը կպահպանվի, որովհետեւ հորս աչքերն էլ են կապույտ ու, առհասարակ, Գրիգորյանների մեջ շատ են կապուտաչյա կանայք եւ տղամարդիկ: Շատ ժպտերես է, դրանով ինձ է նման: Մայրս պատմում է, որ այդ տարիքում ես եւս ամբողջ օրը ժպտացել եմ եւ մարդամոտ եմ եղել: Արտաքնապես ինձ շատ նման չէ, բայց հուսով եմ` մեծանալով գոնե որոշ բնավորության գծեր ինձանից կժառանգի»,-ասում է ու հավելում,-«Նրան, ընդհանուր առմամբ, կարելի է հանգիստ երեխա համարել. զուսպ է, հանգիստ, բայց հենց, որ կաթի ժամն ուշացնում եմ, վերջ... Պահանջում է, որ ամեն ինչ ժամանակին լինի: Մենք նրա լեզուն արդեն հասկանում ենք, աշխատում ենք ամեն ինչ այնպես անել, որ վերջում լավ լինի»:
Բնականաբար, երգչուհի մայրիկն այսօր իր կատարումների մեծ մասը նվիրում է որդուն.
«Նրա համար կատարում եմ իմ իմացած բոլոր օրորոցային երգերը, որոնք էլ չգիտեի, սկսեցի սովորել: Նկատել եմ նաեւ, որ շատ է սիրում Էդգար Էլբակյան կրտսերի հեղինակած «Լուսին» երգը, որը շատ եմ կատարել, երբ դեռ հղի էի: Մեծ հիացմունքով է լսում ամեն անգամ»:
Նարեն արդեն վերադարձել է աշխատանքի. ասում է` երկար չի կարողանում մնալ դադարի մեջ.
«Երեխան դեռ երկու ամսական էր, երբ արդեն անցա աշխատանքի: Բուռն աշխատանքային գործունեությունից հետո երկար դադարն ինձ, ուղղակի, սթրեսի կբերեր: Շատ արագ ընտելացա մայրիկ լինելու «պաշտոնին» եւ արագ հաղթահարեցի հետծննդաբերական շրջանի բոլոր խնդիրները: Նաեւ Արամի շնորհիվ դա ինձ հեշտ տրվեց: Եթե նրա այդ մեծ աջակցությունը չլիներ, ես ոչինչ միայնակ չէի կարողանա անել»:
Ինչպես յուրաքանչյուր ծնող` Նարեն էլ շատ երազանքներ ունի կապված երեխայի ապագայի հետ.
«Երազում եմ, որ մեր բալիկը երջանիկ, ուրախ եւ անհոգ մանկություն ունենա, արժանի հայ լինի իր հայրենիքի համար, պիտանի` աշխարհի համար, լինի բարի ու կամեցող: Սա, կարծում եմ, այն է, ինչը յուրաքանչյուր ծնող երազում է իր երեխայի համար»:
Ի դեպ, չնայած երգչուհու ամուսինը` Արամը, երկար տարիներ ապրել ու աշխատել է ԱՄՆ-ում, արդեն 4 տարի է, ինչ բնակվում է Երեւանում, եւ ինչպես Նարեն է պատմում` այստեղ են պատրաստվում իրենց համատեղ կյանքն անցկացնել.
«Ամուսինս 2016 թ-ից է տեղափոխվել Հայաստան. որոշեց, որ պետք է շարունակի ապրել այստեղ, չնայած կյանքի մեծ մասը` շուրջ 25 տարի, ապրել է ԱՄՆ-ում: Հիմա ոչ նա, ոչ էլ ես չենք ցանկանում տեղափոխվել այլ երկիր, այստեղ մեզ լավ ենք զգում: Մեր ամեն ինչն այստեղ է` տունը, ընտանիքը, ընկերները, սիրելի աշխատանքը... Եթե, նույնիսկ, մեկնենք ԱՄՆ, ապա միայն օդափոխվելու, մի փոքր հանգստանալու համար: Մենք անչափ սիրում ենք Երեւանը, ցանկանում ենք, որ մեր փոքրիկը մեծանա այստեղ, այստեղ ստանա իր կրթությունն ու շարունակի մեր կիսատ թողած գործերը...»:
Սյունե Առաքելյան
Լուսանկարները` Նարե Գրիգորյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով